Fréttablaðið - 21.12.2004, Blaðsíða 66

50 21. desember 2004 ÞRIÐJUDAGUR
Jólasveinninn er kannski göldróttur
Afhverju eru jólin haldin og afhverju í desember?
Hvernig geta jólasveinarnir sett í skóinn inn um lokað-
an glugga? Fréttablaðið fékk nokkra krakka á efstu
deild í leikskólanum Stakkaborg til að spjalla um jólin.
GUÐMUNDUR MÁR
KRISTMUNDS SON 5 ÁRA
„Ég er búinn að fá spil og sokka í skóinn og
líka eitthvað sem ég man ekki hvað heitir.
Jólasveinninn kemst inn um gluggann til
þess að setja í skóinn, kannski er hann
göldróttur,“ segir Guðmundur sem áttar sig
ekki alveg á því afhverju jólin eru haldin.
„Ég veit það ekki, en mig langar í jólasveina
í jólagjöf. Ekki lifandi samt heldur styttur.
Annars er ekki hægt að pakka þeim inn í
jólapappírinn.“
HLÍN SIGURÐARDÓTTIR
4 ÁRA
Hlín er ekki búin að ákveða sig hvað hún vill
í jólagjöf en hún veit afhverju jólin eru hald-
in. „Það er af því að það er desember. Alltaf
þegar er desember eru haldin jól. Það væri
ekki hægt að halda jól á sumrin því þá er eng-
inn snjór og ef það er enginn snjór vilja jóla-
sveinarnir ekkert koma,“ segir hún. Hlín
heldur að það sé allt í lagi þótt jólasveinarnir
kíki inn til hennar á nóttunni. „Þeir klifra
bara upp stiga og fara inn um gluggann. Það
er allt í lagi þó þeir komi inn á stígvélunum,
þeir skíta ekkert út.“
HEIÐRÚN BERG SVEINS-
DÓTTIR 5 ÁRA.
Heiðrún er ekki alveg viss afhverju jólin eru
haldin en hún veit hvað hún vill í jólagjöf. „Ég
vil fá gorm. Helst vil ég fá röndóttan gorm.
Ég ætla líka að gefa ömmu og afa, frændan-
um mínum og frænkunum mínum,“ segir
Heiðrún íbyggin. Hún er með miklar kenning-
ar um jólasveininn og hvernig hann fer að því
að koma dóti í skóinn inn um glugga. „Hann
tekur stiga og klifrar upp og teygir höndina
inn um opinn glugga. Ég er reyndar ekki
alltaf með opinn glugga,“ segir hún að lokum
og verður hugsi á svip.
EINAR LUTHER
HEIÐARS SON 5 ÁRA
Einar er ófeiminn strákur sem vill ólmur skoða
myndavél ljósmyndarans. „Ég er búinn að fá
svona fiska í skóinn sem eru settir í gat og
maður veiðir með veiðistöng og segulstáli og
líka karamellur og pening. Ekki spyrja mig af-
hverju jólin eru haldin, ég veit það ekkert,“
segir hann og hlær. Hann er með það á hreinu
hvernig jólasveinarnir komast inn um glugg-
ann til þess að gefa í skóinn: „Þeir komast inn
á sleðanum, fljúgandi sleða með göldróttum
hreindýrum.“ Einari langar í rafmagnsgítar í
jólagjöf. „Mig langar í rafmagnsgítar en ekki
með svona strengjum heldur með takka til að
ýta á. Ég kann að spila á rafmagnsgítar og ætla
að verða rokkstjarna. Og lögga.“
ARON BJARKI
GUÐNASON 5 ÁRA.
Aron Bjarki er með það á hreinu hvað hann
vill fá í jólagjöf. „Tannkrem! Ég vil fá tann-
krem í jólagjöf,“ segir hann sposkur á svip.
Hann segir jólin vera haldin því þau eru al-
veg að koma, sem er auðvitað ekkert verri
ástæða en hver önnur. „Þau eru alveg að
koma, það er ekki hægt að halda þau á sumr-
in. Eða, kannski gætum við prófað að hafa
þau næst á sumrin. Jólasveinninn gefur í
skóinn og hann skítur aldrei neitt út hjá mér.
Kannski þrífur hann bara eftir sig.“
hilda@frettabladid.is
66-67 (50-51) FOLK 20.12.2004 18:52 Page 2