Fréttablaðið - 30.12.2004, Blaðsíða 44

F2 18 30. desember 2004 FIMMTUDAGUR
FRAMHALD VIÐSKIPTAÁRIÐ GERT UPP
Árið 2004 hefur verið ár umbreytinga
hjá Íslandsbanka. Áhersla hefur verið
lögð á að auka hagræði viðskiptavina
með samþættingu á vátrygginga- og
bankaþjónustu og gera þeim kleift að
hafa öll fjármálin á einum stað með
auknu vöruframboði og víðtækari þjón-
ustu. Umsvif hafa aukist í fyrirtækja-
ráðgjöf og viðskiptabankaþjónusta verið
afmörkuð frá annarri þjónustu með
skýrari hætti.
Þá hefur sókn inn á húsnæðislána-
markaðinn hafist af fullum þunga. Ís-
landsbanki hóf samkeppnina við Íbúða-
lánasjóð í upphafi árs með óverðtryggð-
um húsnæðislánum í íslenskum krónum
og húsnæðislánum í erlendri mynt. Eft-
ir að bankarnir hófu að bjóða verðtryggð
lán á samkeppnishæfum kjörum við
Íbúðalánasjóð bauð Íslandsbanki hús-
næðislán með 100% veðsetningarhlut-
falli. Það kemur einkum ungu fólki til
góða eins og kemur fram í könnun sem
Gallup gerði fyrir Íslandsbanka, en þar
kemur fram að yfir fjórðungur íbúðar-
eigenda á aldrinum 25 til 40 ára átti
ekkert eigið fé við kaup á fyrstu íbúð og
þurfti því að fjármagna kaupin með
óhagstæðum skammtímalánum.
Á erlendum vettvangi hefur Íslands-
banki staðið í stórræðum. Áhersla hefur
verið lögð á ytri vöxt og starfsemin end-
urskipulögð með það í huga. Starfsemi
útibúsins í London hefur verið efld og
ákveðið að stofna banka í Lúxemborg,
en hvort tveggja er liður í sókn Íslands-
banka á Norðurlöndum, einkum í
Noregi og í Danmörku.
Við höfum skilgreint Ísland og
Noreg sem okkar heimamarkað. Með
kaupum á Kredittbanken hefur Íslands-
banki hreiðrað um sig í höfuðstað
norsks sjávarútvegs í Álasundi, sem
einnig er stórt útflutningssvæði. Í lok
ársins réðst Íslandsbanki svo í kaup á
BN banka, fjórða stærsta viðskiptabanka
Noregs, og er nú beðið samþykkis
norskra yfirvalda eftir að meira en 98%
hluthafa hafa samþykkt sölu á bréfum
sínum til Íslandsbanka. Það er ánægju-
legt að viðtökur almennings og við-
skiptalífsins í Noregi hafa verið afar góð
og umfjöllun í fjölmiðlum jákvæð. Bæði
stjórn Kredittbankans og stjórn BN
bankans mæltu með viðskiptunum við
Íslandsbanka.
Með kaupunum tvöfaldast inn- og
útlán Íslandsbanka, sem eykur áhættu-
dreifingu bankans, auk þess sem Ís-
landsbanki hefur þá haslað sér völl á
einstaklings- og fyrirtækjamarkaði í
Noregi. Til að fjármagna kaupin á BN
banka og styrkja eiginfjárstöðu bank-
ans vegna mikils innri vaxtar í útlánum
hóf Íslandsbanki hlutafjárútboð 17.
desember sem lýkur 4. janúar, en fyrri
hlutafjárútboð bankans á árinu gengu
afar vel.
Næsta ár á eftir að verða viðburða-
ríkt í íslensku viðskiptalífi, ekki síður en
árið sem er að líða. Útrás stærstu fyrir-
tækjanna mun halda áfram og vænt-
ingar eru um áframhaldandi góðan
hagvöxt og aukinn kaupmátt. Ytri að-
stæður verða að líkindum erfiðari og
ósennilegt að hlutabréfamarkaðurinn
gefi jafn vel af sér og á árinu sem er að
líða. Allt mun þetta þó grundvallast á
verðmætasköpun í fyrirtækjunum til
lengri tíma. Mikilvægt er því að rekstr-
arumhverfið sé sem hagfelldast og að
fyrirtækin sjálf setji sér agaðar starfs-
reglur. Jákvæð skref voru stigin í þá átt
á þessu ári.
Bjarni Ármannsson, forstjóri Íslandsbanka:
Ánægjulegar viðtökur
við kaupum í Noregi
Útrás í árslok
Bjarni Ármannsson stýrði kaupum á norska BN bank í árslok. Kaupin hafa fengið góðar undirtektir hér heima og í Noregi. Hann
býst við erfiðara rekstrarumhverfi og að hlutabréfamarkaður gefi minna af sér en á liðnu ári.
Árið 2004 var mjög viðburðaríkt og
minnisstætt. Mörg af öflugustu fyrir-
tækjum landsins stækkuðu verulega og
sóttu inn á erlenda markaði til að efla
starfsemi sína. Sá vöxtur var að miklu
leyti fjármagnaður með útgáfu nýs
hlutafjár á innlendum markaði, tíð
hlutafjárútboð einkenndu árið. Skilyrði
á innlendum fjármagnsmarkaði voru
jafnframt mjög hagfelld og verðmæti
fyrirtækja í Kauphöll Íslands hækkaði
mikið. Einnig settu svip sinn á árið
töluverðar breytingar á eignarhaldi í
mörgum stórum fyrirtækjum samhliða
innkomu nýrra fjárfesta á markaðinn í
kjölfar hlutafjárútboða. Almennt má
segja að bjartsýni hafi einkennt við-
skiptalífið.
Hvað varðar Straum Fjárfestingar-
banka var árið 2004 í senn viðburðaríkt
og hagstætt og óhætt er að segja að árið
marki tímamót í sögu félagsins. Í upp-
hafi árs fékk Straumur starfsleyfi sem
fjárfestingarbanki og er því fyrsta starfs-
ár Straums í fjárfestingarbankastarfsemi
að baki. Uppbygging Straums hefur
gengið vel og má sem dæmi nefna að á
fyrstu níu mánuðum ársins 2004 fóru
heildareignir bankans úr 22,5 milljörð-
um í tæplega 68,5 milljarða, sem er
aukning um 204%.
Á komandi ári mun halda áfram
uppbygging á fjárfestingarbankastarf-
semi bankans og vænti ég þess að árið
2005 verði Straumi og hluthöfum hans
hagstætt. Straumur hefur sterka fjár-
hagsstöðu sem gefur bankanum tækifæri
til sóknar og stækkunar, bæði innan-
lands og erlendis. Því get ég ekki annað
en verið bjartsýnn á komandi ár.
Ég tel að framundan séu mikil tæki-
færi fyrir íslensk fyrirtæki, bæði til útrás-
ar og eins hér heima. Næsta ár getur
orðið viðburðaríkt líkt og það sem nú er
líða. Útrás síðustu missera skýtur stoð-
um undir frekari landvinninga og aukna
verðmætasköpun íslenskra fyrirtækja.
Hér heima liggja tækifærin víða, enda er
íslenskt atvinnu- og viðskiptalíf nú fjöl-
breyttara en nokkru sinni fyrr. Við höf-
um séð markaðinn hér heima þróast og
eflast á síðustu misserum. Þá verður ekki
annað séð en að sú öra þróun sem orðið
hefur á skuldabréfamarkaðnum á þessu
ári haldi áfram.
Ég met horfur fyrir árið 2005 góðar.
Efnahagslífið einkennist af miklum
krafti og fyrirséð að hagvöxtur verður
með mesta móti. Áfram skiptir þó
mestu máli að stöðugleiki ríki í efna-
hagslífinu. Aðilar vinnumarkaðarins,
einstaklingar og hið opinbera verða að
axla sína ábyrgð á því að varðveita stöð-
ugleikann. Stöðugleikinn er grundvöllur
áframhaldandi verðmætasköpunar.
Við getum ekki horft framhjá því að
íslenska hagkerfið er hluti af efnahags-
kerfi heimsins og allar sveiflur þar munu
hafa áhrif hér á landi. Ég tel að íslenskt
efnahags- og viðskiptalíf hafi sjaldan
verið betur í stakk búið til að mæta ytri
áföllum, einkum vegna þess að fjöl-
breytni og styrkur íslenskra fyrirtækja
hefur aukist til mikilla muna og aðlög-
unarhæfni efnahagslífsins eftir því.
Þórður Már Jóhannesson, forstjóri Straums fjárfestingarbanka:
Fjölbreytni viðskiptalífsins
aldrei verið meiri
Árið 2004 var að mörgu leyti gjöfult
fyrir Baug Group. Á árinu höfum við
leitast við að færa áherslu okkar frá Ís-
landi til Bretlands, sérstaklega vegna
þeirra tækifæra sem við sjáum þar til að
ávaxta fé okkar. Þrátt fyrir þó nokkra
eignasölu hérlendis þá voru sumar af
eignum okkar umdeildar, sérstaklega
þær sem snerta fjölmiðla. Það væri hins
vegar að æra óstöðugan að fara ítarlega
í þá umræðu. Ég tel þó að betra sé að
fjölmiðlar séu í eigu sterkra sýnilegra
eigenda en veikra sem selja sálu sína
fyrir næstu heilsíðu.
Þá þótti mér merkilegt þegar ríkis-
fyrirtækið Síminn keypti Skjá 1og fór
þar með í samkeppni við RÚV.
Skemmtilegt til þess að hugsa að 60
dögum áður höfðu sömu menn og tóku
þá ákvörðun farið hamförum um að
markaðsráðandi fyrirtæki mætti ekki
eiga meira en 10% í fjölmiðli.
Eins og fyrr greinir lögðum við
áherslu á Bretlandsmarkað. Mosaic
keypti Karen Millen og Wisthles, og
Baugur keypti ráðandi hlut í
Goldsmiths og Mk-One. Við seldum
einnig nokkrar af eignum okkar á ár-
inu. Þar ber hæst Flugleiðir, Lyfja,
Vörður, Skífan og BT. Í Bretlandi
seldum við eignarhlut okkar í House of
Fraser .
Kaupin á Magasín voru eftirminni-
leg, ekki bara vegna þess að það voru
góð kaup, heldur vegna þess hvað það
fór í taugarnar á sumum Dönum að
örverpið Ísland hefði keypt þjóðar-
djásnið af Dönum. Ekki nóg með það,
þá höfðu Íslendingarinir áttað sig á
hversu verðmætar eignir félagsins voru.
Líklegast var ég sárastur á árinu, en
samgladdist um leið, félaga Philip
Green þegar hann greiddi sér 65 millj-
arða í arð út úr Arcadia, félaginu sem
ég færði honum á silfurfati. Hlutur
Baugs hefði verið 50% af þeirri upphæð
ef ekki hefði komið til lögregluinnrásar
sem spilllti því fyrir Baugi. Eigi skal
gráta Björn bónda, heldur safna liði.
Við höfum nú gert óafturkallanlegt til-
boð í Big Food Group, sem er gott
fyrir land og þjóð. Við ættum að geta
lækkað verð á innflutum vörum um
1-3% á næstu 12 mánuðum ásamt því
að innlendir hluthafar munu hagnast
vel gangi áætlanir eftir.
Svíþjóð á IKEA og H&M. Við
íslendingar eigum í dag fræg vörumerki
eins og Hamleys, Oasis, Karen Millen,
Booker og Magasin du Nord. Mér
fannst stórgaman að því þegar starfs-
stúlka í Magasín kom til mín og sagði
„hvernig segi ég God Jul á íslensku“, ég
spurði hvers vegna hún spyrði að því:
„Nú það koma Íslendingar í hrönnum
og segjast eiga búðina...“
Að undanförnu hefur orðið til á
Íslandi ótrúlega kraftmikill hópur
manna sem ætla sér stóra hluti á er-
lendum mörkuðum. Í dag er þetta um
það bil 12 til 14 manna hópur: Bakka-
vör, Björgólfsfeðgar, KB banki með
Hreiðar Má og Sigurð Einarsson,
Ólafur Ólafsson í Samskipum,
Þorsteinn Már í Samherja, Össur,
Kári Stefánsson, Hannes Smárason
og Flugleiðir, Baltasar Kormákur og
Magnús Scheving. Ef okkur ber gæfa
til að stækka þennan hóp er Ísland í
góðum málum og þarf engan þorsk.
Jón Ásgeir Jóhannesson, forstjóri Baugs:
Baugur varð af
30 milljörðum
Boðar lækkað vöruverð
Jón Ásgeir Jóhannesson, forstjóri Baugs, segir íslenska neytendur munu njóta stærðar
fyrirtækisins eftir kaup á Big Food Group. Hann gerir ráð fyrir að vöruverð geti lækk-
að hjá fyrirtækinu um eitt til þrjú prósent vegna kaupanna í Bretlandi.
Tækifærin víða
Þórður Már Jóhannesson segir tækifærin víða að finna í viðskiptalífinu, bæði innan-
lands og utan. Sterk fjárhagsstaða Straums gefi honum tækifæri til sóknar og vaxtar.
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/T
EI
TU
R
FR
ÉT
TA
B
LA
Ð
IÐ
/V
IL
H
EL
M
18-19-F2lesið 29.12.2004 14:23 Page 2