Fréttablaðið - 30.12.2004, Blaðsíða 23
3FIMMTUDAGUR 30. desember 2004
Silkitré og silkiblóm
Laugavegi 63
(Vítastígsmegin)
Sími 551 2040
50% afsláttur
af allri jólavöru
Jólaseríur allt árið
Það færist í vöxt að ljósaseríur varpi birtu á skammdegið þó jólin séu þrotin.
Það leiðist víst flestum að taka niður jólin og margir vilja halda í þau eins lengi og
kostur er. Aðrir ganga rösklega til verks og pakka jólunum saman á einum eftirmið-
degi og henda ýmsum óþarfa og forgengilegu drasli eins og jólaseríunum. Þó eru
ekki allir sáttir við að kasta nothæfum hlutum á haugana, ekki kannski síst af um-
hverfisverndarsjónarmiðum. Sigurður Steinarsson hjá Raftækjaversluninni Glóey í
Ármúla kann að ganga vel frá jólaseríum fyrir þá sem það kjósa að gera.
„Best er að setja seríurnar í kassann eins og þær voru í honum, þannig að perurnar
snúi í aðra áttina og lykkjan í hina. Það þarf að passa að perurnar snúi allar í sömu
átt. Ef kassinn er ónýtur gildir sama regla en þá er best að notast við pappaspjald.“
Sigurður segir inniseríurnar geta enst í mörg ár en útiseríur aðeins í eitt til tvö ár
vegna veðrunar. Einnig hefur Sigurður orðið var við að fólk kaupir glærar seríur til að
hafa allt árið. „Fólk vill gjarna láta jólabirtuna endast aðeins og þá eru jólaseríurnar
gott ráð. Það er nánast engin eldhætta af þessum litlu peruseríum. Þó má alls ekki
setja hefðbundnar jólatrésseríur ofan í skálar til skrauts. Hitinn verður þá svo mikill
ofan í skálinni að þær geta brennt út frá sér,“ segir Sigurður Steinarsson rafvirki en í
Glóey má fá allskonar heilsársljósaseríur til að lífga upp á skammdegið. ■
Höldum parket-
inu gljáandi
Gamla góða borðedikið er til margra
hluta nytsamlegt.
Eitt algengasta gólfefni nú á dögum
er parket sem til er í ótal tegundum.
Mikið úrval er líka af efnum til að
þrífa þessi gólf og eru sum dýr. Á
flestum heimilum er þó til ódýrt og
handhægt efni sem dugar ágætlega
til hreinsunar á parketi. Það er borð-
edik. Blandan á að vera um tvær
matskeiðar af ediki í fjóra lítra af
volgu vatni. Gólfklúturinn er undinn
upp úr þessum
legi þannig að
hann sé aðeins
rakur þegar hon-
um er rennt yfir
gólfið. Eftir að
þetta hefur verið
gert í nokkur
skipti myndast
fallegur gljái á
gólfinu svo það sýnist alltaf sem
nýtt. Viðargólf þola ekki mikla bleytu
svo ekki ætti að þrífa gólf með ediki
nema á um tveggja vikna fresti en
þess á milli ryksuga eða þurrmoppa
gólfin. Best er að það sé gert dag-
lega því eitt lítið sandkorn getur
hæglega rispað parketið. ■
Gífurlegur
afsláttur
Útsalan í IKEA byrjaði mánu-
daginn 27. desember.
IKEA sóaði ekki neinum tíma og
hóf útsölu um leið og tækifæri
gafst á milli jóla og nýárs. Það
hefur gefist mjög vel að sögn Lísu
Bjarkar Óskarsdóttur, markaðs-
og vefstjóra IKEA. „Útsalan fór
kröftuglega af stað og gengur af-
skaplega vel og það er aldeilis nóg
að gera,“ segir Lísa en IKEA
hefur breytt opnunartíma sínum
aðeins sökum útsölunnar. „Við
erum með opið til klukkan 20.00
milli jóla og nýárs en lokað á
gamlársdag. Síðan höfum við opið
sunnudaginn 2. janúar en lokum
mánudaginn 3. janúar vegna
vörutalningar. Fólk hefur því
tækifæri á sunnudeginum til að
kíkja í útsöluna því margir utan
af landi eru enn í bænum.“
Og afslátturinn er ekki í verra
lagi „Við erum með gífurlegan af-
slátt af þúsund vörutegundum,“
segir Lísa að lokum en útsölunni
lýkur 16. janúar. ■
Lísa segir útsöluna í IKEA hafa farið
kröftuglega af stað.
FR
ÉT
TA
B
LA
Ð
IÐ
/G
VA
Vopnabúr er nýjung í flug-
eldasölunni og bera rakett-
urnar vopnaheiti.
Líklegt er að bardagaterturnar og
kappakökurnar haldi vinsældum
sínum í ár og aukist jafnvel ef
eitthvað er. Terturnar bera allar
heiti frægra bardagakappa úr
Íslendingasögunum og í tengslum
við það hefur sú nýjung bæst í
flugeldasöluna að selja rakettur
með vopnaheitum. Þeir sem vilja
taka áramótin með stæl geta
flaggað köppum úr Íslendinga-
sögunum og vopnabúri þeirra og
skotið flugeldum inn í hið nýja ár
með tilvitnum í fortíðina.
Fjölskyldupakkarnir halda þó
vinsældum sínum en þær hafa
aukist á síðustu árum. Áhersla er
lögð á að hafa ekki mikið af smá-
dóti í fjölskyldupökkunum heldur
að allir fái eitthvað við sitt hæfi
og algengt er að fólk fái sér einn
góðan fjölskyldupakka og bæti
svo við tertum og rakettum.
Hvort sem fólk kaupir flugelda
eða ekki ættu alllir að leggja leið
sína á flugeldasölu og verða sér út
um hlífðargleraugu til að vernda
augun í skothríðinni á gamlárs-
kvöld. ■
Axir og sverð vinsæl í ár
Vopnabúr og bardagakappatertur eru
meðal vinsælustu flugeldanna í ár.
FR
ÉT
TA
B
LA
Ð
IÐ
/P
ÁL
L
22-23 (02-03) Allt heimili ofl 29.12.2004 18:00 Page 3