Fréttablaðið - 28.12.2004, Blaðsíða 11

11ÞRIÐJUDAGUR 28. desember 2004
BROTTFLUTNINGI MÓTMÆLT
Brestir eru komnir í samstöðu landnema
gegn brottflutningnum.
Brottflutningur frá Gasa:
Landnemar
láta undan
ÍSRAEL, AP Tuttugu fjölskyldur í
ísraelskri landnemabyggð hafa
lýst sig viljugar til að flytjast frá
hinu umdeilda Gasa-svæði. Þetta
er fyrsta fólkið til að fallast á
fyrirætlanir Ariels Sharons, for-
sætisráðherra Ísraels, um brott-
flutning Ísraela frá Gasa svæðinu
og hluta Vesturbakkans.
Þótt um sé að ræða lítinn hluta
landnema Gasa-svæðisins má
segja að þetta séu fyrstu merki
þess að brestir séu að koma í mót-
spyrnu íbúa svæðisins gegn Shar-
on. Hingað til hafa íbúarnir staðið
saman og mótmælt öllum áform-
um um brottflutning. ■
Japanskar konur:
Megi verða
keisarar
TÓKÝÓ, AP Næsti keisari japanska
ríkisins verður hugsanlega kona en
endurskoðun á reglum sem banna
kvenkyns keisara stendur nú yfir.
Enginn drengur hefur fæðst inn í
japönsku keisarafjölskylduna síðan
á sjöunda áratug síðustu aldar. Það
getur því enginn tekið við keisara-
dæminu eftir að krónprinsinn Naru-
hito fellur frá nema reglunum verði
breytt en þær voru settar eftir síð-
ari heimsstyrjöldina. Átta konur
hafa verið keisarar Japans í 1.500
ára sögu keisaradæmisins. ■
Palestínskir fangar:
159 sleppt
VESTURBAKKINN, AP Ísraelsmenn
slepptu 159 palestínskum föngum
í gær til að lýsa vinsemd í garð
nýrra stjórnvalda í Palestínu.
Leiðtogi Palestínumanna og
forsetaframbjóðandi, Mahmoud
Abbas, lýsti ánægju sinni með
ákvörðun Ísraelsmanna en sagði
Ísraelsmenn einnig þurfa að
frelsa Palestínumenn sem setið
hafa í ísraelskum fangelsum í
lengri tíma.
Ísraelar hafa enn um 7.000
Palestínumenn í haldi og Abbas er
beittur miklum þrýstingi heima-
fyrir á að þeim verði sleppt. ■
Reykingar:
Óvægin
herferð
REYKINGAR Ný og óvægin auglýs-
ingaherferð gegn reykingum er far-
in af stað í Bretlandi. Vonast er til
að þúsundir manna muni í kjölfarið
hætta að reykja á næsta ári.
Í einni auglýsingunni sjást börn
standa við legstein föður síns
skömmu eftir jarðarför hans og í
annarri reynir móðir að segja börn-
um sínum að hún sé komin með
krabbamein. Yfirskrift auglýsing-
anna er: „Hættu að reykja – það er
eina leiðin til að vernda fjölskyld-
una þína“. Samkvæmt rannsóknum
munu um 3.000 manns deyja í Bret-
landi úr sjúkdómum tengdum reyk-
ingum á milli jóla og nýárs. ■
Nýr vaxtarstuðull ungbarna í bígerð:
Ekki gert ráð fyrir erlendum börnum
HEILBRIGÐISMÁL Allir sem þekkja til
ungbarnaeftirlits hér á landi kann-
ast við vaxtarkúrfuna sem notuð er
til að mæla hæð og þyngd barna.
Vaxtarstuðullinn kemur frá Svíþjóð
og þótt hann eigi ágætlega við ís-
lensk börn er ekki sömu sögu að
segja um börn af erlendum uppruna
sem iðulega ná ekki upp í lægstu
staðalfrávik. Atli Dagbjartsson
barnalæknir vinnur að gerð íslensks
staðals sem koma á í stað þess
sænska en athygli vekur að erlendu
börnin eru ekki tekin inn í þá vinnu.
„Þegar við vorum að gera þessar
kúrfur höfðum við útlendinga ekki
með. Við gerðum alveg íslenskan
staðal til að ná þessu alveg.“
Þar að auki ein-
skorðist frávikin
frá normalkúrf-
unni hingað til
ekki við börn sem
eru af erlendu
bergi brotin. „Til
dæmis er höfuð-
stærð íslenskra
barna meiri en
þeirra sænsku.“
„Þetta eru í
sjálfu sér heldur
ekki svo mikil frá-
vik að menn geti ekki notað hvaða
staðal sem er,“ segir Atli. Hann
bætir við að þegar vöxtur barna
er skoðaður skiptir litlu máli hvar
á kúrfunni þau séu ef vaxtarhrað-
inn sé eðlilegur. „Menn vita það
vel í samfélaginu hvernig þessu
er háttað.“ -at
ATLI
DAGBJARTSSON
BARNALÆKNIR
Vinnur að íslensk-
um vaxtarstuðli
fyrir ungbörn.
UNGBARNAEFTIRLIT
Vaxtarstaðlarnir sem notaðir eru miða ekki við börn af erlendum uppruna.