Fréttablaðið - 27.12.2004, Blaðsíða 8
8 27. desember 2004 MÁNUDAGUR
GÍFURLEG EYÐILEGGING
Kona grætur eftir að flóðbylgja eyðilagði
hús hennar í strandbyggðum Colombo á
Sri Lanka í gær. Gríðarstórar flóðbylgjur
sem orsökuðust af neðansjávarjarðskjálfta
upp á 8,9 á Richter-kvarða gengu yfir
strandbyggðir Asíu við Indlandshaf og
urðu yfir 10.000 manns að bana.
Jarðskálfti yfir 7 á Richter úti fyrir Bangladess:
Tvö börn fórust og
eignatjón mikið
BANGLADESS, AP Að minnsta kosti
tvö börn fórust í öflugum jarð-
skjálfta upp á 7,4 á Richter suður
af Bangladess. Að sögn björgun-
arsveita og veðurfræðinga komu
fram sprungur í jörð og flóð-
bylgjur mynduðust. Skjálftinn
átti upptök sín á hafi úti, um
1.000 kílómetra suður af hafnar-
borginnni Chittagong í suður-
hluta landsins, að því er fram
kom í tilkynningu Veðurstofu
Bangladess.
Börnin sem fórust drukknuðu
eftir að báti sem þau voru í með
fimmtán öðrum ferðamönnum
hvolfdi í öldugangi úti af ferða-
mannabænum Kuakata, um 150
kílómetra suður af höfuðborg-
inni Dakka. Þá var í gær þriggja
sjómanna saknað að auki, eftir að
bát þeirra hvolfdi í Satkhira-
héraði í suðurhluta landsins.
Jarðsjálftar af þessari stærð
eru sjaldgæfir í Bangladess,
enda voru íbúar þar í landi skelf-
ingu lostnir þegar hann gekk
yfir. Í strandbæjum er fólk sagt
hafa flúið heimili sín í skelfingu
þegar skjálftinn og eftirskjálft-
ar, sem stóðu í nærri eina og
hálfa mínútu, riðu yfir. ■
Heppin að vera ekki
farin á ströndina
Átta Íslendingar dveljast á Phatong-strönd í Taílandi. Þeim líður illa en halda
hópinn og reyna að gera sér lífið bærilegt. Óvissa ríkir um framhald ferðalagsins innan hópsins.
JARÐSKJÁLFTI Hópur átta Íslendinga
er á nokkurra vikna ferðalagi í
Taílandi og hefur dvalist á hóteli við
Phatong-ströndina á Phuket-eyju
síðustu daga. Hópurinn var seinn á
ströndina í gærmorgun, sem betur
fer má segja því að hann sat á ver-
öndinni og var að borða morgun-
verð þegar flóðbylgjan skall á. Ís-
lendingarnir sáu hana aldrei. Þeir
sáu bara hvernig vatn flæddi upp úr
skólpræsunum og allar götur fyllt-
ust af vatni. Á örskammri stundu
fylltist hótelið af fólki sem sótti í ör-
yggi og skjól og mynduðust þar
nokkurs konar flóttamannabúðir.
Friðrik Árnason prentsmiður er í
hópnum ásamt konu sinni, Díönu
Lantom Huiphimai, og sjö ára syni
þeirra, Tómasi. „Við erum lifandi en
okkur líður illa, alveg herfilega. En
það er enginn slasaður. Við erum
bara að bíða eftir annarri flóðbylgju
hér á hótelinu,“ sagði Friðrik í sím-
tali síðdegis í gær. Sjö klukkutíma
tímamunur er á Íslandi og Taílandi
og var því að nálgast miðnætti í
Taílandi. Tómas sonur þeirra Díönu
var farinn að sofa en þau hjónin áttu
ekki von á að geta sofnað, ekki frek-
ar en hinir Íslendingarnir í hópnum.
„Við erum að bíða eftir einhverju
sem er búist við að komi en kemur
kannski ekki. Við höldum hópinn en
það er hver inni á sínu herbergi,“
sagði hann.
Friðrik segir að Íslendingarnir
hafi ekki séð flóðbylgjuna koma
yfir. „Við sáum þegar skólpræsin
fylltust og vatn kom upp um allt.
Rafmagnið fór af og kom ekki aftur
fyrr en áðan. Við erum á sjálfu
svæðinu og fréttum að heiman hvað
er að gerast. Við vitum ekki meira.
Gatan fylltist bara af vatni og
flæddi nánast upp í anddyrið. Nú
þurfum við að bíða, við eigum von á
eftirskjálfta og flóðbylgju. Við
erum uppi á herbergi og höfum raf-
magn. Við vonum það besta. Her-
bergið okkar er á þriðju hæð og her-
bergi hinna Íslendinganna líka. Hót-
elið er byggt það hátt uppi að við
óttumst ekki flóðið. Við erum bara
að upplifa það sem innfæddir þurfa
að uplifa,“ sagði hann.
Óvissa ríkir
Hjónin Margrét Þorvaldsdóttir
og Jónas B. Sigurþórsson eru í
hópnum á Phatong-ströndinni. Mar-
grét lýsir atburðunum í gærmorgun
þannig:
„Við sátum niðri á verönd í
morgunverði og vorum á leið niður
á strönd. Við vorum eitthvað sein
fyrir þegar við sáum fólk byrja að
hlaupa um allar götur og það varð
mikill hraði, píp og læti. Svo spýtt-
ist vatn upp úr öllum holræsum.
Hótelið er uppi á hæð þannig að
flóðið náði ekki nema næstum því
upp í anddyri en það var allt á floti
fyrir utan okkur. Öll strandlengjan,
þar sem við höfum verið síðustu
daga, er auð og tóm. Það er allt far-
ið, gróður og allar byggingar, hvort
sem það er McDonald's, búðir eða
annað. Fullt af fólki hefur látið líf-
ið,“ sagði hún.
Lætin urðu mikil þegar flóð-
bylgjan reið yfir og það leið yfir
fólk á veröndinni. Íslendingarnir
horfðu á straum fólks koma frá
ströndinni „upp eftir og upp á hótel
til okkar til að reyna að komast á
þurrt. Hótelið fylltist af fólki,“
sagði Margrét. Fólkið beið flóðið af
sér á hótelinu og fór svo þegar það
varð fært og vatnsflaumurinn hafði
rénað.
„Fólkið er búið að forða sér enda
er allt orðið þurrt í kringum okkur
núna. En við höfum ekkert mátt
fara. Okkur var bara sagt að fara
ekkert og enginn mátti koma til
okkar. Við vitum ekkert og ætlum
bara að athuga stöðuna á morgun [í
dag]. Við fáum voðalega litlar upp-
lýsingar og vitum bara að flugvöll-
urinn er lokaður. Við fáum meiri
upplýsingar að heiman en hér. Svo
er rafmagnið komið og þá höfum
við aðeins séð fréttir um þetta í
sjónvarpinu.“
Íslendingarnir hafa verið á
ferðalagi í Taílandi frá 15. desem-
ber og verða þar á ferðalagi fram
yfir áramót. Fyrstu dagarnir fóru í
heimsókn í heimahérað Díönu, konu
Friðriks. Síðan var ætlunin að vera í
hálfan mánuð á Phatong-ströndinni
samkvæmt upprunalega skipulag-
inu. Flóðið setur þó svolítið strik í
reikninginn. Margrét og Friðrik eru
sammála um að mikil óvissa ríki í
hópnum með framhaldið.
„Við ætluðum að færa okkur
aftur en núna vitum við ekkert hvað
við gerum eða hvar við stöndum.
Við vitum það kannski betur á
morgun. Það er búið að vera raf-
magnslaust og matarlaust hérna.
Rafmagnið er komið á aftur og við
höldum hópinn. Okkur líður ágæt-
lega og við reynum að vera róleg.
Við erum hér uppi á hóteli og förum
hvergi,“ sagði Margrét.
Friðrik sagði að hópurinn myndi
taka ákvörðun um framhaldið í dag
eða á morgun. „Við erum ekki í
ástandi til að meta það núna,“ sagði
hann. Hótelstarfsmennirnir sæju
um hópinn og gerðu það vel. Þá
hefur Díana unnið á þessu svæði.
Hún þekkir það því mjög vel og er
öllum hnútum kunnug.
Friðrik bað fyrir kveðju til allra
heima á Íslandi.
ghs@frettabladid.is
HÚSLEIT Í HAFNARFIRÐI Tveir
menn um tvítugt voru hand-
teknir eftir að tvö grömm af
amfetamíni eða kókaíni fundust
í bíl þeirra. Í framhaldinu var
gerð húsleit á heimili þeirra þar
sem fundust átján grömm af
sama efni. Báðir hafa mennirnir
áður komið við sögu lögreglu.
BÁTUR LOSNAÐI FRÁ BRYGGJU
220 tonna bátur losnaði frá
bryggju í miklu hvassviðri á
Höfn í Hornafirði aðfaranótt
jóladags. Báturinn endaði
óskemmdur úti í Mikley, sem
er við innsiglinguna að höfn-
inni.
Stór tengivagn sem var
skammt frá bryggjunni fauk
hálfur út í sjó. Þá fauk ýmis-
legt lauslegt um bæinn.
■ LÖGREGLUFRÉTTIR
Forstjóri Atlanta:
Yfirgefa
hótelið í
öryggisskyni
FLÓÐBYLGJAN Flugfélagið Atlanta
er með rúmlega 100 starfsmenn,
þar af innan við tuttugu Íslend-
inga, vegna pílagrímaflugs í
Indónesíu og Malasíu og frakt-
flugs í Malasíu. Hafþór Hafsteins-
son, forstjóri Atlanta, segir að
starfsmennirnir hafi verið langt
frá hamfarasvæðinu.
„Okkar fólk fann voðalega lítið
fyrir skjálftanum,“ segir hann. „Í
Medan, sem er nær upptökum
skjálftans, þurftu áhafnir að yfir-
gefa hótelið í öryggisskyni en í
Kuala Lumpur og Djakarta hafði
þetta ekki nein áhrif á okkar
fólk.“
- ghs
Jólagjöf til þín
Það er sælla að gefa en þiggja, þess vegna höfum við hjá Ömmubakstri ákveðið
að bæta við einni flatköku í pakkana hjá okkur yfir jólin, þannig að þegar þú opnar
flatkökupakka næst, þá færðu fimm flatkökur í staðinn fyrir fjórar. Svo viljum við
óska öllum landsmönnum nær og fjær, gleðilegra jóla og farsælls komandi árs.
Starfsfólk Ömmubaksturs
– hefur þú séð DV í dag?
Rændi banka
í Danmörku og
endaði á Sólheimum
FÓLK LEITAR AÐ EIGUM SÍNUM
Miklir skjálftar og flóð gengu yfir Asíu í
gær. Á myndinni má sjá fólk á Sri Lanka
leita að eigum sínum eftir að flóðbylgja af
völdum jarðskjálfta upp á 8,9 reið yfir. Í
gær varð einnig jarðskjálfti upp á 7,4 úti af
strönd Bangladess.
Á FERÐALAGI Í TAÍLANDI
Margrét Þorvaldsdóttir og Jónas B. Sigurgeirsson sátu ásamt öðrum Íslendingum að
morgunverði á hóteli um kílómetra frá Phatong-strönd þegar flóðbylgjan skall á. Myndin
er úr einkasafni þeirra og ekki tekin í Taílandi.