Fréttablaðið - 24.12.2004, Blaðsíða 44
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Dreifing: 515 7520 Auglýsinga- og markaðsdeild: 550 5010 – fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Rauðklæddur
vágestur
Alveg er það merkilegt eins ogÚtlendingastofnun hefur staðið
sig í að halda alls konar slekti frá
landinu að hinn ameríski Santa
Claus skuli fá að valsa um hér ár
eftir ár og stofna atvinnuöryggi
íslenskra alvörujólasveina í hættu.
Danskir vítisenglar eru snúnir
niður í Leifsstöð og sendir aftur
niður í undirheima Kaupmanna-
hafnar með næstu vél, og meira að
segja friðsamir stúdentar frá Úkra-
ínu eru sendir heim ef grunur leik-
ur á því að þeir búi hér í ástlausu
hjónabandi.
HÆTT ER VIÐ að afrískir töfra-
læknar eða kínverskir hómópatar
fengju hér óblíðar viðtökur ef þeir
smygluðu sér inn í landið og færu
að praktísera hér í leyfisleysi og
héldu því fram að þeir væru hinir
einu og sönnu kunnáttumenn í sínu
fagi og íslenskir læknar væru að-
eins lélegar eftirlíkingar. Í ljósi
þessa er það furðulegt að hinn
bandaríski brúsaskeggur skuli hafa
komist upp með að praktísera
skrípalæti sín á Íslandi í meira en
hálfa öld án landvistarleyfis og
leggja í rúst þá fornu og þjóðlegu
atvinnugrein íslensku jólasvein-
anna að hræða börn með gassa-
gangi.
Í ÖÐRUM LÖNDUM hefur
verið gripið til sérstakra ráðstaf-
ana gegn þessum rauðklædda vá-
gesti. Víða í Þýska sambandslýð-
veldinu hefur hann verið gerður út-
lægur og lýst hefur verið yfir „jóla-
sveinalausum svæðum“, þar sem
hvítskegg er bannað að láta sjá sig.
Hérlendis er þessu á annan veg
farið. Santa Claus hefur lagt undir
sig megnið af starfsvettvangi jóla-
sveinanna og ríkir einn á gleðisam-
komum, jólatrésskemmtunum og í
kringlum og smáralindum.
SYNIR GRÝLU OG
LEPPALÚÐA mega snapa gams
meðan hinn bandaríski keppinautur
þeirra veður hér uppi vegabréfslaus
og enginn spyr um atvinnuleyfi.
Þarna eru vissulega stórir hagsmunir
í húfi því að reiknimeistarar hafa
komist að þeirri niðurstöðu að íslensk
börn fái gjafir að andvirði 200 milljón
króna í skóinn á aðventunni – áður en
brestur á með alvöru jólagjafir á að-
fangadagskvöld. Ef ekki verður tekið
á þessu máli fyrr en síðar líður að því
að við förum að segja „Merry
Christmas“ við börnin okkar í stað
þess að segja: GLEÐILEG JÓL!
BAKÞANKAR
ÞRÁINS BERTELSSONAR