Fréttablaðið - 30.12.2004, Blaðsíða 6

6 30. desember 2004 FIMMTUDAGUR
Indverji búsettur á Íslandi:
Vinur minn missti konu og bróður
JARÐSKJÁLFTINN Á Íslandi eru
margar fjölskyldur sem eiga
ættingja á hamfarasvæðunum í
Suð-austur Asíu. Pramod Nair
er Indverji sem hefur búið hér
á landi ásamt konunni sinni í
þrjú ár. Hann kemur frá
strandahéruðum Indlands og á
fjölskyldu og vini í héruðum
Indlands þar sem flóðbylgjan
fór yfir.
„Sem betur fer búa foreldrar
mínir og tengdaforeldrar inni í
landinu þannig þau voru aldrei í
hættu,“ segir Pramod, en hann
á aðra ættingja sem ekki voru
eins heppnir. „Fyrirtæki föður-
bróður míns var algjörlega
þurrkað út þegar vatnið flæddi
inn. Enginn í fjölskyldunni
minni þar slasaðist, en vinur
minn missti konuna sína og
bróður. Ég þekki líka til fólks
sem enginn hefur frétt neitt af,
það eru ættingjar konunnar
minnar,“ segir Pramod sem er
skiljanlega mjög miður sín yfir
atburðunum.
„Við erum í sambandi við
fjölskyldur okkar í Indlandi á
hverjum degi og fáum fréttir af
þeim sem enn er saknað.“ -at
Líkin talin í kapp við tímann
Tíminn vinnur ekki með hjálparsveitum í Asíu og talningarmenn keppast við að koma líkunum
til greftrunar sem fyrst. Á Indlandi er gerð grein fyrir hverjum látnum en í Indónesíu eru líkin oft
dysjuð áður en hægt er að bera kennsl á þau eða telja.
CUDDALORE, AP Í líkhúsi í ind-
verska bænum Cuddalore stend-
ur læknir og les upp tilkynningu
til fólks sem bíður í anddyrinu
um að það þurfi að bera kennsl á
lík fjögurra kvenna og fimm ára
gamals drengs. Hjón bera
kennsl á drenginn og bresta í
grát. Þau eru beðin um að fara,
næsta fólki er hleypt inn og
merkimiði er settur á handlegg
drengsins. Staðfestum fórnar-
lömbum flóðbylgjunnar hefur
fjölgað um eitt.
Embættismenn í ríkjunum
við Indlandshaf sem urðu fyrir
barðinu á flóðbylgjunni á sunnu-
dag hafa ekki undan við að telja
líkin og bera kennsl á þau. Taln-
ingarmennirnir standa stein-
gerðir á svip frammi fyrir for-
eldrum, börnum eða systkinum
sem eru fengin til að bera
kennsl á hina látnu. Svipbrigði
þeirra bera ekki með sér sorg
eða uppnám; það er fyrir öllu að
telja líkin og koma þeim til
greftrunar sem fyrst.
Tölur um fjölda látinna í
hamförunum fara stigvaxandi
en verða þó aldrei meira en
áætlað mat, en endanlegar tölur
um fjölda þeirra sem hafa látist
munu ef til vill aldrei fást.
Vinnubrögð við talningu á hin-
um látnu eru ólík á milli landa. Á
Indlandi hefur verið sett saman
öflugt lið starfsmanna úr heil-
brigðisgeiranum, lögreglunni og
skattaeftirlitsmönnum sem
skrásetur nákvæmar upplýsing-
ar um hina látnu í stílabækur.
Þar kemur fram nafn fórnar-
lambsins og aldur, nöfn foreldra
þess, heimilisfang og tvö auð-
kenni. Loks er tekin ljósmynd af
líkinu.
Í Indónesíu eru líkin oft
dysjuð án þess að vera talin eða
borin kennsl á þau. Stjórnsýslan
er í óreiðu, líkin dreifð um þrett-
án þúsund eyjaklasa, margir
hverjir einangraðir frá umheim-
inum. Meira en áratugur er síð-
an yfirvöld tóku manntal, og
gögn um fæðingar og andlát eru
óáreiðanleg. Félagsmálaráðu-
neytið í Indónesíu segir 32 þús-
und manns hafa látið lífið, heil-
brigðisráðuneytið segir 27 þús-
und. Opinberar tölur eru fyrst
og fremst áætlað mat og ljóst er
að nákvæm tala yfir fjölda lát-
inna mun aldrei fást. ■
HJÁLPARSTARF Alþjóða Rauði kross-
inn sendi út stærstu hjálparbeiðni
um áratugaskeið í gær en talin er
þörf á um þremur milljörðum
króna til hjálparstarfs samtak-
anna á hamfarasvæðunum við
Indlandshaf.
Rúmlega tíu þúsund manns á
Íslandi hafa hringt í söfnunarsíma
Rauða krossins. Ríkisstjórnin,
Pokasjóður, deildir Rauða kross-
ins og fyrirtæki hafa einnig stutt
hjálparstarfið með framlögum og
alls hafa safnast um 20 milljónir
króna.
Á vegum Rauða krossins er
leitað að ástvinum Íslendinga á
flóðasvæðunum í gegnum leitar-
þjónustu Alþjóða Rauða krossins.
Hjálparstarf er unnið um alla
Asíu, sérstaklega þar sem ástand-
ið er verst; á Srí Lanka, Taílandi
og Indónesíu.
Hjúkrunargögn fyrir 120 þús-
und manns hafa verið send til Srí
Lanka og verið er að skipuleggja
aðstoð við 150 þúsund manns í
austur- og norðurhluta landsins,
sem er á valdi skæruliða. Flugvél
Rauða krossins flaug frá Naíróbí
til Srí Lanka á þriðjudag með 105
tonn af hjálpargögnum sem eiga
að mæta þörfum 50 þúsund
manns. - bs
VEISTU SVARIÐ?
1Hvað heitir dómsmálaráðherra Jap-ans sem er með mál Bobby Fischer til
skoðunar?
2Hvaða banki hefur hætt að veita 100prósenta lán til íbúðakaupa?
3Hvar varð mannskæðasti jarðskjálfti íEvrópu?
Svörin eru á bls. 38
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
U
RV
2
68
88
1
2/
20
04
www.urvalutsyn.is
2 vikur
Verð frá:
59.900 kr.*
M.v. tvo í íbúð í 14 nætur
Enska ströndin - Montemar
1 vika
Verð frá:
44.900 kr.*
M.v. tvo í íbúð í 7 nætur
*Innifalið: Flug, gisting, íslensk fararstjórn
og flugvallarskattar.
Verð m.v. að bókað sé á netinu.
Ef bókað er símleiðis eða á skrifstofu
bætist við 2.000 kr. bókunar- og
þjónustugjald á mann.
Brottfarir
5., 12. og 26. janúar - Aukaflug
19. janúar - Örfá sæti laus
Fáðu ferðatilhögun, nánari upp-
lýsingar um gististaðina og reiknaðu
út ferðakostnaðinn á netinu!
FRÁ MEULABOH
40 þúsund manns bjuggu í þorpinu en
óttast er að fjórðungur þeirra hafi farist.
Súmatra:
75 prósent
strandlengj-
unnar í rúst
MEULABOH, AP Þrír fjórðu hlutar
strandlengjunnar á eyjunni
Súmötru í Indónesíu eru í rúst
og nokkrir bæir jöfnuðust við
jörðu í jarðskjálftanum og flóð-
bylgjunni á sunnudag, að sögn
talsmanna indónesíska hersins.
Víða á eyjunni er fólk einangrað
og hefur ekki fengið neyðarað-
stoð síðan hörmungarnar dundu
yfir.
Fréttamenn AP-fréttastof-
unnar flugu yfir eyjuna og segja
að sumir bæir séu á kafi í aur og
sjó og þökin séu farin af flestum
húsanna. Í fiskiþorpinu Meula-
boh á Súmötru bjuggu um 40
þúsund manns en þegar hafa
fundist rúmlega þrjú þúsund lík
og er búist við að talan muni
fara upp í tíu þúsund. ■
PRAMOD NAIR
Kemur frá austurströnd
Indlands.
FR
ÉT
TA
B
LA
Ð
IÐ
/E
.Ó
L.
NEYÐARSKÝLI Í TAÍLANDI
Fólk sem leitar ástvina sinna hefur sett myndir af þeim á töflur í neyðarskýlum víða á
hamfarasvæðinu.
Þjóðgarður í Srí Lanka:
Dýr virðast
hafa forðað sér
COLOMBO, AP Á meðan rúmlega 21
þúsund manns hafa týnt lífinu í Srí
Lanka í hörmungunum í Suðaust-
ur-Asíu kemur það mönnum á
óvart að engin dýrshræ hafa fund-
ist að ráði í Yala-þjóðgarðinum.
Gehan de Silva Wijeyeratne, hótel-
eigandi í þjóðgarðinum, segist
hafa fundið mörg mannslík en ekki
eitt einasta dýrshræ, en dýralíf er
með fjölskrúðugasta móti í Yala.
Wijeyeratne giskar á að dýrin
hafi fundið eitthvað á sér og forð-
að sér á hálendið áður en flóð-
bylgjan skall á land. „Kannski
hafa dýr sjötta skilningarvitið,“
sagði hann. ■
SORG Í CUDDALORE
Kona syrgir látinn ástvin sem verður graf-
inn í fjöldagröf í indverska þorpinu
Cuddalore. Miklu máli skiptir að koma lík-
um sem fyrst til greftrunar.
EILÍFUR FRIÐUR OG
DÓTTIRIN FREYJA
Gáfu Rauða krossi Íslands sjötíu þúsund
krónur til styrktar fórnarlömbum við Ind-
landshaf.
Safnaði peningum í
nokkur ár:
Gaf 70 þús-
und til Rauða
krossins
FLÓÐBYLGJAN „Þessar hamfarir
snerta okkur öll á einn eða annan
hátt,“ segir Eilífur Friður Edgars-
son, sem í gær afhenti Rauða
krossinum sjötíu þúsund krónur
til styrktar fórnarlömbum ham-
faranna við Indlandshaf.
Eilífur Friður hefur safnað
peningunum í nokkur ár, síðan
jarðskjálfti olli miklu tjóni í Kól-
umbíu, en hann á rætur að rekja
þangað.. Fjölskylda hans hefur
einnig lagt söfnuninni lið.
„Ég ákvað að núna væri rétti
tíminn til þess að gefa peningana,“
segir Eilífur, sem hvetur lands-
menn og fyrirtæki til þess að láta
sitt af hendi rakna til styrktar
fórnarlömbum hamfaranna. ■
FR
ÉT
TA
B
LA
Ð
IÐ
/G
VA
Hjálparbeiðni Rauða krossins:
Tuttugu milljónir
hafa safnast á Íslandi
06-07 29.12.2004 20:01 Page 2