Fréttablaðið - 28.12.2004, Blaðsíða 30

22 28. desember 2004 ÞRIÐJUDAGUR
sport@frettabladid.is
HVAÐ? HVENÆR? HVAR?
21 22 23 24 25 26 27
Laugardagur
SEPTEMBER
„Sigurður Þorvaldsson, já það er Siggi Þorvalds.
Hleypur niðr’í í horn og setur stigin þrjú.“
Þórunn Antónía veit hvað klukkan slær í körfuboltaheiminum, jafnvel þótt hún hafi
dvalið langdvölum í Englandi, eins og heyra má í þessu dýrt kveðna
stuðningsmannalagi Snæfells. Athugið að textabrotið er sungið við lagið „Whiskey in
the Jar“
■ ■ SJÓNVARP

16.30 Enski boltinn á Skjá einum.
Bein útsending frá leik Liverpool
og Southampton í ensku
úrvalsdeildinni í fótbolta.

18.30 European PGA Tour á Sýn.
Sýnt frá Dunhill-meistaramótinu á
evrópsku mótaröðinni í golfi.

19.15 Enski boltinn á Sýn. Sýnt frá
leik Manchester United og
Arsenal frá árinu 1999.

20.00 Enski boltinn á Skjá einum.
Bein útsending frá leik Aston
Villa og Manchester United í
ensku úrvalsdeildinni í fótbolta.

21.35 Tiger Woods á Sýn. Þriðji
þáttur af þremur þar sem farið er
yfir lífshlaup þessa frábæra
kylfings.

23.15 Bardaginn mikli á Sýn. Sýnt
frá hnefaleikabardaga Joe Louis
og Max Schmeling.
„Ég get engan veginn tek-
ið undir það að þjálfun á
Íslandi hafi farið aftur.
Hinsvegar hefur hún
breyst samfara breyttum
forsendum. Ég er á því að
við séum að búa til fleiri
góða leikmenn, en það
sem hefur breyst frá því
að Guðjón var hér er að frábærum eða framúrskar-
andi leikmönnum hefur fækkað. Og þetta tvennt má
hiklaust rekja til þjálfunarinnar. Við erum jafnari en
áður, getum gert slaka leikmenn að góðum leik-
mönnum en okkur vantar þessa toppa. Í heildina tel
ég þjálfun hafa farið fram á síðustu árum, sérstak-
lega í yngri flokkunum.“
Þorlákur Árnason þjálfari Fylkis:
Er tómarúm í fótboltanum á Íslandi?
„Það skiptir mig litlu hvað
Guðjón segir og heldur
fram. Það getur vel verið
að einhver stöðnun hafi
verið en það ber að hafa í
huga að aðstæður hafa
breyst mikið frá því að
hann var síðast hér á
landi. Allir okkar bestu
leikmenn fara í atvinnumennsku strax og félög hafa
minni peninga en áður til umráða. En ég undrast
ummæli Guðjóns því öll aðstaða til þjálfunar hefur
batnað, knattspyrnuhallir hafa verið reistar og allur
undirbúningur fyrir sumarið er lengri og markvissari
en áður.“
Ólafur Þórðarson þjálfari ÍA:
„Guðjón notar ávallt
skemmtilega frasa en
hann útskýrir ekkert hvað
hann á við með þessu
tómarúmi og ég skil ekki
alveg þessi ummæli. En
það má lesa úr þeim að
síðan hann fór út að þjálfa
hefur allt verið á niðurleið
hér á Íslandi og nú sé hann kominn til að rífa þetta
upp á nýjan leik. Þvert á móti er ekki spurning að
þjálfun hefur batnað á Íslandi á undanförnum árum.
Hún hefur jafnframt breyst með betri aðstöðu en
ekki hefur henni farið aftur. En það er ánægjulegt að
fá Guðjón aftur, hann á eftir að lífga upp á boltann
hér heima. Auk þess þýðir koma hans til Keflavíkur
að launaþakið er að hækka og það er af hinu góða.“
Bjarni Jóhannsson þjálfari Breiðabliks:
FÓTBOLTI „Ég held að það sé hægt að
skerpa á þjálfuninni og auka
gæðin í þeirri þjálfun sem er að
eiga sér stað núna. Ég fylgdist
með og sá töluvert af æfingum
þegar ég kom hingað í fyrrasumar.
Sumt af því var ágætt en annað
var miður gott. Og ég held að það
séu ákveðin tækifæri núna til að
stíga inn og skerpa á þeirri þjálfun
sem á sér stað.“
Á þennan veg voru svör
Guðjóns Þórðarsonar þegar hann
var beðinn um að útskýra hvað
hann ætti við þegar hann hélt því
fram að tómarúm hefði myndast í
knattspyrnuþjálfun á Íslandi á
undanförnum árum. Ummælin lét
Guðjón falla á blaðamannafundi
sem Keflavík hélt nú skömmu
fyrir jól til að kynna kónginn til
leiks.
Ekki eru allir sammála þessum
staðhæfingum Guðjóns og þykir
hann heldur stóryrtur. Þvert á
móti fari hann með fleipur;
þjálfun hafi í raun farið fram á
síðustu árum samfara bættri
aðstöðu um allt land.
Guðjón þjálfaði KA, ÍA og KR
um árabil áður en hann hélt til
Englands til að taka við Stoke.
Þaðan lá leiðin til Start í Noregi en
eftir að hafa staldrað stutt við þar
tók Guðjón við liði Barnsley. Eftir
að hafa verið rekinn þaðan fyrir
tæpu ári síðan hefur Guðjón verið
í leit að starfi. Þeirri leit lauk 22.
desember þegar hann skrifaði
undir þriggja ára samning við
Keflavík.
Fréttablaðið fékk álit þriggja
valinkunna þjálfara á Íslandi á
ummælum Guðjóns og spurði þá
hvort þjálfun væri virkilega í
afturför.
Guðjón Þórðarson, nýráðinn þjálfari Keflvíkinga, heldur því fram að tómarúm hafi myndast í
knattspyrnuþjálfun á Íslandi á undanförnum fimm árum, eða allt frá því að hann fór til Englands.
GUÐJÓN ÞÓRÐARSON Telur tómarúm hafa myndast í knattspyrnuþjálfun á Íslandi
undanfarin fimm ár og sér tækifæri til að gera betur. Víkurfréttir/Þorgils
Morientes til
Newcastle
FÓTBOLTI Dagar Fernandos Mori-
entes hjá Real Madrid gætu senn
verið á enda ef marka má síðustu
fregnir. Hefur verið greint frá að
Newcastle hafi gert Real tilboð
upp á tæpar 850 milljónir króna
en það er sú upphæð sem upp var
sett fyrir piltinn.
Má gera því skóna að tilboðinu
verði tekið enda samningur liðs-
ins við Morientes að renna út og
stjórnarmenn Real væntanlega
ekki reiðubúnir að missa kappann
fyrir ekkert í vor. Liverpool gerði
þeim tilboð fyrir jólin sem var
talsvert lægra en það sem
Newcastle býður nú og ólíklegt að
hann endi á Anfield. ■
FERNANDO Á FERÐINNI Karlinn gæti
endað í sóknarlínu Newcastle við hlið fyrr-
verandi fjandmanns síns hjá Barcelona, Pat-
rick Kluivert, ef marka má nýjustu fregnir.
Vissir þú...
... að Eiði Smára Guðjohnsen hefur verið skipt út af í tólf af þeim sextán
leikjum sem hann hefur verið í byrjunarliði Chelsea í ensku úrvalsdeildinni í
vetur. Hann hefur aðeins spilað fjóra leiki til enda, síðast gegn Bolton 20.
nóvember en hefur samt skorað sjö mörk og er markahæstur leikmanna
Chelsea í deildinni.
FÓTBOLTI Níu leikir eru á dag-
skránni í ensku úrvalsdeildinni í
dag en yfirstandandi vika er sú
erfiðasta á leiktíðinni þar sem öll
liðin leika fjóra leiki á níu dögum.
Stærsti leikurinn í þessari umferð
fer þó ekki fram fyrr en á morgun
þegar Newcastle tekur á móti
Arsenal.
Hin toppliðin, að Middles-
brough undanskildu, eiga öll úti-
leiki. United sækir heim Aston
Villa en þar er aldrei sopið kálið
svo auðveldlega. Stórskotalið
Chelsea mætir Portsmouth sem
hefur staðið sig með ágætum und-
anfarið en það er einfaldlega ekki
nóg á móti liði með næga breidd
til að setja upp tvö heimsklassa
landslið.
Hið bláklædda spútniklið Ev-
erton sækir heim Herminator og
félaga hjá Charlton meðan Liver-
pool fær til sín heillum horfið lið
Southampton. ■
Heil umferð í ensku úrvalsdeildinni í dag:
Erfiðir útileikir hjá
toppliðunum
LEIKIR DAGSINS:
Bolton–Blackburn
Charlton–Everton
Fulham–Birmingham
Man.City–West Brom
Middlesbrough–Norwich
Portsmouth–Chelsea
Tottenham–Crystal Palace
Liverpool–Southampton
Aston Villa–Man. Utd
HETJAN DUFF Damien Duff sést hér skora sigurmark Chelsea í leiknum gegn Aston Villa
á sunnudaginn. Fréttablaðið/AP