Fréttablaðið - 30.12.2004, Blaðsíða 36

Ágúst Guðmundsson
Ágúst og Lýður Guðmundssynir hafa fyr-
ir löngu skipað sér á bekk öflugustu
manna í viðskiptalífinu með uppbyggingu
Bakkavarar. Félagið er nú metið á um
fjörutíu milljarða króna. Reksturinn hefur
farið stöðugt vaxandi og hyggur Bakkavör
á aukin viðskipti í Asíu auk þess sem ein-
hver stærstu kaup í íslenskri viðskipta-
sögu, kaup á Geest, eru yfirvofandi.
Til viðbótar starfsemi Bakkavarar
hefur fjárfestingarfélag þeirra bræðra,
Meiður, hagnast vel á árinu af stórri eign
sinni í KB banka. Verðmæti eignar Meiðs
í KB banka er um 50 milljarðar króna. Í ár
réð Meiður Erlend Hjaltason til starfa og
má því búast við að umsvif Meiðs aukist.
Guðmundur Kristjánsson
Guðmundur Kristjánsson keypti í byrjun
árs Útgerðarfélag Akureyringa þegar
Brimi hf. var skipt upp. Einn álitsgjafi
sagði að þessi kaup hefðu markað ákveðin
tímamót þar sem loks væru viðskiptasjón-
armið farin að yfirvinna landsmálapólitík-
ina í útgerðarmálum. Stjarna Guðmundar
hefur risið hratt í útgerðinni og á örfáum
árum hefur hann skipað sér á bekk með
helstu útgerðarkóngum þjóðarinnar.
Hann hefur hvorki látið landsmálapólitík
né stéttarfélagspólitík standa í vegi fyrir
því að framkvæma hugmyndir sínar um
hvernig reka eigi arðsama útgerð. Guð-
mundur er því réttnefndur frumkvöðull í
sjávarútvegi.
Pálmi Haraldsson
Pálmi í Feng er ekki jafn mikið á vörum
manna og helsti viðskiptafélagi hans,
Jón Ásgeir Jóhannesson. Í ár seldi hann
hlut sinn í Flugleiðum og keypti Skelj-
ung, sem síðan var seldur til Haga. Við
þau viðskipti eignaðist Pálmi stóran hlut
í Högum, sem rekur Bónus, Hagkaup og
fjöldann allan af fleiri verslunum á Ís-
landi. Pálmi gegnir lykilhlutverki í
kaupum íslenskra fjárfesta á Big Food
Group í Bretlandi. Hann mun taka við
stjórnarformennsku matvörukeðjunnar
Iceland þegar þau kaup ganga endanlega
í gegn.
Hreiðar Már Sigurðsson
Forstjóri KB banka hefur haft veg og
vanda af starfsemi KB banka innan-
lands en bankinn var fyrstur til að sækja
inn á íbúðalánamarkaðinn með því að
bjóða upp á 80 prósent íbúðalán.
Hreiðar Már er sá sem stýrir daglegum
rekstri KB banka og er annálaður fyrir
að vera fljótur að taka ákvarðanir og
finna lausnir á þeim vandamálum sem
við blasa.
Kenneth Peterson
Í mars seldi Kenneth Peterson hlut sinn
í Norðuráli fyrir ríflega tíu milljarða
króna. Síðar á árinu seldi hann hlut sinn
í Og Vodafone fyrir fimm milljarða.
Hann hefur lýst því yfir að hann horfi
áfram til viðskiptatækifæra á Íslandi en
beinir sjónum sínum að mestu annað í
augnablikinu. Hann vinnur til að mynda
að stafrænu fjarskiptakerfi á Írlandi og
hefur fengið íslenska fyrirtækið
Industria til samstarfs við sig en í forystu
Industria er meðal annars Guðjón Már
Guðjónsson, fyrrum forstjóri Oz.
Bjarni Ármannsson
Forstjóri Íslandsbanka hefur styrkt
stöðu sína verulega bæði innan bankans
og í íslensku viðskiptalífi. Kaup bank-
ans á einum stöndugasta banka Noregs,
BN bank, virðast ætla að ganga tiltölu-
lega átakalaust fyrir sig. Það kom
mönnum í fjármálalífinu á óvart að Ís-
landsbanki sækti svo kröftuglega í út-
rás. Flestir töldu að Íslandsbanki væri
svifaseinastur af íslensku bönkunum
þremur og kaup bankans á Kreditt-
banken vöktu kátínu hjá samkeppnis-
aðilum bankans og þóttu benda til þess
að markið væri ekki sett hátt. Annað
kom á daginn og í lok árs stendur Ís-
landsbanki sterkur.
Hæfileikar Bjarna hafa aldrei verið
dregnir í efa á markaðinum en auk þess
að vera einstaklega glöggur og rögg-
samur stjórnandi hefur margoft komið í
ljós að hann getur varið stöðu sína og
styrkt jafnvel þegar harðvítugt valda-
brölt á sér stað í hluthafahópnum.
Björgólfur Guðmundsson
Stjórnarformaður Landsbankans gerði
sér lítið fyrir í fyrri hluta árs og leysti
upp Eimskipafélag Íslands og gerði það
að dótturfélagi í Burðarási. Hann seldi
útgerðarhlut fyrirtækisins með góðum
hagnaði til fjárfesta víða um land.
Landsbankinn hefur stækkað gríðar-
lega á undanförnum árum og náð til sín
stöðugt stærri hlut á íslenska markaði-
um. Björgólfur hefur boðað sóknar-
bolta í viðskiptum sínum og það hefur
gengið eftir hingað til þótt Landsbank-
anum hafi ekki enn tekist að fóta sig al-
mennilega í útrás þrátt fyrir góðan vilja.
Þótt verkaskipting sé nokkuð skýr á
milli þeirra feðga Björgólfs og Björgólfs
Thors er vart hægt að horfa á umsvif
annars án þess að setja í samhengi við
það sem hinn gerir. Fjárfestingar
Burðaráss í fjármálafyrrtækjum í Sví-
þjóð og Englandi kunna því að verða
viðfangsefni Landsbankans áður en
langt um líður.
Magnús Scheving
Það er ekki víst að fyrir tíu árum hefðu
margir veðjað á að hinn snoppufríði
fimleikakóngur ætti eftir að skipa sér á
bekk með helstu frumkvöðlunum í ís-
lensku viðskiptalífi. Magnús hefur hins
vegar sýnt og sannað að hann er hug-
myndaríkur rithöfundur, liðtækur leik-
ari og harðsnúinn viðskiptamaður.
Annálaður dugnaður og elja Magnúsar
hafa gert honum kleift að nýta hina
fjölmörgu hæfileika sína til þess að
skapa grundvöllinn að því sem gæti
orðið að alþjóðlegu æði - Latabæ.
Þótt heimur Magnúsar sé ekki
hlutabréfakaup eða yfirtökur á erlend-
um fyrirtækjum hefur árangur hans
vakið mikla athygli og aðdáun þeirra
sérfræðinga sem Fréttablaðið leitaði til.
Árangur hans í Bandaríkjunum er helst
nefndur til sögunnar en einn viðmæl-
andi blaðsins tók sérstaklega fram að
hið jákvæða hugarfar sem endurspegl-
ast hvort tveggja í viðskiptum og hug-
verkum Magnúsar gæti fleytt mönnum
langt í hvaða bransa sem er og því væri
Magnús góð fyrirmynd fyrir íslenska
athafnamenn.
Jón Ásgeir Jóhannesson
Forstjóri Baugs er vafalítið umtalaðasti
kaupsýslumaður landsins síðustu árin.
Undir hans forystu hefur Baugur orðið
einn helsti fjárfestir í smásölu í Norður-
Evrópu. Einkum eru umsvifin mikil í
Bretlandi og nú líður vart sá dagur að
fyrirtækið sé ekki orðað við risasamn-
inga þar í landi. Kaup Baugs á Big Food
Group eru stærsta útrásarverkefni Ís-
landssögunnar og með þeim stimplar
Jón Ásgeir sig rækilega inn í breskt við-
skiptalíf. Honum eru nú allir vegir færir
þar sem hann nýtur mikils trausts hjá
fjármálastofnunum á borð við Bank of
Scotland sem líklegar eru til þess að
styðja við frekari útrás fyrirtækisins.
Í maí keypti Baugur skartgripa-
keðjuna Goldsmiths á um fjórtán
milljarða. Baugur keypti svo keðjuna
Karen Millen í júní á tæplega sextán
milljarða. Baugur seldi hlut sinn í
House of Fraser og tók inn um millj-
arð í hagnað á þeim viðskiptum. Í nóv-
ember gekk Baugur frá kaupum á
verslunarkeðjunni MK One fyrir sjö
milljarða.
Jón Ásgeir hefur hins vegar haldið
áfram að draga sig út úr fjárfestingum á
Íslandi. Í byrjun árs seldi hann hlut sinn
í Flugleiðum og hlutur Baugs í Hög-
um, sem rekur Hagkaup, Bónus og
fleiri verslanir, hefur farið minnkandi.
thkjart@frettabladid.is
Á árinu sem er að líða hafa
íslensk fyrirtæki verið stórtæk-
ari í fjárfestingum og útrás en
nokkru sinni fyrr. Tvær risastór-
ar yfirtökur í Bretlandi eru við
það að klárast. Bakkavör
kaupir Geest og Baugur kaupir
Big Food Group. Báðir þessir
samningar eru yfir hundrað
milljarða virði.
Í Danmörku gerðu Íslendingar
strandhögg með kaupum á FIH
bankanum, sem KB banki
keypti fyrir um 90 milljarða, og
Baugur, Straumur og Birgir Þ.
Bieltvedt keyptu krúnudjásn
danskrar verslunar - Magasin
du Nord. Baugur keypti einnig
nokkrar breskar matvöruversl-
anir. Þá keypti SÍF franska mat-
vælaframleiðandann Labeyrie
Group, Burðarás hefur á síð-
ustu mánuðum keypt stöðugt
stærri sneiðar af sænska fjár-
festingarbankanum Carnegie
og fyrirtæki sem lúta forystu
Björgólfs Thors Björgólfs-
sonar hafa fjárfest fyrir tugi
milljarða í fjarskiptafyrirtækj-
um í Búlgaríu og Tékklandi.
Í lok ársins gekk Íslandsbanki
frá kaupum á norska BN bank-
anum sem kostaði á fjórða tug
milljarða.
Þetta eru aðeins nokkur af
þeim skrefum sem íslensk fyrir-
tæki og íslenskir fjárfestar hafa
tekið á árinu. Það er því óhætt
að segja að úr vöndu hafi verið
að ráða fyrir hóp sérfræðinga
sem Fréttablaðið fékk til þess
að tilnefna menn ársins í
íslensku viðskiptalífi. Alls voru
um tuttugu manns nefndir til
sögunnar en niðurstaðan var
nokkuð afgerandi hvað varðar
efstu sætin.
VIÐSKIPTAMENN ÁRSINS
F2 10 30. desember 2004 FIMMTUDAGUR
10. sæti
9. sæti
Ágúst Guðmundsson (t.v.) er í tíunda
sæti í vali á viðskiptamanni ársins. Hann
hefur ásamt Lýði bróður sínum byggt
upp eitt öflugasta fyrirtæki landsins.
4. sæti
Björgólfur Guðmundsson
Stjórnarformaður Landsbankans gekk í mörg verkefni í ár. Meðal annars seldi hann
rekstur Eimskips í sjávarútvegi og færði rekstur óskabarns þjóðarinnar undir Burðarás.
3. sæti
Magnús Scheving
Einn áhugaverðasti frumkvöðull í íslensku viðskiptalífi á síðustu árum. Hann hefur
nýtt hugmyndaauðgi, bjartsýni og starfsþrek til að leggja grunn að umfangsmiklu
afþreyingarfyrirtæki.
2. sæti
Jón Ásgeir Jóhannesson
Umsvif hans í Bretlandi eru orðin svo mikil að hann er nú talinn fjórði áhrifamesti
maðurinn í breska tískuheiminum. Kaupin á Big Food Group eru umfangsmesta útrás-
arverkefni sem Íslendingar hafa staðið fyrir.
7. sæti
Hreiðar Már Sigurðsson
Forstjóri KB banka sér um daglegan
rekstur í hinni sívaxandi samsteypu.
6. sæti
Kenneth Peterson
Eini útlendingurinn sem kemst á listann.
Hann þykir hafa hagnast vel á viðskipt-
um hér á landi og segist alltaf hafa aug-
un opin fyrir nýjum tækifærum.
5. sæti
Bjarni Ármannsson
Vel heppnuð útrás Íslandsbanka í lok
ársins kom á óvart enda höfðu flestir
talið að í Íslandsbanka væru menn of
uppteknir af valdatafli í hluthafahópn-
um til að huga að slíkum verkefnum.
Guðmundur Kristjánsson
Hann fetar ekki troðnar slóðir í útgerð
sinni en þykir kraftmikill og áræðinn í
viðskiptum og lætur ekki pólitíkina
flækjast um of fyrir sér.
8. sæti
Pálmi Haraldsson
Pálmi í Feng er orðinn mjög stór hlut-
hafi í Högum og mun veita Iceland-keðj-
unni í Bretlandi forystu eftir að kaup
Baugs ganga í gegn.
10-11-F2 lesið 29.12.2004 14:11 Page 2