Fréttablaðið - 30.12.2004, Blaðsíða 63

FIMMTUDAGUR 30. desember 2004 23
Fyrstir á
markað
Lyfjafyrirtækið Actavis tilkynnti
í gær að það hefði verið fyrst til
að setja á markað samheitalyf í
Þýskalandi eftir að markaðsleyfi
var veitt á Þorláksmessu.
Um er að ræða lyf sem notað
er gegn háum blóðþrýstingi.
Lyfjafyrirtækið Pfizer hafði
einkaleyfi á lyfinu, Quinapril
HCT, en það rann út í apríl. Í til-
kynningu Actavis segir að gert sé
ráð fyrir að lyfið verði í hópi 10
til 15 söluhæstu lyfja til þriðja
aðila á árinu.
Haft er eftir Guðbjörgu Eddu
Eggertsdóttur hjá Actavis að nú
þegar hafi 25 milljónir taflna
verið seldar og að um sé að ræða
góða viðbót við vöruúrval
Actavis. - þk
Ágreiningur við
Bjarna Ármannsson
forstjóra tilgreindur
sem ástæða.
Jón Þórisson, sem gegnt hefur
starfi aðstoðarforstjóra Íslands-
banka, hætti skyndilega störfum í
gær. Í tilkynningu frá Íslands-
banka segir að ágreiningur hafi
orðið á milli hans og Bjarna Ár-
mannssonar forstjóra sem ekki
hafi verið hægt að brúa.
„Þetta kom mér á óvart. Ég er
ekki sammála því að ekki hafi
verið hægt að brúa þennan
ágreining,“ segir Jón.
Hann sendi tölvupóst á starfs-
menn Íslandsbanka skömmu áður
en tilkynning um ákvörðunina
barst frá Bjarna Ármannssyni.
Nokkrir hlutir voru nefndir sem
ástæða starfslokanna en um nokk-
urt skeið hefur ekki verið trúnað-
ur milli Bjarna og Jóns.
Nokkrir flokkadrættir hafa átt
sér stað innan hluthafahóps Ís-
landsbanka á liðnu ári. Skortur á
trausti milli forstjórans og aðstoð-
arforstjórans er talinn endur-
spegla þær deilur.
Nú hafa stuðningsmenn Bjarna
í stjórn bankans náð undirtökum
og uppsögn Jóns í gær undirstrik-
ar að Bjarni hefur tögl og hagldir
í rekstri bankans.
Óskað hefur verið eftir banka-
ráðsfundi í kjölfar uppsagnarinn-
ar en samkvæmt heimildum
Fréttablaðsins er ekki líklegt að
margir stjórnarmenn geri athuga-
semd við ákvörðun Bjarna um að
Jón hætti störfum.
Nokkur mikilvæg svið í starf-
semi bankans heyrðu undir Jón og
má búast við að ákvarðanir um
skipulagsbreytingar í kjölfar upp-
sagnar hans verði teknar innan
skamms.
- þk
Aðstoðarforstjóri Íslandsbanka víkur
JÓN ÞÓRISSON
Segir að ákvörðun um uppsögn hafi komið sér á óvart og er ósammála forstjóra Íslands-
banka um að ágreiningur þeirra hafi verið óleysanlegur.
FR
ÉT
TA
B
LA
Ð
IÐ
/V
IL
H
EL
M
62-63 (22-23) Samskip-Landfl 29.12.2004 19:19 Page 3