Tíminn - 30.01.1975, Blaðsíða 11
Fimmtudagur 30. janúar 1975.
TÍMINN
n
Stjórn Húsmæðrafélags Reykjavikur og heiðursfélagi þess: Talið frá hægri, fremri röð, Hrönn Péturs-
dóttir, Jónina Guðmundsdóttir, Dröfn Farestveit, Sigrfður Jónsdóttir, a.r.f.h. Margrét Einarsdóttir,
Ragnhildur Guðmundsdóttir, Guðríður Guðmundsdóttir og Þuriður Ágústsdóttir. Tvær konur úr stjórn-
inni voru fjarverandi. (Timamynd GE)
HÚSMÆÐRAFÉLAG REYKJAVÍKUR 40 ÁRA
FB-Reykjavik. Fjörutiu ár eru liðin frá stofnun Húsmæðrafélags
Reykjavikur, en það var stofnað 30. janúar 1935. Tiidrög stofnunarinn-
ar voru þau, að reykviskar konur voru ákaflega óánægðar með mjólk-
ina og gæði hennar, dreifingu og tilhögun alla hjá hinu nýstofnaða
Mjólkurbandalagi Suðurlands.
Fyrsti fundur félagsins var
haldinn i Nýja Biói, og gengu þá
450 konur i félagið, en félagar i
dag eru um 300. Á fundinum voru
gerðar margar samþykktir og
áskoranir, m.a. um að setja
skyldi dagsetningar á flöskur og
brúsa, en mjólkin var sögð stund-
um fimm daga gömul, og langt að
komin. Einnig var skorað ákonui
að hætta mjólkurkaupum frá 1.
febrúar 1935, nema handa börn-
um og sjúklingum, til þess að
knýja niður mjólkurverðið.
Umræður um mjólkurmálin
urðu allsnarpar næstu mánuði á
eftir stofnfundinum. Margir fund-
ir voru haldnir, og nefndir skipað-
ar, til þess að finna lausn á þess-
um málum. Konur bentu á nauð-
syn þess, að höfð yrði meiri sam-
vinna og samráð við neytendur
mjólkur og mjólkurafurða.
Þáverandi formaður félagsins,
Guðrún Lárusdóttir, skýrði svo
frá því á fundi 19. marz 1935, að
stefna hefði borizt og málshöfðun
á hendur henni og tveimur öðrum
úr stjórn félagsins, ásamt rit-
stjórum Visis og Morgunblaðsins
til greiðslu á skaðabótum „fyrir
atvinnuspilli” að upphæð 5000
krónur. Lýstu þá konurnar þvi yf-
ir, að heldur mundu þær sitja af
sér sektina i tutkhúsinu, en greiða
Mjólkursölunefnd einn eyri. Varð
sú raunin á, að aldrei var greidd-
ur eyrir né konum stungið i tukt-
hús, að þvi er fram kom á fundi
með núverandi stjórn félagsins i
tilefni af afmælinu.
Fyrsti formaður félagsins, eins
og fyrr segir, var Guðrún Lárus-
dóttir, en varaformaður var
Jónina Guðmundsdóttir. Auk
þeirra voru i fyrstu stjórninni
Maria Maack, Unnur Pétursdótt-
ir, Ragnhildur Pétursdóttir,
Guðrún Jónasson, Eygló Gisla-
aóttir og Margrét Kr. Jónsdóttir.
Jónina Guðmundsdóttir er nú
heiðursfélagi i Húsmæðrafélagi
Reykjavikur. Hún sagði á fundi
með fréttamönnum, að starfsemi
félagsins hefði alla tið verið mjög
öflug. Mikið hefur verið um nám-
skeiðahald á vegum félagsins, og
þegar það minntist 30 ára afmælis
sins höfðu 7200 konur tekið þátt i
hinum margvislegustu námskeið-
um varðandi heimilishald, auk
þess sem jafn há tala hafði verið á
saumanámskeiðum hjá félaginu.
Jónina sagði, að Húsmæðra-
félagið hefði sett á fót heimili fyr-
ir konur og börn i veiðihúsum við
Elliðaárnar, og var þetta gert
nokkru fyrir 1940. Þá lét félagið
einnig byggja þarna annað hús,
til þess að hægt væri að taka á
móti enn fleiri konum og börnum
en ella. A striðsárunum var ekki
lengur hægt að reka þetta heimili
á þessum slóðum vegna nærveru
hersins, og var þá farið með kon-
ur i sumardvöl austur i Hvera-
gerði.
Húsmæðrafélagið beitti sér
einnig fyrir þvi, að tveir læknar
væru á næturvakt i Reykjavik i
stað eins, sem áður hafði verið,
milli 1940 og ’50, að sögn Jóninu,
en félagið hefur oft beitt sér fyrir
breytingum og lagfæringum á
ýmsum hagsmunamálum hús-
mæðra svo og annarra, en aðal-
markmið félagsins hefur frá önd-
verðu verið að gæta hagsmuna
heimilanna i hvivetna.
Námskeiðahald er enn eitt af
aðalmálum félagsins, og sækja
þessi námskeið fjölmargar kon-
ur. Eitt af þvi, sem félagið hyggst
beita sér fyrir, og fjalla um er
hvort ekki megi draga úr sykur-
neyzlu hérlendis. Verða umræður
um þetta málefni haldnar á veg-
um félagsins áður en langt liður.
Húsmæðrafélag Reykjavikur
minnist afmælis sins með hófi i
Þingholti fimmtudaginn 30. janú-
ar. Núverandi stjórn skipa: Dag-
rún Kristjánsdóttir formaður,
Hrönn Pétursdóttir varaformað-
ur, Dröfn Farestveit, ritari, Sig-
riður Jónsdóttir, gjaldkeri,
Margrét Einarsdóttir, Ragnheið-
ur Guðmundsdóttir, Guðriður
Guðmundsdóttir Ebba Jónsdóttir
og Þuriður Ágústsdóttir.
Lyfjafræðingur eða
aðstoðarlyf jaf ræðingur
óskast til starfa fyrir lyfjaverðlags-
nefnd og lyfjaeftirlit rikisins.
Umsóknir sendist fyrir 25. febrúar 1975
til ráðuneytisins, sem veitir frekari
upplýsingar.
Ileilbrigðis- og
tryggingamálaráðuneytið,
28. janúar 1975.
Gagnkvæmt tryggingafélag ?
Já, Samvinnutryggingar g.t. eru
gagnkvæmt tryggingafelag.