Fréttablaðið - 03.02.2005, Blaðsíða 38

F2 10 3. febrúar 2005 FIMMTUDAGUR

Pantanir í síma
5116030
www.hotelcabin.is, booking@hotelcabin.is
ÞORRABLÓT
20 - 80 manna hópar

Tökum að okkur Þorrablót
fyrirtækja, félagasamtaka, vinahópa,
átthagasamtaka o.s.frv.
Súðin á 6. hæð Hótel Cabin er einstaklega
huggulegur veislusalur þar sem hópar
njóta næðis en þó er stutt í ys og þys
miðborgarinnar.

Salatbarinn
- ávallt ferskur í hádeginu.
Opinn virka daga frá klukkan 11.30 til 14.00
Hótel Cabin, Borgartúni 32
Hver og hvar? Veitingastaðurinn
Laugaás, Laugarásvegi 1, 104
Reykjavík.
Hvernig er stemningin? Að koma
á Laugaás er eins og að ganga aftur í
barndóm því veitingastaðurinn hefur
ekkert breyst síðan hann opnaði
1979. Rauðköflóttu gardínurnar
skapa svolítið sveitalega stemningu
sem alls ekki má breyta og borðin
með flísunum vekja upp minningar.
Það eina sem hefur breyst er að það
eru komnir nýir stólar. Laugaás er
annálaður fjölskyldustaður og það er
gott að koma þangað ef fjölskyldan
ætlar að gera sér glaðan dag.
Matseðillinn: Það ætti hver fjöl-
skyldumeðlimur að geta fundið eitt-
hvað við sitt hæfi. Á Laugaás er veg-
legur barnamatseðill með hamborg-
urum og pítsum eins og krökkum
þykir gott. Það er þó heldur meira
lagt í matseðilinn handa fullorðna
fólkinu og þar er lambalæri í alvöru
bernaisesósu einn besti maturinn á
seðlinum. Það er líka mikið úrval af
fiskréttum og öðrum kjötréttum. Svo
má ekki gleyma súpu dagsins en hún
er ein sú besta í bænum, ekta rjóma-
löguð og góð.
Hvað er vinsælast: Fiskigratínið er
einn vinsælasti rétturinn á matseðlin-
um. Það kostar 1690 krónur og er fá-
anlegt bæði í hádeginu og á kvöldin.
Réttur dagsins: Í hádeginu er boð-
ið upp á rétti dagsins. Það er yfirleitt
eitthvert sjávarfang í boði eins og
fiskigratín, pönnusteikt ýsa og hvít-
laugsristaður steinbítur. Verð á rétt-
um dagsins í hádeginu er frá 1190-
1390 krónum. Súpa fylgir með rétt-
um dagsins.
Vín frá Ástralíu eru fyrir löngu búin að festa sig í sessi hér á
landi. Íslenskir neytendur hafa áttað sig á því að þau bjóða
gífurlega mikið fyrir peninginn. Vínræktarsvæði Ástralíu eru
mörg en fá eiga jafnmikla sögu og Barossa-dalurinn, mið-
stöð víngerðar í Suður-Ástralíu. Ef einhver einn einstakling-
ur hefur mótað Barossa umfram aðra þá er það líklega
Peter Lehmann sem oft er nefndur baróninn af Barossa. Vín
hans hafa notið gífurlegra vinsælda um allan heim og er Ís-
land þar engin undantekning. Í úttekt á vínum Lehmanns í
Morgunblaðinu fékk eitt vín, Stonewell Shiraz, fullt hús í
stigum en annað vín, Mentor sem byggir á Cabernet
Sauvignon og fleiri frönskum þrúgum, fékk nítján stig af
tuttugu. Hjá tímaritinu Gestgjafanum hafa bæði Peter
Lehmann Shiraz og Peter Lehmann Cabernet Sauvignon ver-
ið valin vín mánaðarins og fyrir jólin valdi Þorri Hringsson
vínrýnir Peter Lehmann Mentor sem jólavín blaðsins. Mikill
„bolti“ eins og vínáhugamenn kalla stór og mikil vín og gef-
ur virkilega mikið fyrir peninginn.
Verð í Vínbúðum 2.890 kr.
Veitingastaðurinn Laugaás
Afturhvarf til fortíðar
Hvaða matar gætir þú síst ver-
ið án? Ég gæti alls ekki verið án
osta því ég er alveg sjúkur í
þá.
Er einhver matur sem
þér finnst vondur? Ég
smakka alltaf allan mat en
mér finnst hákarl vondur og ég hef
aldrei kunnað að meta rjúpur. Mér
finnst þær alls ekki góðar.
Fyrsta minningin um mat?
Ég gleymi seint þeim degi þegar ég
smakkaði saltkjöt í karrísósu fyrst
en þetta er einn af mínum uppá-
haldsmáltíðum sem mamma mín
eldar. Ég var þriggja ára og hef
haldið tryggð við þennan rétt síðan.
Besta máltíð sem þú hefur
fengið? Hana fékk ég þegar ég
var búinn að hjóla í tólf tíma aust-
ur fyrir fjall frá Reykjavík. Þá eld-
uðum við Heinz spaghettí úr dós.
Það var ein besta máltíð sem ég hef
fengið.
Leyndarmál úr eldhússkápun-
um? Nóg af svörtum pipar.
Hvað borðar þú þegar þú
þarft að láta þér líða
betur? Þá elda ég mér oft
ekta spagettí bolognese.
Hvað áttu alltaf í ísskápn-
um? Ég á alltaf helling af
sinnepi af ýmsum gerðum, ost,
mjólk og appel-
sínusafa.
Ef þú yrðir fastur
á eyðieyju, hvaða
rétt myndir þú
taka með þér?
Ég hugsa að ég
myndi hafa það eitt-
hvað einfalt sem ég
fengi ekki leið á. Ætli
ég myndi ekki hafa
með mér nóg af
nautakjöti sem ég gæti eldað
á ýmsa vegu.
Hvað er það
skrítnasta sem
þú hefur borð-
að? Þegar ég var í
Danmörku einu
sinni fékk ég
kengúru. Hún var
matreidd eins og
steik, medium rare í
rauðvínssósu.
Matgæðingurinn Jói B. auglýsingagerðarmaður og plötusnúður
Elskar saltkjöt í karrísósu
Kristinn R. Ólafsson, útvarps-maðurinn og pistlahöfundur-inn góðkunni, hefur verið bú-settur í Madrídarborg á annan
áratug og þekkir því borgina, fólkið og
mannlífið manna best. Hann segist þó
ekkert hafa spáð neitt sérstaklega mik-
ið í matinn, heldur borði eiginlega allt.
„Ég hesthúsa eiginlega allt sem fyrir
mig er lagt.“
Kristinn segir matartíma Madríd-
inga vera vægast sagt mjög undarlega
miðað við það sem gerist annars stað-
ar, en þeir borða hádegismatinn sinn
um tvö leytið, og kvöldmatinn klukk-
an tíu á kvöldin. „Reyndar eru samtök
hér sem eru að berjast fyrir því að fá
þessu breytt, þar sem vinnudagurinn
verður mjög langur og sundurslitinn.
Þá hefur það líka lagst af að fólk hvíli
sig á þessum tíma nema við sem erum
svo heppinn að vinna heima,“ segir
Kristinn og bætir því við að þessi hefð
sé ekki gömul, hún hafi komist á seint
á síðustu öld. Spánverjar eru miklir
fiskunnendur og stærsti fiskmarkaður
Evrópu er í Madríd sem verður að telj-
ast eilítið undarlegt þar sem Madríd er
langt inn í landi. “Þá er varla hægt að
tala um spænska matargerð, þar sem
hvert hérað hefur sína
hefð. „Saltfiskurinn er
vinsælastur í Kata-
lóníu og Baskahér-
aði, en sala á fiski
hefur þó dalað,
enda Spánverjar
hættir að vera
rammkaþólskir og
virða varla föst-
una,“ segir Kristinn
sem gefur hérna upp-
skrift að „þjóðarrétt“ Ma-
drídar.
Callos a la madrile–a
1/2 kíló nautavinstri
1/2 kíló nautasnoppa
1/2 kíló framlappir
1/2 kíló skinkubein
1/2 kíló svínakryddpysla
Heil blóðkryddpylsa
(gerð úr svínakjöti og hrísgrjónum)
100 gr. af skinku
paprika
einn hvítlaukshaus
einn laukur
paprikukrydd
lárviðarlauf
Chile (þurrkuð paprika)
salt
pipar
ólífuolía
edik
„Matreiðslan að þessu tekur nokkuð
langan tíma,“ segir Kristinn. „Nauta-
hlutir réttarins eru skornir niður í smá
bita og settir í leirpott með köldu
vatni, ediki og salti. Þannig eru þeir
látnir liggja í klukkutíma til þess að
hreinsast.“ Þá segir Kristinn að vatn-
inu sé hellt og nýju vatni komið fyrir í
pottinum. Nautabitarn-
ir séu í framhaldi af
þessu skolaðir og
þrifnir.
„Þeir eru síðan
soðnir þangað til
suðan kemur upp
en þá er aftur
skipt um vatn og
öllu skellt út í, nið-
urskornu: skinku-
beininu, svínakrydd-
pylsunni, blóðkrydd-
pylsunni, skinkunni, paprikunni, hvít-
laukshausnum, lárviðarlaufinu, þurrk-
uðu paprikunni, og ólífuolíunni.“
Kristinn segir að þetta sé soðið þangað
til að vinstrin séu orðin mjúk.“ Réttur-
inn er yfirleitt borinn fram einn og sér,
eða með brauði og góðu víni.“
Kristinn segist hafa smakkað
þennan rétt tvisvar og hann sé
algjör kalóríubomba. „Þessi
réttur er mjög oft borinn
fram á þessum tíma þegar
það er kalt, svo að þetta
er hálfgerður þorrarétt-
ur þeirra Spánverja.“
Frá veitingastað í Madríd
Matmálstími Spánverja er mjög undarlegur miðað við það sem gerist annars staðar.
Kristinn R. Ólafsson
„Ég hesthúsa eigin-
lega allt sem fyrir mig
er lagt.“
Nauta– og svínakjötsréttur
Spænsk kaloríubomba
Mentor frá
meistara Lehmann
Frá Madríd
Sala á fiski hefur dalað því Spánverjar
eru löngu hættir að vera rammkaþólskir
og virða lítt föstuna.