Fréttablaðið - 30.12.2004, Blaðsíða 8

8 30. desember 2004 FIMMTUDAGUR
HÓTEL Í TAÍLANDI
Björgunar- og tiltektarlið kannar aðstæður
í móttökusalnum á hóteli í Taílandi.
Rafmagnsleysi á Grundartanga:
Ekkert varanlegt tjón
ÓVEÐUR Rafmagn fór af stóriðjunum
tveimur á Grundartanga í um
klukkustund vegna óveðursins í
fyrrinótt. „Ástandið var nokkuð al-
varlegt hjá okkur en rafmagnið fór
af allri verksmiðjunni,“ segir Ingi-
mundur Birnir, framkvæmdastjóri
framleiðslu- og tæknisviðs hjá Ís-
lenska járnblendifélaginu. „Við
erum búnir að koma öllum í gang
núna og það er ekkert teljanlegt
tjón.“
Hjá Norðuráli varð ekkert var-
anlegt tjón heldur. „Það verður ekk-
ert tjón þótt straumlaust verði í
svona stuttan tíma, nema að fram-
leiðslan dettur að sjálfsögðu niður,“
segir Kristján Sturluson, fram-
kvæmdastjóri starfsmanna- og um-
hverfissviðs Norðuráls. „Starfs-
mennirnir sem voru hér á vakt tóku
á vandamálinu með þeim vinnu-
brögðum sem ákveðin eru í svona
tilvikum og allt gekk mjög eðlilega
fyrir sig,“ bætir Kristján við.
Mönnum ber saman um að veð-
uraðstæður í fyrrinótt hafi verið
mjög sérstakar, en langt er síðan
rafmagnið fór síðast af verksmiðj-
unum tveimur. ■
Þrefaldur verð-
munur milli hverfa
Mjög vaxandi verðmunur er á fasteignum eftir hverfum á höfuðborgarsvæð-
inu. Þannig getur verið rúmlega þrefaldur munur á fermetraverði þriggja
herbergja íbúðar eftir því hvar hún er staðsett.
VIÐSKIPTI Verð á fermetra í eftir-
sóttustu íbúðunum á vinsælum
svæðum í höfuðborginni getur far-
ið í rúmlega 300 þúsund krónur á
meðan fermetrinn í samsvarandi
íbúð á öðrum svæðum getur kostað
um 100 þúsund. Verðmunur milli
hverfa hefur aukist verulega í
þeirri þróun fasteignaverðs sem
orðið hefur að undanförnu.
„Það ber að hafa í huga, að
þarna er alls ekki um að ræða ein-
hver meðaltöl,“ segir Björn Þorri
Viktorsson formaður Félags fast-
eignasala. „Hæsta verðið sjáum við
í einhverjum súper eignum.
Lægstu verðin geta verið eitthvað
um 100 þúsund í stöku eignum.“
Hann segir að verðþróunin á fast-
eignamarkaðinum að undanförnu
hafi skýrt þann verðmun sem er á
milli hverfa á höfuðborgarsvæð-
inu. „Ég held að sá munur eigi eftir
að verða meiri þegar fram í sækir.“
Spurður um dýrustu hverfin í
borginni sagði Björn Þorri að nefna
mætti ákveðna staði í miðborginni.
Þá mætti nefna ákveðin svæði í
vesturbænum, svo og á Seltjarnar-
nesi. Einnig væri Fossvogur ofar-
lega á blaði hvað há verð snerti, svo
og tiltekin hverfi í Garðabæ, Kópa-
vogi, Grafarholti og Grafarvogi.
„Í Grafarholti er til að mynda
verið að auglýsa í dag einbýlishús,
sem jafnvel eru ekki fullbúin, á um
og yfir 40 milljónir króna og þau
eru að seljast.
Það hefði einhvern tíma þótt
merkilegt í ekki eldra hverfi, sem
ekki er orðið gróið. Ég held því að
allar hrakspár sem gengu milli
manna um það svæði fyrir 2-3
árum síðan séu hreint ekki að ræt-
ast. Mér hefur sýnst að mjög vel
gangi að selja fasteignir þar.“
Varðandi ódýrustu svæðin
sagði Björn Þorri að þau væru í
jaðarbyggðum höfuðborgarsvæð-
isins og nágrenni.
Hann sagði að kaupendur væru
í mjög auknum mæli að leita út
fyrir þessi svokölluðu höfuðborg-
armörk og mætti þar nefna
Reykjanesbæ, Grindavík, Voga á
Vatnsleysuströnd, Akranes,
Hveragerði og Selfoss. Í Hvera-
gerði væri til að mynda mikið
byggt og allt seldist þar.
jss@frettabladid.is
Víðtækar rafmagnstruflanir:
Sérstakar veð-
uraðstæður
ÓVEÐUR Margir urðu varir við
rafmagnsleysi sem varð víðs
vegar um land í fyrrinótt. Or-
sökina má að hluta til rekja til
truflana í veitukerfi Landsvirkj-
unar.
Fyrri truflunin varð rétt fyrir
klukkan tvö en hún olli straum-
leysi á Suðurlandi vestan Þjórs-
ár. Seinni truflunin varð um
klukkan fjögur og var þar á
ferðinni töluvert víðtækara
straumleysi, hjá stóriðjunum á
Grundartanga og.síðan á Vestur-
landi og Vestfjörðum, allt að
Laxárvatni við Blönduós. ■
Höfðabakka 1 - sími 587 50 70
Ath opið gamlársdag til 13.00
Áramótagleðin
hefst með
góðum mat!!
Ferskur Túnfiskur....2.500,-
Sverðfisksteikur......1.990,-
Risarækjur á spjóti...2.490,-
Hámeri í hvítlauk....1.990,-
Risa hörpuskel.....2.490,-
Nílarkarfi í chilli....1.990,-
Búri.....1.990,-
humar
humar- humar
eigum nóg til af
öllum stærðum
JÁRNBLENDIVERKSMIÐJAN
Rafmagn fór af stóriðjunum á Grundartanga í fyrrinótt.
FR
ÉT
TA
B
LA
Ð
IÐ
/V
IL
H
EL
M
HÖFUÐBORGIN
Sala dýrra einbýlishúsa hefur stóraukist að undanförnu, að sögn formanns Félags fast-
eignasala. Nú er verið að selja í hverjum einasta mánuði hús, jafnvel fleiri en eitt eða tvö,
á um hundrað milljónir króna.
JÖTUNVAXNAR RISASKOTKÖKUR
Margar gerðir og stærðir og nýjungar !! Blævængir,
sveipblævængir, tjaldsveipir og þríhleypur !!
Þú færð þær hjá flugeldasölum
íþróttafélaganna og víða
annars staðar.
Goðheima- og Jötunheima-risaskotkökurnar
munu fylla himinhvolfin um áramótin.
08-09 29.12.2004 21:03 Page 2