Tíminn - 27.02.1975, Síða 1
í frosti og kulda
HFHORÐUR GUNNARSSON
SKÚLATÚNI 6 - SÍMI (91)19460
,Gamall
draumur'
— segir Jóhann
8. Hlíðar, sem
hefur verið ráðinn
prestur Islendinga
í Kaupmannahöfn
Gsal—Reykjavik. — „Það
má að nokkru leyti segja, að
þetta sé gamall draumur”
sagði séra Jóhann S. Hliðar,
sóknarprestur i Neskirkju,
er Timinn hafði tal af honum
I gær, en Jóhann hefur verið
ráðinn prestur meðal Islend-
inga i Kaupmannahöfn, frá
15. apríl n.k. til þriggja ára.
Jóhann sagði að umsókn
sin um starfið ætti rót sina að
rekja til ársins 1953, þegar
hann hefði um jólaleytið ver-
iðbeðinn um að sjá um helgi-
athöfn i kirkju i Stokkhólmi
fyrir íslendinga búsetta þar i
grennd. Hefði þáverandi
sendiherra þá haft á orði, að
nauösynlegt væri að hafa
presta sem gæti ferðazt á
milli höfuðborga Sviþjóðar,
Noregs og Danmerkur.
Við spurðum Jóhann að
þvi, hvort þetta starf væri þá
ekki eingöngu miðað við
Kaupmannahöfn.
— Nei, i lögum fyrir þetta
starf segir að presturinn eigi
að heimsækja höfuðborgir
Norðurlandanna, en þvi mið-
ur hefur ekki fjárveiting
fengizt til þess. Ég hef fullan
hug á þvi, að reyna að fá þvi
framgengt að af þessum
heimsóknum geti orðið.
Jóhann S. Hliðar, var
sóknarprestur i Vestmanna-
eyjum i tæp nitján ár, eða
þar til hann var skipaður
prestur i Nessókn fyrir örfá-
um árum.
— Núna i janúar þegar
þetta starf var auglýst kom
einhver fiðringur i mig, svo
ég sótti um. Ég hef heldur
ekki rótfest mig hér i
Reykjavik, en ég fer með
gleði og eftirvæntingu til
þessa nýja starfs. Ég hugsa
hlýtt til fólksins sem ég er að
kveðja og vona að ég geti
orðið að einhverju liði i
þessu starfi, sagði Jóhann
Hliðar að lokum. Jóhann
mun hafa aðsetur i húsi Jóns
Sigurðssonar i K.höfn.
iiwlíiro
4Í). tbl. — Fimmtudagur 27. febrúar 1975 — 59. árgangur
ÆNGIRr
Aætlunarstaðir:
Blönduós — Sigluf jörður
Búöardalur — Reykhólar
Flateyri — Bíldudalur
Gjögur — Hólmavík
Hvammstangi — Stykkis-
hólmur — Rif
Sjúkra- og leiguflug um
allt land
Simar:
2-60-60 &
2-60-66
&
ENGINN SOTTI UAA FLAT
EYRARLÆKNISHÉRAÐ
— líklega læknislaust þar til'í vor, þegar kandidatar útskrifast
gébé-Reykjavik. Umsóknarfrest-
ur til að sækja um læknisstöðu á
Flateyri er nú runnin út og hefur
enginn sótt um stöðuna, að sögn
Páls Sigurðssonar, ráðuneytis-
stjóra Heilbrigðis- og trygginga-
málaráðumeytisins. Eins og sagt
hefur verið frá i fréttum, stór-
slasaðist maður á Flateyri á
sunnudaginn, er hann féll i stiga,
og sex klukkustundir liðu áður en
hægt var að koma honum undir
læknishendur. Maðurinn var
fluttur til Reykjavikur á sjúkra-
hús, þar sem hann lézt af völdum
áverkanna.
Fresturinn til umsóknar um
læknisstöðu á Flateyri rann út i
siðustu viku, en enginn sótti um.
Læknirinn á Þingeyri hefur gengt
þessu starfi, og auk þess hefur
hjúkrunarkona, sem búsett er i
Holti, Onundarfirði, verið. með
ákveðna tima I hjúkrunar-
þjónustu á Flateyri. 1 Flateyr-
arumdæmi búa nú á sjötta hundr-
að ibúa.
Páll Sigurðsson sagði, að ólik-
legt þætti, að nokkur læknir
fengist til Flateyrar fyrr en i vor,
þegar læknakandidatar útskrifast
Það eru aðeins tveir staðir á
landinu, sem nú hafa enga lækna,
sagði Páll, en það eru Flateyri og
Kópasker, en læknirinn á Húsavik
gegnir læknaþjónustu á Kópa-
skeri. Að visu er .aðeins einn
læknir á Hvammstanga og einn á
Þórshöfn, en samkvæmt reglum
ættu þeir að vera tveir á þessum
stöðum. Það sem aöallega háir
þar er að húsnæði vantar fyrir
læknana, sagði Páll Sigurðsson að
lokum.
STIMPILKLUKKUR
í SKÓLANA ?
BH—Reykjavik. — A borgar-
stjórnarfundi fyrir skömmu var
samþykkt fundargerð fræðslu-
ráðs frá 3. þ.m., þar sem m.a.
segir, að borgarendurskoðandi
hafi lagt fyrir ráðið umsögn sina
varðandi stimpilklukkur i skól-
um, og mæli hann með þvi, að þær
verði settar upp. t tilefni af þessu
sneri blaðið sér til borgarendur-
skoðanda, Helga V. Jónssonar og
innti hann eftir málavöxtum.
— Málið er það i stuttu máli,
sagði Helgi, að fyrir nokkru kom
fram i fræðsluráði tillaga frá
Ragnari Júliussyni varðandi
stimpilklukkur i skólunum. Til-
efnið var það, að geta fylgzt með
starfsmönnum við skólana,
sérstaklega þeim er starfa við
heilbrigðisþjónustu, en hér er um
nokkurn fjölda fólks að ræða við
skólana. Tillögu þessari var visað
til borgarendurskoðanda, og taldi
ég sjálfsagt að mæla með henni.
Þetta mál hefur verið nokkuð i
sviðsljósinu að undanförnu,
vegna hugsanlegrar ráðningar
trúnaðarlæknis til skólanna, sem
myndi þá taka til starfa 1. marz
n.k.
Við inntum Helga eftir þvi,
hvort stimpilklukkumálið væri á
einhvern hátt hugsað i sambandi
við kennara.
— Nei, svaraði Helgi, ég held,
að það komi ekki til mála, og
óþarft vegna þess eftirlits, sem
nemendur hljóta alltaf að skapa,
auk þess sem kennarar þurfa að
gefa strangar fjarvistarskýrslur.
Þar að auki eru þeir opinberir
starfsmenn, og heyra ekki undir
borgina.
Frumsýning Coppeiíu:
FIMM ÞUSUNDASTA
SÝNINGIN
í ÞJÓÐLEIKHÚSINU
gébé-Reykjavik. A föstu-
daginn 28. febrúar verður
frumsýning á hinum heims-
kunna ballett Coppeliu, I
Þjóðleikhúsinu, en sýning
þessier athyglisverð bæði af
því að þetta er I fyrsta skipti
sem Þjóðieikhúsið hefur
ballett á fastri verkefnaskrá
sinni og jafnframt sú viða-
mesta sem sviðsett hefur
verið á isl. leiksviði.
Sýningin á föstudaginn
verður fimm þúsundasta
sýningin á tæplega tuttugu
og fimm ára starfsferli
Þjóðleikhússins, en leikhúsið
á 25ára afmæli 20. april n.k.
Alan Carter er stjórnandi
ballettsins, en auk þess hefur
hann séð um leikmyndir og
búningateikningar. Rösk-
lega fimmtiu manns taka
þátt i sýningunni, en með
aöalhlutverkin fara Julie
Claire, Þórarinn Baldvins-
son og Bessi Bjarnason.
Ballettinn Coppelia var
fyrst sýndur i Paris 1870 og
vakti sýningin strax mikla
athygli. Siðan hefur þessi
ballett farið sigurför um
allan heim, og enn i dag
þykir hann jafn skemmtileg-
ur. Tónlistin er eftir L.
Delibes en höfundur textans
eru C. Nuitter og A. Saint--
Leon.
Fá
Akureyringar
vatn frá Laugum?
heitt
ED—Akureyri. — Einhver bezti
árangur sém fengizt hefur við
borun eftir heitu vatni, er að
Laugum i Reykjadal. Þar
streyma yfir fimmtiu litrar á
sekúndu upp úr nýrri borholu af
nær 63 stiga heitu vatni, eins og
frá hefur verið sagt I Timanum.
Til samanburðar við þetta, má
geta þess að Dalvikingar nota
26-28 litra á sek. til að hita með
byggð sína, en þar eru 1150 Ibúar.
Akureyringar hafa fengið mikinn
áhuga á heita vatninu á Laugum.
Nýlega lauk borun eftir heitu
vatni á Laugum, en hún tók þrjár
vikur. Þar fannst óvenjumikið
Framhald á 5. siðu.
Bókamarkaður Bóksalafélags íslands:
„GAMLA KRONAN I FULLU GILDI
IV
Lárus Biöndai og Jónas Eggertsson sjást hér innan um hluta allra
bókahlaðanna, sem verða á boðstólum á Bókamarkaðnum næstu
dagana. Tlmamynd: Róbert.
BH—Reykjavik. — Vissulega er
þetta timamótamarkaður. t
rauninni eru allir bókamarkaðir,
sem við höfum haldið timamóta-
markaðir, þvi að á þeim hverfur
alltaf talsvcrt af bókum úr sölu.
Svo er þetta 15. árlegi markaður-
inn, sem Bóksalaféiagið heidur.
Og þá má ekki gieyma þvi, að við
erum aftur komnir I miðbæinn,
en þar hefur Bókamarkaðurinn
ekki verið haldinn siðan hann var
I Listamannaskálanum forðum.
Þetta var upphaf samtals okkar
við þá bóksalana Lárus Blöndal
Guðmundsson og Jónas Eggerts-
son, en þeir standa fyrir bóka-
markaðnum, sem opnaður hefur
verið i kjallara Iðnaðarhússins á
horni Ingólfsstrætis og Hall-
veigarstigs. Þeir Jónas og Lárus
voru að sjálfsögðu önnum kafnir
við að koma fyrir bókastöflunum,
með heilan her af aðstoðarmönn-
um sér til fulltingis, en þar fyrir
skyldi enginn halda að þeir séu
nokkrir viðvaningar i umgengni
við bækur, hafa báðir staðiö
framarlega i stétt bóksala um
áratuga skeið og séð um bóka-
markaðinn fyrir Bóksalafélagið,
— og það er ekkert smáræðis
starf. Um það munu þeir
sannfærast, sem leggja leið sina i
téðan kjallara næstu dagana.
— Já, það er óhætt að fullyrða
það, að gamla krónan sé i fullu
verðgildi á þessum markaði, eins
og jafnan fyrr, en þetta hefur ver-
ið einkunnarorð okkar, sem við
höfum lagt mikið upp úr að
standa við. Það er ógjörningur að
segja, hversu margar bækur eru
hérna, hvað bókartitlum viðvik-
ur, en það er alveg vist, að eftir
þennan markað sjást ekki 60-80
bókartitlar framar á markaði.
Framhald á 5. siöu.
Loðna
vestur
af Garð-
skaga
gébé—Reykjavik. — Hjá
Loðnunefnd fékk Timinn þær
upplýsingar, aö talsvert
magn af loðnu væri nú um
tólf mllur vestur af
Garðskaga og hefur þegar
einn bátur tilkynnti þaðan
um afla en það var Báran
með þrjátiu tonn af ioðnu,
sem fer I frystingu I Njarö-
vlk. örfáir bátar eru á þess-
um sloðum, en búizt er við
að þeir sem fá losun á Suður-
nesjahöfnum, fari á þessi
mið áður en þeir halda aust-
ur.
Þrjátiu og niu bátar höfðu
tilkynnt um afla á Aust-
fjarðamiðum, þegar Tlminn
hafði samband við Loðnu-
nefnd I gærkvöldi. Aflamagn
þessara báta var ellefu þús-
und tonn, og hafði Sigurður
fengið mest, eða eitt þúsund
tonn. Bátarnir voru nær
undantekningarlaust með
fullfermi, en flestir þeirra
taka um fjögur til fimm
hundruð tonn.