Fréttablaðið - 28.12.2004, Blaðsíða 28
Þórunn H. Sveinbjörnsdóttir
varaformaður Eflingar er fimm-
tíu og níu ára í dag. Tímamótin
hringdu til hennar af þessu tilefni
og spurðu um verkefnin hjá Efl-
ingu um þessar mundir.
„Það er þá helst að nefna fé-
lagsliðana okkar. Við vorum að
útskrifa núna 17. desember
fimmtíu konur úr þessu starfs-
námi. Þetta er merkisáfangi í
sögu starfsmenntunar því þessi
hópur er að brjóta blað í aðferð
við að ljúka námi. Námið var
stundað með vinnu, einn námsdag
í viku í tvö ár auk nokkurra náms-
helga þar sem farið var í sérstök
verkefni. Námsflokkar Reykja-
víkur sáu um kennsluna en um-
sjón höfðu Guðrún Halldórsdóttir
skólastjóri og Sigrún Karlsdóttir
hjá Félagsþjónustunni í Reykja-
vík. Þessi frábæri árangur mun í
framtíðinni skila miklu til samfé-
lagsins þar sem starfsmenn
verða færari um að sinna fjöl-
breyttari verkefnum eftir námið.
Stærsti hluti hópsins vinnur við
heimaþjónustu. Heimaþjónustan
er ein mikilvægasta stoðin fyrir
aldraða og fatlaða til að geta búið
sem lengst heima og þess vegna
mun þessi hópur hafa mikla þýð-
ingu og bæta þjónustuna.“
Við spurðum líka um atvinnu-
leysi Eflingarfélaga. Er það mikið?
„Já, það eru á milli fimm og
sexhundruð okkar félagsmanna á
atvinnuleysisskrá. Bæði langtíma
atvinnulausir og fólk sem er ný-
búið að missa vinnuna. Þetta er
mikið áhyggjuefni, þótt nokkuð
hafi fækkað á atvinnuleysis-
skránni frá því í fyrra. Við teljum
líka að það þurfi að auka aðstoð
við atvinnulausa. Bæði þarf að
koma á starfsréttindanámskeið-
um, til dæmis í stjórn vinnuvéla,
til þess að þessi hópur geti nýtt
sér tækifæri sem eru framundan
vegna virkjunarframkvæmda.
Maður saknar framtaks af hálfu
ríkisins í þessum efnum. Það þarf
líka stuðning við atvinnulausa
sem fá vinnu því mörgum veitist
erfitt að byrja aftur að vinna. Það
er afskaplega hætt við einangrun
þegar fólk er atvinnulaust lengi
og átak að fara að vinna aftur.
Fólk fer út úr allri vinnuvenju,
veitist erfitt að vakna á morgn-
ana og svo framvegis. Við í for-
ystu verkalýðshreyfingarinnar
vitum líka að þrálátt atvinnuleysi
leiðir til þess að fólk fer fyrr á líf-
eyri og þetta rýrir stöðu lífeyris-
sjóðanna. Það er því allra hagur
að aðstoða atvinnulaust fólk við
að komast út á vinnumarkaðinn
aftur.“
En svo við víkjum að afmæl-
inu Þórunn. Heldurðu upp á
þetta?
„Ja, ég hef nú í gegnum árin
yfirleitt fengið börnin í kaffi. Svo
höfum við hjónin stundum farið
út að borða. Ég veit ekki hvað ég
geri núna. En svo er maður auð-
vitað farinn að hugsa um hvernig
þetta verði á næsta ári. Mér
finnst sérkennilegt að hugsa til
þess að eftir ár verði sagt um mig
að ég sé komin á sjötugsaldur.
Mér finnst við stundum tala um
aldur með neikvæðum hætti.
Danir eru miklu skynsamari í
þessu og gera sér betri grein
fyrir þeim verðmætum sem fólg-
in eru í aldri og reynslu. Þeir tala
um gráa gullið. Ég held að við
gætum lært af þeim í þessum
efnum.“
-SGT
20 28. desember 2004 ÞRIÐJUDAGUR
WOODROW WILSON
Fæddist þennan dag 1856.
“Ef þú vilt eignast óvini – reyndu
þá að breyta einhverju.“
Hann fékk að sannreyna þetta sjálfur, þegar hann reyndi
að koma á réttlátum friðarsamningum í Evrópu.
timamot@frettabladid.is
Þennan dag árið 1908 varð versti
jarðskjálfti í sögu Evrópu í Mess-
inasundi við Sikiley. Hann lagði í
rústir borgirnar Messina á Sikiley
og Reggio í Calabríuhéraði. Sjötíu
til hundrað þúsund manns fórust
í skjálftanum og flóðbylgjunum í
kjölfarið. Ítalir kalla Sikiley og
Calabriu „la terra ballerina“,
dansandi landið, vegna jarð-
skjálftanna sem eru afar tíðir á
þessum slóðum. Árið 1693 fórust
60.000 manns í jarðskjálfta á
Sikiley og tæpri öld síðar fórust
50.000 í Calabríu af sömu völd-
um. Mannskæðasti jarðskjálfti
sögunnar er hins vegar talinn
hafa verið í Shanshí í Kína 1556
en þá fórust 830.000 manns.
Skjálftinn 1908 er talinn hafa ver-
ið 7,2 á Richterkvarða. Hann varð
um klukkan 5.20 að morgni, þeg-
ar fólk var í fastasvefni og varð
því mannskæðari en ella. Skjálft-
inn átti upptök undir hafsbotnin-
um og orsakaði gríðarlegar flóð-
bylgjur, tsunami, meira en tíu
metra háar. Um 90% bygginga í
Messina og Reggio eyðilögðust.
Símalínur og vegir klipptust í
sundur og torveldaði það björg-
unarstörf. Í kjölfar stærsta skjálft-
ans fylgdu nokkrir minni eftir-
skjálftar og gerðu þeir illt verra,
fleiri byggingar hrundu og björg-
unarmenn fórust eða urðu fyrir
skakkaföllum. Stærsti jarðskjálfti í
sögu Evrópu er að líkindum
skjálftinn sem reið yfir Lissabon
1755. Hann er talinn hafa verið
8,7 á Richterkvarða og flóðbylgj-
an í kjölfar hans varð 75.000
manns að fjörtjóni..
MESSINA Á SIKILEY 28.desember
1908 fórust 100.000 manns.
ÞETTA GERÐIST MERKISATBURÐIR
1630 Oddur Einarsson biskup
deyr.
1887 Bríet Bjarnhéðinsdóttir flyt-
ur fyrirlestur um „Kjör og
réttindi kvenna“. Upphaf
kvenréttindabaráttunnar.
1895 Fyrsta kvikmynd sögunnar
sýnd á Grand Café í París.
1957 Volkswagen númer
2.000.000 rennur af færi-
bandinu.
1965 Eyja rís úr hafi við Surtsey.
Var kölluð „Jólnir“ en hvarf
í hafróti í október árið eftir.
1967 Fyrsti sjúklingurinn lagður
inn á Borgarspítalann í
Fossvogi.
1973 Gulag-eyjaklasinn, bók Sol-
sjénitsíns, kemur út í París.
Höfundurinn var rekinn í
útlegð rúmum mánuði
seinna.
1989 Alexander Dubsjek kjörinn
forseti tékkneska þingsins.
Versti jarðskjálfti í Evrópu
Ástkær eiginmaður minn, faðir, tengdafaðir, afi
og langafi,
Jón Kristinn Pálsson
skipstjóri, Botnahlíð 21, Seyðisfirði,
andaðist á heimili sínu á jóladag.
Fyrir hönd aðstandenda
Helga Þorgeirsdóttir
Hjartans þakkir til ykkar allra sem sýnduð okkur
samúð, hlýhug og vináttu vegna andláts og útfarar,
Eiríks Ísfeld Andreasen
Kársnesbraut 94, Kópavogi.
Lilja S. Guðlaugsdóttir, Kristinn, Þorbjörn, Guðlaugur,
Magnús og aðrir aðstandendur.
Elskuleg móðir mín amma og langamma,
Anna Soffia Einarsdóttir Reynis,
lést miðvikudaginn 16. des á heimili sínu. Jarðsett var miðviku-
daginn 22. des. Útförin fór fram í kyrrþey. Sendum ykkur öllum
vinum og kunningjum bestu jóla og nýárs óskir.
Einar J. Benediktsson
Leifur A. Benediktsson
Herdis Benediktsdóttir
AFMÆLI
Birgitta Spur, forstöðukona Sigurjóns-
safns, er 73 ára í dag.
Adolf J. Berndsen á Skagaströnd er sjö-
tugur.
Stefán Hermannsson, fyrrv. borgarverk-
fræðingur, er 69 ára í dag.
Helga Jónsdóttir
leikkona er 59 ára.
Ólafur Hergill Odds-
son læknir er 58 ára.
Björk Jakobsdóttir
leikkona er 38 ára í
dag.
Einar Örn Jónsson
handboltamaður er
28 ára.
ANDLÁT
Ragnheiður I. Magnúsdóttir frá Prests-
bakka lést 15. desember. Jarðsett var á
Prestsbakka 21.desember.
Dagmar Júlíusdóttir frá Gljúfurá, Barða-
strandarsýslu, lést sunnudaginn 12. des-
ember. Jarðarförin fór fram í kyrrþey.
Guðbjörg Einarsdóttir frá Kárastöðum,
Þingvallasveit, er látin.
Jón Kristinn Pálsson skipstjóri, Botna-
hlíð 21, Seyðisfirði, lést 25. desember.
Þórarinn Björnsson, Flókagötu 51, lést
25. desember.
JARÐARFARIR
14.00 Friðgeir Guðjónsson verður jarð-
sunginn frá Svalbarðskirkju.
14.00 Hulda Valdimarsdóttir verður
jarðsungin frá Húsavíkurkirkju.
14.00 Ólína Ingveldur Jónsdóttir frá
Skipanesi, Höfðagrund 2, Akra-
nesi, verður jarðsungin frá Akra-
neskirkju.
15.00 Ólafur Sveinsson Safamýri 61,
Reykjavík, verður jarðsunginn frá
Fossvogskapellu.
ÞÓRUNN SVEINBJÖRNSDÓTTIR VARAFORMAÐUR EFLINGAR Gef börnunum kaffi.
ÞÓRUNN SVEINBJÖRNSDÓTTIR:
Hætt við einangrun þegar
fólk er atvinnulaust
NÝ STÉTT, FÉLAGSLIÐAR Guðrún Halldórsdóttir og Lára Björnsdóttir afhenda Guð-
björgu Sveinsdóttur skírteinið sitt.
FR
ÉT
TA
B
LA
Ð
IÐ
/G
VA