Fréttablaðið - 27.12.2004, Blaðsíða 35

15MÁNUDAGUR 27. desember 2004
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
Jólin og jóladagurinn
En hvers hefjast hin íslensku jól ekki á
jóladag heldur daginn áður? Það er
vegna þess að helgidagahald kristinna
manna studdist upphaflega við gyðing-
legt tímatal þar sem sólarhringurinn var
talinn hefjast við sólsetur. Í kristnum sið
var sólsetur skilgreint við miðaftan, eða
kl. 18. Þetta gildir raunar um aðra hátíð-
isdaga kirkjuársins og raunar sunnudag-
ana líka. Hátíðin hefst um miðaftan dag-
inn áður. Sums staðar er kirkjuklukkum
hringt um miðaftan á laugardögum og
aðfangadögum hátíða til að minna á
upphaf helginnar. Því má segja að við
miðaftan í kvöld hefjist hátíð sem er
sambland af fornri trú á persneskan
sólguð, hátíð helgaðri rómverskum frjó-
semisguð og fæðingarhátíð sólguðs en
allir þessir þræðir tengdust síðan í hátíð
sem helguð er spámanni af gyðingaætt-
um. En áður en sú hátíð kom til sögunn-
ar drukku Íslendingar jól og munu lík-
lega gera það um langan aldur.
Sverrir Jakobsson á murinn.is
Íhaldið samt við sig.
Íhaldið er samt við sig. Það má að
minnsta kosti segja um Vefþjóðviljann. Í
gær tók hann að kvarta undan því að at-
vinnuleysisbæturnar hefðu verið hækk-
aðar. Fyrir þeirri umkvörtun Vefþjóðvilj-
ans eru tvær ástæður. Önnur ástæðan
er sú „að einhverjir verða að greiða
þessar bætur og þessir einhverjir eru
eins og venjulega skattgreiðendur.“ Og
hin ástæðan er sú að vegna hækkunar
atvinnuleysisbóta verði minni hvati fyrir
atvinnulaust fólk að leita sér að vinnu,
enda standi það jafnvel frammi fyrir því
að það borgi sig varla eða alls ekki að
vinna. Samkvæmt þessu álítur Vefþjóð-
viljinn sem sagt að fólk nenni ekki að
vinna og vilji heldur liggja í leti á kostn-
að ríkisins. Í samræmi við það segir
hann hreint út: „Með því að hækka at-
vinnuleysisbætur var félagsmálaráð-
herra að taka ákvörðun um að auka at-
vinnuleysi í landinu.“
Þórður Sveinsson á mir.is
Jólaglögg
Eftir að hafa fylgst með jólaglögginni
hjá Wernham-Hogg-pappírsfyrirtækinu
í Slough virðast önnur jólaglögg og
mannfagnaðir fölna í samanburði.
Enda skyldi engan undra. Þannig eru
vænissjúkir yfirmenn til allrar hamingju
ekki á hverju strái og samstarfsmönn-
um kemur iðulega bærilega saman
þegar þeir eru komnir í glas. Reyndar
fullvel ef marka má nýlega könnun
breskra fjölmiðla, en þeir greindu frá
því að jólaglögg væru kjörlendur fyrir
framhjáhald á milli samstarfsmanna.
Þótt því hafi ekki beinlínis verið gert
skóna er fullljóst að samstarfsmenn
virðast jafna út margra ára uppsafnaða
gremju yfir því hver tók eiginlega heft-
arann eða kláraði síðustu Homeblest-
kexkökuna í einu allsherjar kynsvalli og
er það vel.
Halldór Benjamín Þorbergsson á
deiglan.com
Stéttaskiptingin
Það er hreinlega svívirðilegt að meðan
ríkustu fjármagnseigendurnir greiða í ár
12% af sínum 60 milljóna heildar árs-
tekjum í skatt skuli fátækt fólk, lífeyris-
þegar og aðrir sem rétt skríða yfir 100
þúsund krónur á mánuði greiða um
14% af sínum heildartekjum í skatt. Þeir
efnaminni eru skattpíndir en þeir efna-
mestu lifa í skattaparadís. M.a. þess
vegna á fátækt fólk ekki fyrir jólamatn-
um eða lítilli gjöf til barna sinna. Hjálp-
arsamtökin bjarga þar því sem bjargað
verður. Ekki ríkisstjórnin. Jólaglaðningur
ríkisstjórnarinnar í ár var vænn skatta-
pakki til þeirra efnamestu. Á sama tíma
nú í desember felldi hún tillögu um að
veita atvinnulausum jólauppbóta – jóla-
uppbót eins og aðrir hafa í þjóðfélaginu.
Líka þeir efnamestu – sem sitja við
borðin sem svigna undan öllum
jólakræsingunum.
Jóhanna Sigurðardóttir á
althingi.is/johanna