Tíminn - 20.02.1975, Blaðsíða 2

2
TÍMINN
Fimmtudagur 20. febrúar 1975
Fimmtudagur 20. febrúar 1975

Vatnsberinn: (20. jan.-18. febc)
Það er einhver, sem er þér mjög nákominn, sem
þér ber að hugsa alveg sérstaklega vel um, og
vertu viss um það, aö þessi umhyggja þin mun
borga sig, þótt siðar verði. Þú hefur eitthvert
samband við fjarlægan ættingja.
Fiskarnir: (19. febr-20. marz)
Einhverjir smámunir koma til með að hafa
meiri þýðingu en þig hafði órað fyrir, og hvað
svo sem veldur, þá verður miklu meira gaman
fyrir þig að heimsækja vini og kunningja i náinni
framtið en verið hefur.
Hrúturinn. (21. marz-19. april)
Þú skalt endilega hugsa þig tvisvar og jafnvel
miklu oftar um, áður en þú tekur einhverjar
mikilvægar ákvarðanir, sem verið er að krefjast
af þéreinmitt þessa dagana, og helzt skaltu ekki
svara neinu i dag.
Nautið: (20. april-20. mai)
Það litur út fyrir, að það sé einhver rómantik i
loftinu hjá Nautunum i dag, en hinu skulu þau
ekki ganga dulin, að stjörnumerkin eru ekki
hagstæð, og hætt við þvi, að kvöldið boði
einhverja erfiðleika.
Tviburamerkið: (21. mai-20. júni)
Það borgar sig alls ekki i dág að vera of þrjózkur
og halda of fast við skoðanir sinar i skoðana-
skiptum, sem hætt er við, að þú lendir i. Þú skalt
hafa vit á að vægja, þvi að annars muntu sjá
eftir þvi.
Krabbinn: (21. júni-22. júli)
Eitt skaltu hafa hugfast og það sérstaklega i
dag: Það er betra að þegja en að afla sér óvina,
sem kunna aðgeta gert manni lifið leitt — svo að
þú skalt varast að bregða fæti fyrir nokkurn
mann i dag.
Ljónið: (23. júli-23. ágúst)
Nú þarftu aldeilis að beita allri þinni lipurð og
kankvisi i dag. Það eru einhverjar gildrur, sem
lagðar verða fyrir þig i dag, og nema þvi aðeins
að þú farir einstakiega varlega, er þér hætt við
falli.
Jómfrúin: (23. ágúst-22. sepU
Nú skaltu hafa augun opin i dag, þvi að það er
ekki að vita,nema þú fáir alls konar ábendingar
og ráðleggingar um það, hvernig þú eigir að fara
að þvi að bæta fjárhaginn, og allt er þetta þér
stórlega i hag.
Vogin: (23. sept-22. oktj
Það er einhver taugaóstyrkur i þér i dag, rétt
eins og þú sért að biða eftir einhverju i ofvæni,
og það er alltaf gaman, en þú skalt nú samt ekki
gera þér of miklar vonir, þvi að þá verða
vonbrigðin minni.
Sproðdrekinn: (23. okt.-21. nóv.)
Þú ert að vinna að einhverju sérstöku núna um
þessar mundir, og það riður á talsverðu. að þú
ljúkir þessu af i dag. Takist þér það, geturðu
verið viss um, að þú átt bjarta daga framundan
og aðstaða þin er betri.
Bogmaöurinn: (22. nóv-21. des.)
Skemmtanalifið blómstrar, og ánægjulegur at-
burður, sem kemur þér mjög á óvart, verður enn
til þess að gera daginn skemmtilegri. Meðal
vina og kunningja verður þó kvöldið sérstaklega
skemmtilegt i alla staði.
Steingeitin: (22. des.-19. jan).
Enda þótt þú sért störfum hlaðinn og hafir
áhyggjur þungar, máttu samt ekki láta vinnuna
og stritið ganga fyrir öllu. Það er alveg
nauðsynlegt að létta sér upp við og við, og þetta
er einmitt dagurinn til þess.
Verkfræðingur
Vérkfræðistofa Norðurlands, Akureyri,
óskar eftir að ráða byggingaverkfræð-
>ng,
2ja til 4urra ára starfsreynsla æskileg.
Upplýsingar i simum 8-23-22 og 3-85-90
Reykjavik og 1-10-31 Akureyri.
Hér fyrr á árum þótti skylt að
hlynna að þvi, að sem flest, er
fólk þufti til daglegra nota, væri
framleitt i landinu sjálfu, að svo
miklu leyti, sem kostur var, og
þá var brýnt fyrir fólki að kaupa
fremur islenzka framleiðslu en
útlenda, ef hvort tveggja var á
boðstólum. Nú um skeið hefur
litið kveðið að slikum röddum,
enda hefur flætt yfir landið út-
lendur iðnvarningur i samræmi
við það — með þeim afleiðing-
um að gjaldeyrissjóðir okkar
eru tæmdir, svo að ekki sé
meira sagt.
Andspænis þvi ástandi, sem nú
er, getur varla hjá þvi farið, að
talsverð hugarfarsbreyting
verði. Það ætti að hafa sin áhrif,
að gjaldeyrisforðinn er genginn
til þurrðar, og margar þjóðir i
grennd við okkur horfast i augu
við atvinnuleysi. A þvi bryddir
lika i lsendabréfum, ýmsum
finnst timi til kominn að stinga
við fótum. Hér er eitt slikt bréf.
Strætisvagnar og
gjaldeyrir
Höfundur þessa bréfs nefnir
sig Disu og er hún húsmóðir i
einu nýju hverfanna i austur-
bænum. Hún segir:
„Mér brá i brún, þegar ég
hlustaði á útvarpsfréttir um
nýju strætisvagnana. Það ýtti
við mér, að smiðað hafði verið
yfir þessa bila erlendis, mig
minnir i Belgiu, og með miklum
tilkostnaði.
Þarna höfum við verið að
borga útlendingum smiðalaun,
mitt i gjaldeyrisþrönginni. Mér
finnst, og svo veit ég að er um
fleiri, að þetta hefði eins vel
mátt gera hérlendis og hefði
raunar ekki átt að vera neitt
áhorfsmál. Það er alls ekki
þegnleg ákvörðun, eins og
komið er i gjaldeyrismálum
okkar að forráðamenn höfuð-
borgarinnar skuli velja þann
kost að láta smiða yfir strætis-
vagnana erlendis. Þetta vil ég
vita. Það sæmir alls ekki að
Reykjavikurborg fari þannig að
ráði sinu.
Úr þvi að ég hef stungið niður
penna, langar mig lika til þess
að koma þvi á framfæri við al-
menning að gæta þess, hvort
varan er islenzk eða útlend
þegar unnt er að velja þar á
milli. Annað er ekki sæmandi,
þegar þjóðarnauðsyn heimtar
það af okkur. Við verðum að
kunna fótum okkar forráð,
þegar syrtir i álinn, þótt við höf-
um verið gálaus á undanförnum
velgengnismisserum.”
Ofveiði?
Guðmundur Jónsson segir
meðal annars i bréfi:
,,Nú heyri ég, að hrognkelsa-
veiðin sé hafin i Grimsey, og
bráðum ganga hrognkelsin upp
strönd meginlandsins. Maður
fær vatn i munninn, þvi að
alltaf þykja manni hrognkelsin
gómsæt, að minnsta kosti fyrst
er þau koma á matborðið.
En það var annað sem mig
langar til þess að vikja að.
Vegna þess verðlags, sem verið
hefurá grásleppuhrognum, hef-
ur þessi veiði veriðstunduð af
miklu kappi. Og nú langar mig
til þess að spyrja: Er enginn
hætta á ofveiði?
Ég veit ekki, hvort fiski-
fræðingar okkar fylgjast ná-
kvæmlega með hrognkelsa-
stofninum. En það segir sig
sjálft, að unnt er að ganga of
nærri honum, rétt eins og öðrum
fiskstofnum, enda yfirleitt mjög
auðsótt þau svæði við ströndina,
þar sem hrongkelsin halda sig á
vorin.
Þá væri illa farið, ef við gætt-
um ekki hófs í þessum veiðum,
þar sem við ættum þó að vera
orðnir hvekktir á þvi að vera of
gráðugir.
Annað er það lika við þessar
veiðar, sem mér blæðir mjög I
augum. Það er, hvernig miklu
af rauðmaganum og svo til allri
grásleppunni er hent. Nú hefur
að undanförnu komið á daginn
að fjarri fer þvi, að við nýtum
vel öll þau verðmæti, sem úr sjó
eru dregin, og hefur ekki orðið á
þvi bót, að maður heyrir, þótt
útvegurinn gangi ekki sem bezt.
Eru engin ráð til þess að nýta
meira af hrognkelsunum heldur
en verið hefur siðustu árin?
Spyr sá, sem ekki veit. En
blóðugt finnst mér að fleygja
mat i þessum hungurheimi, og
eiginlega nánast, að megi
kallast guðlast og ögrun við for-
sjónina.”
LEIKFONG
Stignir traktorar, stignir bil-
ar, hjólbörur, brúðuvagnar,
brúðukerrur, rugguhestar,
skiðasleðar, magasleðar,
snjóþotur, boltar m.g.,
brúðuhús, Barbie dúkkur,
Big Jim dúkkukarlar, bangs-
ar, módel, búgarðar, kast-
spil, bobbspil, Tonka gröfur /
Ýtur, ámokstursskóflur,
Brunaboðar.
Póstsendum
Leikfangahúsið
Skólavörðustig 10, simi
14806.

CAV
Olíu- og
lofísíurj
í flestar
tegundir
bifreiða
og vinnu-
véla
HIiOSSK--------------
Skipholti 35 Simar:
8-13-50 verzlun 8 13-51 vertistæði • 8 13 52 skrifstof*

Allsherjaratkvæða-
greiðsla
um kosningar stjórnar, varastjórnar,
trúnaðarráðs og endurskoðenda Starfs-
stúlknafélagsins Sóknar fer fram dagana
22. og 23. febrúar 1975.
Kosning hefst kl. 10 og lýkur kl. 20 báða
dagana.
Kosið verður á skrifstofu Iðju, félags
verksmiðjufólks, Skólavörðustig 16.
Kjörstjórn Sóknar.
—
::::
m
■
Aðalfundur
verður haldinn að Hótel Sögu, Súlnasal, |||
fimmtudaginn 27. febrúar 1975 kl. 20.
Dagskrá samkvæmt félagslögum.
Verzlunarmannafélag Reykjavikur.
Rafgeymar
í miklu úrvali
iHiOSSKh
Skipholti 35 • Simar
8-13-50 verztun • 8-13-51 verkstcði • 8-13-52 skrifstola
Forstöðukona
Barnavinafélagið Sumargjöf óskar að
ráða forstöðukonu að Leikskólanum
LÆKJABORG við Leirulæk.
Fósturmenntun áskilin. Laun samkvæmt
kjarasamningum Starfsmannafélags
Rey kjavikurborgar.
Umsóknir sendist stjórn Sumargjafar,
Fornhaga 8, fyrir 8. marz n.k.
Barnavinafélagið Sumargjöf.