Fréttablaðið - 24.12.2004, Blaðsíða 8

8 24. desember 2004 FÖSTUDAGUR
ASALI FÆR JÓLAGJÖF
Ljónsunginn Asali sem er í Taronga dýra-
garðinum í Sydney í Ástralíu fékk að opna
einn jólapakka í gær, á undan okkur hinum.
Ekki er alveg vitað hvert innihaldið var en
það mun þó hafa verið nokkuð blóðugt.
Hagkaup og Velferðarsjóður barna:
Veittu styrk upp á fjórar milljónir
GÓÐGERÐARMÁL Finnur Árnason
framkvæmdastjóri Hagkaupa og
Ingibjörg Pálmadóttir fyrrverandi
ráðherra og framkvæmdastjóri
Velferðasjóðs barna afhentu í vik-
unni Mæðrastyrksnefnd og Hjálp-
arstofnun Kirkjunnar styrk að upp-
hæð 4 milljónir króna til kaupa á
jólagjöfum fyrir börn og unglinga.
Með þessum styrk vilja Hagkaup
og Velferðarsjóður barna leggja sitt
af mörkum til þess mikla góðgerða-
starfs sem Mæðrastyrksnefnd og
Hjálparstofnun kirkjunnar standa
að. Ingibjörg Pálmadóttir hefur ver-
ið framkvæmdastjóri Velferðar-
sjóðs barna undangengin tvö ár en
sjóðurinn er samstarfsverkefni
Íslenskrar erfðagreiningar og heil-
brigðisráðuneytisins. Á síðastliðn-
um fimm árum hefur sjóðurinn var-
ið um 300 milljónum til velferðar-
mála barna.
Þetta eru önnur jólin í röð sem
Hagkaup leggja til styrk til Mæðra-
styrksnefndar en þau sinna einnig
ýmsum öðrum góðgerðarmálum. ■
800 ÞÚSUND GESTIR Á meðan á
verkfalli grunnskólakennara stóð
voru flettingar á heimasíðu Kenn-
arafélags Reykjavíkur 800 þús-
und. Frá því er greint á heimasíð-
unni að lagt hafi verið kapp á að
koma síðunni í loftið tímanlega
fyrir verkfall. Flestar hafi flett-
ingarnar verið 40.000 á sama sól-
arhringnum í verkfallinu.
VIÐRÆÐUM FRESTAÐ Kjaravið-
ræðum samninganefnda starfs-
manna og eigenda Norðuráls
hefur verið frestað fram yfir ára-
mót. Kjarasamningur starfs-
manna rennur út um áramótin.
Vilhjálmur Birgisson, formaður
Verkalýðsfélags Akraness, segir
menn ekki farna að takast á um
kröfurnar að neinu marki: „Við
erum rétt farnir að ræðast við“.
■ KJARAMÁL
Fjölbraut við Ármúla:
Skólameistari
valinn
SKÓLAMÁL Gísli Ragnarsson, aðstoð-
arskólameistari við Fjölbrautaskól-
ann í Garðabæ, verð-
ur næsti skólameist-
ari Fjölbrautaskól-
ans við Ármúla. Gísli
tekur við stjórn 1.
janúar.
Gísli er ráðinn til
fimm ára. Hann
tekur við af Sölva
Sveinssyni, sem mun
taka við starfi skóla-
stjóra Verzlunar-
skóla Íslands.
Gísli starfaði sem aðstoðar-
skólameistari frá 1985. Hann var
valinn úr hópi tíu umsækjenda og
mælti skólanefnd Fjölbrautaskóla
Ármúla einróma með ráðningu
hans, samkvæmt vef menntamála-
ráðuneytisins. - gag
Þingflokkur Frjálslynda flokksins
sendir landsmönnum öllum
bestu óskir um
gleðileg jól og farsælt komandi ár
með þökkum fyrir það liðna.
HÁSKÓLI ÍSLANDS Konur eru í meiri-
hluta í uppeldisgreinum og hjúkr-
unarfræði og hefur sókn karla í
þær greinar ekki aukist jafnmikið
undanfarin ár og sókn kvenna í
hefðbundnar karlagreinar. Af öll-
um deildum er hlutfall kynjanna
ójafnast í hjúkrunardeild en þar
eru 97 prósent nemenda konur.
Í raunvísindadeild eru konur
fjölmennari en karlar en þar er
misskiptingin mikil í sumum
skorum. Í stærðfræðideild eru
þær til dæmis bara 30 prósent,
eðlisfræðiskor fjórðungur eða 24
prósent og í matvælafræði 74 pró-
sent.
Í verkfræðinni eru karlmenn
yfirleitt í meirihluta, eða 72 pró-
sent, en þó hefur sókn kvenna
aukist síðustu ár. Í umhverfis- og
byggingaverkfræði eru konur 51
prósent en í tölvunarverkfræði-
skori eru þær aðeins 12 prósent.
Í viðskipta- og hagfræðideild
eru konur í meirihluta, eða 53
prósent. Konurnar eru fleiri í
viðskiptaskori en hagfræðiskori.
Þær eru 58 prósent í viðskiptun-
um en 37 prósent í hagfræðinni.
Berglind Rós Magnúsdóttir,
jafnréttisfulltrúi Háskóla Íslands,
segir að konur séu að meðaltali
eldri en karlarnir þegar þær
koma í háskólann. Þær séu að
meðaltali 28 ára meðan karlarnir
séu 26 og það kunni að vera ein af
ástæðunum fyrir því hvers vegna
konur eru svo margar í skólanum.
Hún segir að svo virðist sem
meiri virðing sé fyrir námi, sem í
hugum flestra tengist karl-
mennsku, og því sé ásókn beggja
kynja meiri í þær greinar. Þessum
hugmyndum þurfi að breyta ef
rétta eigi kynjahlutföll. Mikil-
vægt sé að karlar sinni kennslu-,
uppeldis- og hjúkrunarstörfum.
Innan Háskóla Íslands er verið að
kanna af hverju karlar sækja ekki
meira í hjúkrunarfræðina, ekki
síst þar sem hlutfall þeirra er
hærra í nágrannalöndunum.
Stúlkur eru fjölmennari en
piltar á framhaldsskólastigi og
virðast piltarnir frekar hverfa frá
námi. Erlendar rannsóknir sýna
að sjálfstraust stúlkna eykst með
meiri menntun meðan sjálfstraust
karla virðist óháðara menntun-
inni. Konurnar sækja ekki bara
námsgráðu heldur líka þor til að
hafa rödd og áhrif í samfélaginu.
ghs@frettabladid.is
Konur eldri
en karlarnir
Konur í grunnnámi, meistaranámi og doktors-
námi við Háskóla Íslands eru 63 prósent nemenda
miðað við 20. október 2004.
Nánari upplýsingar má sjá á
www.hi.is/page/jafnrettismal.
IÐNAÐUR Heimsmarkaðsverð á áli
hefur ekki verið hærra að meðal-
tali frá árinu 1995. Eftirspurn áls
hefur aukist hraðar á árinu en á
síðustu tuttugu árum. Í fyrsta
skipti í fjögur ár er eftirspurn
meiri en framboð.
Hrannar Pétursson upplýsinga-
fulltrúi Alcan segir framleiðslu í
áverinu í Staumsvík ekki verða
aukna verulega vegna mikillar
eftirspurnar. Framleiðslan hafi þó
aukist þar síðustu ár. Hún verði 178
þúsund tonn, þremur prósentum
meiri en á árinu á undan:
„Það verður erfiðara á hverju
ári að bæta við. Við erum ekki að
stækka verksmiðjuna en reynum
að fá meira út úr því sem við
höfum.“
Hrannar segir að þrátt fyrir að
vel gangi um þessar mundir sé
óljóst hvort álverið stækki: „Það er
verið að skoða málin í rólegheitun-
um. Við erum hluti af mjög stóru
fyrirtæki sem rekur tuttugu álver
og verið er að skoða kostina hér og
meta þá gegn kostum annars stað-
ar.“ - gag
ÁLVERIÐ Í STRAUMSVÍK Í BAKSÝN
HAUKAHEIMILISINS
Álnotkun í Kína hefur aukist svo mikið að
ríkið er að verða það áhrifamesta í heimin-
um. Fyrir tíu árum notuðu Kínverjar einn
fjórða af því sem Kanar nýttu. Á næsta ári
er spáð að þeir fari fram úr Bandaríkja-
mönnum.
Framleiðsla áls í Straumsvík ekki aukin verulega:
Hæsta álverð í níu ár
FR
ÉT
TA
B
LA
Ð
IÐ
/E
.Ó
L.
FR
ÉT
TA
B
LA
Ð
IÐ
/S
TE
FÁ
N
BERGLIND RÓS MAGNÚSDÓTTIR
Jafnréttisfulltrúi Háskóla Íslands telur með-
al annars að virðing fyrir námi, sem í hug-
um flestra tengist karlmennsku, sé meiri og
því sæki bæði kynin meira í þær greinar.
SÖLVI
SVEINSSON
Fráfarandi
skólameistari.
FRÁ AFHENDINGUNNI
Frá vinstri: Finnur Árnason, Arndís Arnarsdóttir, Ingibjörg
Pálmadóttir, Margrét K. Sigurðardóttir, Amalía Jóna Jónsdóttir, Aðalheiður Fransdóttir og
Ragnhildur Guðmundsdóttir, formaður Mæðrastyrksnefndar.
Veðrið á aðfangadag:
Spáð stormi fyrir austan
VEÐUR Veðurstofa Íslands spáir
stormi á Austur- og Norðaustur-
landi upp úr hádegi í dag. Á Norð-
austurlandi má gera ráð fyrir vax-
andi norðvestanátt og snjókomu
eða éljum víða og vindhraða upp á
fimmtán til tuttugu metra við
ströndina og því ekkert ferðaveð-
ur. Frost verður tíu til tuttugu stig
í dag, kaldast í innsveitum, en
talsvert mildara á morgun. Frost
verður tíu til tuttugu stig en verð-
ur talsvert mildara á jóladag.
Nokkuð hvasst verður á höfuð-
borgarsvæðinu í dag og búast má
við éljum og skafrenningi því
meðfylgjandi. Samkvæmt veður-
stofu er spáð norðaustanátt og
vindhraða upp á fimm til tíu
metra á sekúndu og frosti um átta
til fjórtán stig. Á jóladag hlýnar
og má gera ráð fyrir fimm til tíu
stiga frosti.
Á Suðurlandi er spáð skafrenn-
ingi og kulda, sjö til átján stigum,
en kaldast verður til inn til lands-
ins, en veður verður mildara á
jóladag eins og víðast hvar.
- bs
EKKERT FERÐAVEÐUR
Spáð er snjókomu og stormi á Austur- og
Norðausturlandi í dag.