Fréttablaðið - 21.12.2004, Blaðsíða 67

ÞRIÐJUDAGUR 21. desember 2004
James Brown hefur gengist
undir skurðaðgerð vegna
krabbameins í blöðruhálskirtli.
Dr. James Bennett sagði gömlu
soul-kempuna vera að hvílast
eftir aðgerðina.
„Við búumst við að hann nái
fullum bata,“ sagði læknirinn.
„Með réttri læknismeðferð og
umönnun getum við búist að
hann nái sér að fullu.“
„Ég hef gengið í gegnum
margt um ævina og mun líka
komast í gegnum þetta,“ sagði
söngvarinn fyrir aðgerðina.
Hann kom nýlega úr tveggja
vikna tónleikaferðalagi um
Kanada og búist er við að hann
taki að minnsta kosti þrjár vikur
í hvíld eftir aðgerðina.
„Hr. Brown hefur alltaf verið
harður af sér og við erum sann-
færð um að hann verði í fullu
fjöri í 50 ár í viðbót,“ sagði um-
boðsmaður söngvarans, „Super-
Frank“ Copsidas.
Brown greindist með krabba-
mein í blöðruhálskirtli í síðustu
viku. Hann stefnir enn á tón-
leikaferðalag í Asíu og Ástralíu
á næsta ári og gefur út ævisögu
sína í næsta mánuði. ■
JAMES BROWN Læknirinn
segir allar líkur á að gamla
soul-kempan nái sér að fullu
eftir aðgerðina.
James Brown býst við fullum bata
Hljómsveitin Tenderfoot hefur
gert útgáfusamning við breska
fyrirtækið One Little Indian. Mun
plata sveitarinnar, „Without
Gravity“ koma út í Evrópu og Jap-
an í lok febrúar á næsta ári.
„Þetta var alltaf stefnan,“ seg-
ir Karl Hákonarson, söngvari og
gítarleikari Tenderfoot, um nýja
samninginn. „Við vorum alltaf að
vonast til að þetta myndi takast.
Þetta eru gleðileg tíðindi.“ Hann
segist þó ekkert vera að velta
fyrir sér að slá í gegn í útlöndum.
„Við erum ekkert að spá neitt í
því. Það er gaman að fá tækifæri
til að fara út og spila fyrir nýtt
fólk.“
Tenderfoot hefur undanfarið
vakið nokkra athygli erlendis,
meðal annars í Bandaríkjunum.
Kannski ekki skrítið því tónlist
sveitarinnar hefur oft verið lýst
sem nokkurs konar anga af sveita-
tónlist. Um miðjan febrúar spilar
Tenderfoot á tónleikahátíðinni
By:Larm í Noregi ásamt Jan
Mayen og Mugison og þar á eftir
heldur hún nokkra tónleika í Bret-
landi. Ekki er þó víst hvort eða
hvenær sveitin fer til Bandaríkj-
anna til að fylgja eftir nýju plöt-
unni.
Að sögn Karls var platan tekin
upp í sumar en síðustu tvö til þrjú
árin hafði Tenderfoot eingöngu
spilað á tónleikum. Tvö lög voru
samin við upptökur á plötunni og
á endanum voru ellefu lög valin úr
þeim sextán sem til voru. Karl ját-
ar að meðlimir sveitarinnar hlusti
töluvert á sveitatónlist og ýmis-
legt annað tengt þeim. Nefnir
hann til sögunnar áhrifavalda á
borð við Neil Young, Crosby, Stills
& Nash, Bob Dylan og Elliott
Smith.
Tónlist Tenderfoot er að
mestu leyti órafmögnuð og
skapar það að vonum sérstæða
stemningu. Karl, sem áður var í
hljómsveitinni Útópíu ásamt gít-
arleikaranum Konna, sér ekki
fram á að rafmagnsgítarar fari
að hljóma hjá þeim í bráð en úti-
lokar það þó ekki. „Ef fílingur-
inn verður þannig. Það er ekki
gott að binda sig í einhverju
einu.“
freyr@frettabladid.is
TENDERFOOT Hljómsveitin Tenderfoot hefur gert útgáfusamning við One Little Indian.
■ TÓNLIST
Útgáfusamningur og tónleikaferð
66-67 (50-51) FOLK 20.12.2004 18:52 Page 3