Fréttablaðið - 27.12.2004, Blaðsíða 4

4 27. desember 2004 MÁNUDAGUR
Ferðamenn í suðurhluta Taílands:
Hlupu öskrandi
frá ströndinni
TAÍLAND, AP „Allt í einu voru göt-
urnar á kafi í sjó og fólk hljóp
öskrandi frá ströndinni,“ sagði
Ástralinn John Hyde, sem var í
jólafríi á suðurhluta Taílands
þegar gífurleg flóðbylgja gekk
þar yfir.
„Straumurinn tók fólkið með
þrátt fyrir að það væri ennþá á
mótorhjólunum sínum,“ sagði
annar ástralskur ferðamaður,
Simon Morse. „Flóðbylgjan tók
bíla með sér og ýtti þeim áfram
eftir veginum. Þeir rákust síðan
á ýmsa hluti á leiðinni.“
Eigandi tveggja ferðamanna-
staða á Phi Phi-eyjum, þar sem
Hollywood-myndin The Beach
með Leonardo DiCaprio í aðal-
hlutverki var tekin upp, sagði að
flóðbylgja hefði tekið með sér
200 af íbúðunum sínum, ásamt
starfsmönnum og viðskiptavin-
um. „Ég er hræddur um að marg-
ir erlendir ferðamenn hafi týnt
lífi og einnig mikið af starfsfólk-
inu mínu,“ sagði hann. Óttaðist
hann að um 700 manns hefðu
verið úti á strönd þegar bylgjan
skall á. ■
JARÐSKJÁLFTI Jarðskjálftinn við
Súmötru varð vegna jarðfleka-
hreyfinga. Ragnar Stefánsson
jarðeðlisfræðingur segir að gífur-
leg orka leysist úr læðingi við slík-
ar aðstæður og geti flóðbylgjur
sem myndast af þeim sökum borist
þúsundir kílómetra. Hann telur
enga hættu á slíkum skjálftum við
Ísland.
Jarðskjálftinn undan ströndum
Súmötru varð í gærmorgun á þús-
und kílómetra löngu misgengi en
það er hluti af skjálftabelti sem
teygir sig frá Indónesíu allt vestur
að Miðjarðarhafi. Þarna gengur
Indó-Ástralíuflekinn undir Evr-
asíuflekann með tilheyrandi um-
brotum.
Ragnar Stefánsson jarðeðlis-
fræðingur telur litlar líkur á fleiri
stórum skjálftum á þessum stað í
bili. Hins vegar kann skjálftinn í
gær að auka líkur á skjálftum vest-
ur eftir beltinu þar sem spenna er
fyrir. Þannig má vera að stór
skjálfti á Níkóbareyjum austur af
Indlandi í gær tengist Súmötru-
skjálftanum.
Þegar jarðskjálftar verða undir
hafsbotninum við slík flekamót
lyftist sjávarbotninn um nokkra
metra eftir endilangri sprungunni
og ryður frá sér ókjörum af sjó.
Því mynduðust margra metra háar
flóðbylgjur í kjölfar skjálftans
með hræðilegum afleiðingum.
Ragnar segir þessar bylgjur geta
ferðast þúsundir kílómetra en
þeim þverr krafturinn eftir því
sem fjær dregur upptökunum.
Sé litið til orkulosunar er
Súmötruskjálftinn um 5.000 sinn-
um öflugri en Suðurlandsskjálft-
arnir árið 2000. Hins vegar er
munurinn á áhrifunum ekki mikill
að öðru leyti en því að svæðið sem
varð fyrir miklu tjóni í Suður-
landsskjálftunum var margfalt
minna en svæðið í skjálftanum í
gær. Ragnar telur engar líkur á að
slíkar hamfarir geti orðið hérlend-
is, því jarðskorpan hér er þynnri
og bindur því minni orku. „Þunn
spýta miðað við þykkan planka,“
segir hann.
sveinng@frettabladid.is
Innbrot á jólanótt:
Vöknuðu
við þjófa
LÖGREGLA Brotist var inn á fjórum
stöðum í Reykjavík frá því klukk-
an fimm á jóladagsmorgun og til
klukkan ellefu um kvöldið. Hús-
ráðandi í Breiðholti vaknaði við
þrusk og kom að tveimur inn-
brotsþjófum í eldhúsinu. Þjófarn-
ir ruku tómhentir á brott.
Á öðru heimili í Breiðholti fór
innbrotsþjófur tómhentur á brott
þegar húsráðandi kom að honum.
Á heimili í austurborginni var far-
tölvu, skartgripum og fleiru stolið
í innbroti. Þjófarnir komust inn
um ólæsta svalahurð. Lögregla
hefur ákveðna menn grunaða um
innbrotin. - hrs
PÁFI BIÐUR FYRIR FÓRNAR-
LÖMBUNUM Margir ferðamenn og
pílagrímar voru saman komnir til
að hlýða á ræðu Jóhannesar Páls
páfa á Péturstorginu í Páfagarði.
Páfi bað fyrir fórnarlömbum ham-
faranna í Suðaustur-Asíu og harm-
aði að slíkir atburðir skyldu hafa
orðið í miðri jólahátíðinni. Einnig
kallaði páfi á aðgerðir frá alþjóða-
samfélaginu til að aðstoða þjóðirn-
ar sem hafa orðið fyrir barðinu á
þessum hörmungum.
EVRÓPUSAMBANDIÐ SENDIR FJÁR-
HAGSAÐSTOÐ Þrjár milljónir evra
voru sendar frá Evrópusamband-
inu til Suðaustur-Asíu um leið og
fréttir bárust af jarðskjálftunum.
Fjárhagsaðstoðinni verður komið
til skila í gegnum Rauða krossinn
og önnur mannúðarsamtök.
SAMÚÐARKVEÐJUR FRÁ PÚTÍN
Vladimír Pútín Rússlandsforseti
sendi samúðarkveðjur til leiðtoga
ríkjanna sem urðu að þola mest
mannfall eftir jarðskjálftann. Rúss-
ar máttu sjálfir þola eitthvert
mannfall en einhver rússnesk fórn-
arlömb eru á lista yfir látna ferða-
menn.
BANDARÍKIN LEGGJA FÓRNAR-
LÖMBUM LIÐ George Bush Banda-
ríkjaforseti sendi fórnarlömbum
jarðskjálftans samúðakveðjur í
gær. Þá sagði Bush að Bandaríkin
myndu leggja sitt af mörkum til
þeirra þjóða sem verst urðu úti í
náttúruhamförunum.
BRETADROTTNING VOTTAR SAMÚÐ
Elísabet Bretadrottning vottaði
fórnarlömbum flóðanna í Asíu sam-
úð sína í gær. Drottningin sagðist
taka hamfarirnar í Asíu mjög
nærri sér.
■ JARÐSKJÁLFTINN
Ferð þú í jólaboð?
Spurning dagsins í dag:
Fékkstu góðar jólagjafir?
Niðurstöður gærdagsins
á visir.is
30%
70%
Nei
Já
KJÖRKASSINN
Farðu inn á fréttahluta visir.is
og segðu þína skoðun
ALLT Á KAFI
Bátar og bílar voru á kafi víða um strendur
suðurhluta Indlands eftir flóðbylgjuna.
Fiskibátar á Indlandi:
Eins og úr
pappír
INDLAND, AP P. Ramanamurthy, fer-
tugur íbúi í Kakinada á suðurhluta
Indlands, var harmi lostinn þegar
hann horfði út á sjó er flóðbylgjan
gekk þar yfir.
„Mér dauðbrá þegar ég sá fjöld-
ann af fiskibátum svífa um á risa-
stórum öldunum. Þeir fóru fram og
aftur í sjónum eins og þeir væru
búnir til úr pappír,“ sagði hann.
„Fjömörgum bátum hvolfdi en sjó-
mennirnir reyndu hvað þeir gátu til
að að halda sér í þá. Þeir enduðu síð-
an í sjónum. Þetta var skelfilegt.“ ■
S: 552 5070
við JL-Húsið
Opið 08:00-18:30
Þar sem fiskurinn stoppar stutt
SKATA
LÚÐA - LAX
VIÐ SJÁVARSÍÐUNA Á INDLANDI
Sjómönnum hefur verið ráðlagt að halda
sig heima við næstu daga af ótta við fleiri
flóðbylgjur.
Indverskir sjómenn:
Veri heima
MADRAS, AP Sjómönnum við suður-
strönd Indlands hefur verið ráðlagt
að halda sig heima við næstu tvo
daga af ótta við flóðbylgjur. Mikil
flóðbylgja í kjölfar jarðskjálftans í
Asíu í gær kostaði að minnsta kosti
1.900 manns lífið á suðurströnd Ind-
lands og jafnaði heimili fjölda fólks
við jörðu.
Flóðbylgjan kom íbúum og yfir-
völdum í opna skjöldu. „Það er eng-
in trygging fyrir því að fleiri
flóðbylgjur fylgi ekki í kjölfarið og
því höfum við ráðlagt sjómönnum að
sækja ekki sjó næstu daga,“ sagði
fræðimaður við jarðeðlisfræðistofn-
unina í Hyderabad í gær. ■
RAGNAR STEFÁNSSON
GENGIÐ EFTIR STRÖND
Evrópskir ferðamenn ganga eftir strönd í
Phuket í Taílandi eftir að flóðbylgja gekk
þar yfir.
STÆRSTU JARÐSKJÁLFTAR SÖGUNNAR
Jarðskjálftinn vestur af Súmötru í gær var
sá stærsti sem mælst hefur í fjörtíu ár og
fimmti stærsti skjálftinn síðan mælingar
hófust.
5.000 sinnum öflugri
en Suðurlandsskjálftar
Jarðflekahreyfingar í hafinu vestur af Súmötru ollu risi sjávarbotnsins
sem orsakaði hinar mannskæðu flóðbylgjur. Ragnar Stefánsson segir
orkulosunina 5.000 sinnum meiri en í Suðurlandsskjáltunum.