Fréttablaðið - 13.01.2005, Blaðsíða 44
F2 14 13. janúar 2005 FIMMTUDAGUR
Faxafeni 8 • 108 Reykjavík • sími 534 2727 • e-mail: skatabudin@skatabudin.com • www.skatabudin.com
S K Í Ð A V E R S L U N
20 - 50%
Sí›ustu dagar útsölunnar
A›eins í nokkra daga
SKÍ‹AAFSLÁTTUR
Hvaða matar gætir þú síst verið
án? Ég gæti ekki lifað án grænmetis
og brokkólí, paprika, blómkál og gul-
rætur eru í mestu uppáhaldi og ég fer
nærri daglega á Salatbarinn.
Finnst þér einhver
matur vondur? Já, ég
forðast súrmat. En
það er eingöngu af
því að ég hef ekki
alist upp við slíkan
mat.
Fyrsta minningin um mat? Ég
var mikið hjá ömmu Jónu á Klepps-
veginum sem barn. Hún notaði mik-
ið grænmeti og baunir í sína
matargerð og var langt á
undan sinni samtíð hvað það
varðar. Hún var alger snill-
ingur í gerð grænmetisrétta
og gerir það að verkum að ég
kann að meta þennan mat.
Besta máltíð sem þú hefur
fengið? Fyllt hveititortilla eins og
Gummi á Tex-mex útbýr fyrir mig
sérstaklega. Hún er með fersku salati,
kryddhrísgrjónum, sýrðum rjóma,
guacamole og sterkri salsasósu.
Leyndarmál úr eldhússkápnum?
Vatnsmelóna! Ég get ekki án henn-
ar verið. Þegar maður læðist í ís-
skápinn á kvöldin eða eftir
þuluvaktirnar er best að ráðast á
hana.
Hvað borðar
þú þegar þú
þarft að láta
þér líða betur? Einhver
spámaður hvíslaði því að mér
að ferska grænmetið og
stöðug vatnsdrykkja efldi ork-
una hjá konum á mínum aldri
og ég hef haldið
mig við það. Vatn
og litaríkt græn-
meti er að mínu
skapi.
Hvað áttu
alltaf í ísskápnum? KEA
aloe vera skyr. Við (ég og
strákarnir mínir) getum alls
ekki verið án þess.
Ef þú yrðir föst á eyði-
eyju, hvaða rétt myndir þú taka
með þér? KEA-skyr.
Hvað er það skrýtnasta sem þú
hefur borðað?
Heill krabbi sem ég valdi sjálf úr
stóru búri.
Matgæðingurinn Ellý Ármannsdóttir, þula og eigandi Spámaður.is
Með KEA-skyr á eyðieyju
Hver og hvar Veitingastaðurinn Þrír
frakkar, Baldursgötu 14, 101 Reykjavík
Hvernig er stemmningin? Þrír
frakkar var opnaður 1989 af mat-
reiðslumeistaranum Úlfari Eysteins-
syni og hefur hann rekið staðinn allar
götur síðan. Staðurinn er vinalegur, í
göngufæri frá miðbænum og tekur 44
gesti í sæti. Hann hefur verið með
eindæmum vinsæll enda er staðurinn
einn fárra sem bjóða upp á hvalkjöt,
sem þykir hið mesta sælgæti, ásamt
sjófugli og hefðbundnum fisktegund-
um. Staðurinn er opinn mánudaga til
föstudaga frá hálf tólf til hálf þrjú, og
frá sex til tíu. Um helgar eru Þrír
frakkar með opið frá sex til tíu á
kvöldin.
Matseðillinn Þó að sjávarþemað sé
gegnumgangandi á matseðli Þriggja
frakka er hægt að fá þar hefðbundna
kjötrétti á borð við lambakjöt og
hann býður einnig upp á grænmetis-
rétti. Þá er hægt að fá fjölbreytta for-
rétti, eins og hrátt hvalkjöt að
japönskum sið og súpur.
Vinsælast Plokkfiskurinn er án
nokkurs vafa einn langvinsælasti rétt-
ur Þriggja frakka enda um mikið sæl-
gæti að ræða. Þá er hvalkjötspipar-
steikin alltaf vinsæl. Plokkfiskurinn
kostar 1.990 krónur og fylgir rúg-
brauð með en hvalkjötspiparsteikin
kostar 2.990 krónur.
Réttur dagsins Í hádeginu er veitt-
ur fjörutíu prósenta afsláttur og fylg-
ir þá súpa með. Þá býður staðurinn
einnig upp á súpu dagsins sem kostar
890 krónur og forrétt dagsins en
hann kostar 1.490.
Þrír frakkar:
Plokkfiskur og hvalkjöt
Flestir segjast þekkja ítalskan mat og
matargerð. Helgi Björnsson stór-
söngvari var um skeið búsettur í lista-
borginni Flórens á Ítalíu.
„Ég var reyndar það heppinn að ég
fór með stelpuna mína á leikskóla á
morgnana og fór svo að undirbúa
næstu máltíð.“
Hann segir að þrátt fyrir að ítölsk
matargerðarlist líti oft út fyrir að vera
einföld liggi mikil hugsun að baki.
„Það er kannski búið að vera að hakka
og baka allan daginn, en þegar þú færð
þetta á diskinn lítur þetta út fyrir að
vera mjög einfalt.“
Helgi segir að oft séu menn að
troða rjóma í pastarétti, sem sé ekki
mikið gert á Ítalíu. „Pasta er í raun
hugsað sem forréttur, prima. Þú færð
bara smá pasta á disk, svo kjötsneiðina
eina með smá sósu, og loks grænmet-
ið. Þá eru þeir búnir að fá öll vítamín-
in sem þeir þurfa.“
Ástæðan fyrir því að hann valdi
þennan rétt er sú að nú er sá tími
þegar það er kalt og menn þurfa að fá
góða næringu. „Svo eru menn líka að
fá sér sósuna úr einhverri dós í stað
þess að gera þetta sjálfir. Það er hægt
að búa til þessa sósu sjálfur og geyma
hana inni í skáp.“
Ragú alla bolognese/
Spaghetti Bolognese
300 g kjöthakk
100 g beikon
4 msk. smjör
1 stór laukur
1-2 sellerístilkar
1-2 gulrætur
2 negulnaglar
125 ml kjötsoðkraftur
1 tsk. tómat puré
svartur pipar grófmalaður
salt
Að sögn Helga á að brúna kjötið á
pönnunni í smjörinu ásamt beikon-
sneiðunum og fíntsöxuðu grænmetinu
(saxað saman í matvinnsluvél ásamt
neglinum).
„Þegar kjötið er farið að brúnast á að
bæta kjötsoðinu við og lækka hitann.
Þá er tómatkrafturinn settur út í, saltað
og piprað og hellt vatni yfir þannig að
fljóti yfir kjötkássuna.“ Þegar þessu er
lokið er sett á lægsta hitann. „Hér ligg-
ur galdurinn; það á að láta þetta malla
helst í þrjá tíma.“
Helgi segir að rétturinn ætti ekki að
eyðileggjast þó hann væri eldaður
skemur. „Finnið einhvern góðan hljóm-
disk eða vínylplötu og farið að taka til
... eða eitthvað. Galdurinn við kjöt-
sósuna er nefnilega að gefa sér tíma og
láta hana malla lengi við vægan hita.“
Helgi segir að matgæðingar muni
uppskera ríkulega þegar sest verður að
borðum yfir rjúkandi spaghetti, soðnu
„al dente“ (7 til 8 mínútur) með þessari
dýrindis kjötsósu sem gefin hefur verið
þessi tími og að síðustu er rifnum
ferskum parmesanosti stráð yfir her-
legheitin. „Ekki skemmir að skola
þessum dýrindisrétti niður með rauð-
vínsglasi.“
Víninnflutningsfyrirtækið Eðalvín var
stofnað á sínum tíma með markmiðið
„fræðsla og fagmennska“ að sögn stofn-
endanna. Í ljósi þessara háleitu mark-
miða standa Eðalvín fyrir athyglisverð-
um nám-
skeiðum um
vín. Nám-
skeiðin eru á
afar hag-
stæðu verði,
grunnverðið
fyrir námskeiðin er 1.500 kr en getur
breyst við sérstök tækifæri, t.d. ef utan-
aðkomandi leiðbeinandi er fenginn. Að
auki býðst öllum þátttakendum 20% af-
sláttur af veitingastöðum í Kvosinni en
námskeiðin eru haldin á Vesturgötu 5 í
jaðri Grjótaþorpsins. Stundum eru
námskeið haldin annars staðar, t.d. eru
tvö námskeið fyrirhuguð í Reykjanesbæ.
Nánari upplýsingar má finna á edal-
vin.is en eftirfarandi námskeið eru
fyrirhuguð á næstunni:
Janúar
20. Matur og vín
27. Að smakka blint
Febrúar
3. Námskeið fyrir fagfólk veitingahúsa
4. Matur og vín (í Reykjanesbæ)
10. Matur og vín
17. Ítölsk vín
24. Matur og vín
Mars
3. Að smakka blint (í Reykjanesbæ)
10. Að smakka blint
17. Lífræn vín
Apríl
7. Chardonnay víða að
14. Matur og vín
28. Að velja vín í veisluna
Maí
12. Freyðivín og kampavín
19. Grillmatur og vín
26. Hvítvín og hvítvín!
Vínskóli Eðalvína
Spaghetti Bolognese „Bolognese að hætti veitingastaðarins Ítalíu sem hefur að sjálfsögðu ítalskar matreiðsluhefðir í hávegum.“
Heimatilbúið Spaghetti Bolognese:
Góður réttur gegn kulda
E.
Ó
L.