Fréttablaðið - 23.12.2004, Blaðsíða 55

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
GUÐ
Framundan eru jólin, þegar viðminnumst þess að Jesús fædd-
ist. Jesús var Guð og líka maður.
Guð varð maður. Hann varð eins
og við í þeirri von að við myndum
vilja verða eins og Hann.
GUÐ vill ekki neyða okkur til
samfélags við sig. Hann vill að við
viljum vera með honum. Hann er
hin fullkomna ást. Hann neyðir
okkur ekki til að elska sig. Hann
vill ekki að við séum þrælar sínir.
Hann vill að við verðum ástfangin
af Honum af fúsum og frjálsum
vilja. Hann elskar okkur skilyrðis-
laust. En Hann gefur okkur frelsið
til að velja.
EN HVER er Guð? Hann er ekki
jólasveinninn. Hann er ekki ein-
hver eldri maður sem á heima uppí
himingeimnum. Guð er ekki ill-
gjarn eða langrækinn. Guð ber
ekki ábyrgð á illverkum mann-
anna. Þegar þjóðarleiðtogar fara í
stríð í Guðs nafni eru þeir einfald-
lega að ljúga. Guð tekur engan þátt
í stríðum þeirra. Hann þjáist fyrir
þau. Guð stendur ekki á bakvið ill-
verkin sem framin eru í heiminum.
Það er ekki Guði að kenna að við
áttum slæma æsku. Guð er kær-
leikur. „Hvað sem þú gerir einum
minna minnstu bræðra, það gerir
þú mér,“ sagði Hann. Allt illt sem
við gerum öðrum gerum við Guði.
En allir sem eru í kærleikanum
eru í Guði, hvort sem þeim líkar
betur eða verr. Guð er hafinn yfir
allar kenningar.
EINU sinni hélt ég að ég væri guð.
Einn daginn áttaði ég mig á því að
það hlyti að vera til eitthvað
merkilegra afl í alheiminum en ég.
Þá fór ég að leita að Guði. Og ég
fann kærleikann. Guð er alltaf
hérna og núna. Hann býr í okkur
og Hann býr í öðru fólki.
GUÐ er ekki í trúarbrögðunum.
Trúarbrögðin eru mörg. Guð er
alltaf bara einn Guð. Kærleikurinn
er ekkert frábrugðinn hjá búddist-
um eða hjá hindúum, eða kristnum.
Kærleikurinn er sjálfstæður og
sjálfum sér nógur. Hann stendur
með lítilmagnanum og sakleysingj-
unum. Hann fyrirgefur endalaust
og tekur alltaf við okkur aftur og
aftur hvað sem við höfum gert
Honum. Hann yfirgefur okkur
aldrei. Af öllum undrum veraldar
er kærleikurinn mestur. Guð gefi
ykkur öllum gleðileg jól. ■
JÓNS GNARR
BAKÞANKAR