Fréttablaðið - 28.12.2004, Blaðsíða 27
Lögverndaðar dauðagildrur
Þegar fólk heyrir sögur um
spilafíkla sem eyða mörgum
milljónum á mánuði í spilakassa
trúa fæstir sínum eigin eyrum. Í
hugum flestra er það einfaldlega
ekki hægt. Sjálfur er ég tvítugur
og hef verið að berjast við
spilafíkn síðastliðin þrjú ár. Í
mínu tilviki tók það einungis tvær
vikur að þróast úr byrjanda sem
aldrei hafði lagt meira en þúsund
krónur undir í veðmálum, í það að
eyða um hundrað þúsund krónum
á dag í spilakassa. Á þessum tíma
var ég nemi og hafði þess vegna
ekki mikið fé á milli handanna en
fjármagnaði fíknina með því að
taka lán bæði hjá vinum og lána-
stofnunum, ásamt því að stela öll-
um þeim peningum sem ég komst
í, jafnvel af yngri systkinum mín-
um. Skólinn varð svo auðvitað að
víkja stuttu síðar vegna mikillar
vanlíðunar og skulda. Með hjálp
fjölskyldu minnar fór ég að
stunda fundi hjá „Gamblers
anonymous“, samtökum spilafíkla
sem halda fundi nánast daglega.
Með hjálp fundanna tókst mér að
halda mig frá spilakössum í
nokkra mánuði en á þessum þrem-
ur árum hef ég fallið fimm sinn-
um, eytt tæplega tveimur milljón-
um króna í spilakassa og það sem
verst er, misst góðan kunningja
yfir móðuna miklu. Sá strákur var
í blóma lífsins og sérstaklega
geðslegur en sá því miður ekkert
annað fært en að stytta sér aldur
vegna spilaskulda.
Hvers vegna eru spilakassar í
hverri einustu sjoppu á landinu?
Er besta leiðin fyrir líknarfélög
að fjármagna starfsemi sína með
peningum mjög sjúkra og varnar-
lausra einstaklinga á þennan hátt?
Ég leyfi mér að fullyrða að vel
yfir helmingur tekna af spilaköss-
um komi frá spilafíklum. Þykir
einhverjum það forsvaranlegt?
Þau rök að fólk muni færa fíkn
sína yfir í aðrar tegundir fjár-
hættuspila standast aðeins að litl-
um hluta til vegna þess að
spilafíklar á Íslandi spila nánast
einungis í spilakössum. Ég hef til
dæmis aldrei hitt spilafíkil sem
veðjar meira í annarri tegund
fjárhættuspila en í spilakössum.
Það hæfir einfaldlega ekki flest-
um spilafíklum að kaupa sér
lottómiða í miðri viku og bíða svo
til næsta laugardags eftir drætt-
inum. Því styttri tíma sem það
tekur veðmál að klárast þeim mun
meiri líkur eru á því að spilafíkill
falli fyrir því. Ég vil því biðja
ráðamenn og -konur þessa lands í
einlægni að endurskoða lög um
fjárhættuspil. Það hljóta að vera
til einhverjar mannsæmandi leið-
ir fyrir líknarfélögin að fjár-
magna starfsemi sína í þessu auð-
uga landi. Tökum öll saman hönd-
um og upprætum spilakassadjöf-
ulinn í nafni þeirra sem að látist
hafa af völdum spilafíknar. ■
19
ÞRIÐJUDAGUR 28. desember 2004
Tap Landmælinga
Einhverjir kunna þá að halda að tekjur
ríkisins af Landmælingum Íslands séu
svo góðar að ríkissjóður megi ekki
missa tekjurnar af sölu landakorta - sem
allir kaupa sér auðvitað oft á ári, sér og
fjölskyldum sínum til skemmtunar í
tjaldferðalaginu. Sú er raunin þó ekki
því tekjur fyrirtækisins árið 2003 voru
aðeins rúmar 52 milljónir. Gjöldin voru
þó heldur blómlegri, eða rúmar 246
milljónir. Reikningsformúlan er nú
ósköp einföld og tap af rekstrinum árið
2003 var því tæpar 194 milljónir.
Heiðrún Lind Marteinsdóttir á sus.is
Afþakkar Sigmund
Mér þætti gaman að vita hver afstaða
Frjálshyggjufélagsins er til þeirrar
ákvörðunar ríkisstjórnarinnar að kaupa
teikningar Sigmunds fyrir átján milljónir
– afmælispakki þeirra til þjóðarinnar á
sextíu ára afmæli lýðveldisins. Ég fyrir
mitt leyti afþakka þá gjöf. Fyrir utan það
að verk Sigmunds eru nú þegar að-
gengileg almenningi og þessi veglegi
pakki ríkisstjórnarinnar svolítið eins og
þegar maður stal bangsa frá litlu systur
og gaf henni hann svo aftur í afmælis-
gjöf.
Kristín Svava Tómasdóttir á frjals-
hyggja.is
Aðgerðir sem eyðileggja verð-
mæti
Ef aukin hlutafjárútboð stafa hins vegar
af því að hlutabréfaverð er orðið of hátt
er það mun alvarlegra mál en menn
gera sér ef til vill grein fyrir. Hagfræðing-
urinn Michael Jensen (Harvard Business
School) hefur nýlega ritað grein þar
sem hann bendir á það að of hátt hluta-
bréfaverð geti leitt til þess að stjórnend-
ur fyrirtækja leiðist út í alls kyns aðgerð-
ir sem eyðileggja verðmæti.
Þegar hlutabréfaverð fyrirtækis hækkar
langt upp fyrir það sem stjórnendur
þess telja að rekstur þess geti staðið
undir standa stjórnendurnir frammi fyrir
erfiðri stöðu. Þeir þurfa annað hvort að
tala verðið á fyrirtæki sinu niður eða þá
að halda bólunni í hlutabréfaverði þess
gangandi með alls kyns kúnstum.
Jón Steinsson á deiglan.com
Biskupinn lifir í blekkingu
Biskupinn má gjarnan lifa í þeirri blekk-
ingu að ástæðan fyrir því Jesús fæddist í
Betlehem sé eitthvað manntal sem að
átti sér stað á allt öðrum tíma, en við hin
skulum halda okkur við raunveruleikann
og reyna að hafa bara gaman af jólunum
og ævintýrinu um fæðingu Jesús alveg
eins og við höfum gaman af ævintýrun-
um um Þór og Mjallhvíti. Hættum að
hlusta á gasprið í biskupnum og að taka
mark á ævintýrum sem samkvæmt Karli
„...engum heilvita manni detti í hug að
tengja ... yfir höfuð raunverulegum að-
stæðum í raunverulegum heimi“.
Hjalti Rúnar Ómarsson á vantru.net
ORRI FREYR JÓHANNSSON
SKRIFAR UM SPILAKASSA
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.