Tíminn - 27.02.1975, Blaðsíða 8
8
TÍMINN
Fimmtudagur 27. febrúar 1975
Húsnæðismálastofnunin
hafði frumkvæði að
umbótum í húsnæðis-
og byggingarmálum
— i haust var tekin upp ný skip-
an mála i tækniþjónustu stofn-
unarinnar. Aður var hér teikni-
stofa með 6-8 manna starfsliði, en
nú hafa kvíarnar verið færðar út
til þess að geta betur sinnt þeirri
þjónustu, sem lög og reglugerðir
um stofnunina gera ráð fyrir.
Síðastliðið sumar var stofnuð sér-
stök tæknideiid Húsnæðismála-
stofnunar rikisins með fleira
starfsliði en áður var á teiknistof-
unni og teiknistofan því hluti af
hinni nýju dcild.
Svo fórust Haraldi V. Haralds-
syni arkitekt orð i viðtali við Tim-
ann fyrir skömmu, en hann var
ráðinn forstöðumaður hinnar
nýju tæknideildar Húsnæðis-
málastofnunarinnar frá ágúst-
byrjun að telja.
— Verkefni þessarar nýju
deildar verða m.a. stóraukin leið-
beininga og fræðslustarfsemi um
byggingamálefni og tæknilegar
framfarir i húsnæðismálum.
Fjölgun starfsliðs gerir okkur
kleift að geta betur en áður fylgt
eftir þeirri hönnun, sem hér á sér
stað, þ.e.a.s. veitt almennum
byggjendum betri tækniiega
þjónustu og stuðlað að betra eftir-
liti og umsjón með framkvæmd-
um úti á landi eftir teikningum
frá stofnuninni.
Einnig hafa komið til ný verk-
efni, svo sem tæknilegur undir-
búningur vegna byggingar eitt
þúsund leiguibúða á vegum
sveitarfélaga og að sjálfsögðu
frekari framkvæmdir á öðrum
félagslegum grundvelli, einkum
verkamannabústaðir og bygging-
ar á vegum samvinnufélaga.
Tæknileg þjónusta er nú mun
meiri þáttur i starfsemi Hús-
næðismálastofnunarinnar en ver-
ið hefur.
— Hve margt starfslið er hjá
tæknideildinni?
— Um 25 manns. Verkefnin,
sem unnið er að, eru m.a. ný-
hönnun smáhúsagerða, útfærslu-
vinna við þær teikningar og verk-
fræðiteikningar i sama farvegi,
svo sem burðarþols og lagna-
teikningar, fræðslu- og leiðbein-
ingastarfsemi, sem ætlunin er að
stórauka, og eftirlitsstarf með
byggingarframkvæmdum á veg-
um stofnunarinnar úti á landi.
Aukið eftirlit
i byggingamálum
nauðsynlegt
Þennan siðasta þátt starfsem-
innar er einnig ætlunin að bæta.
Jafnvel hafa komið fram hug-
myndir um að stofnunin staðsetti
menn um tima i landsfjórðungun-
um til að unnt væri að rækjá þetta
hlutverk betur og almennt til
meira aðhalds i byggingamálum
byggðarlaganna, jafnvel i sam-
vinnu við aðrar stofnanir og
tæknimenn. Innan Húsnæðis-
málastofnunarinnar hafa einkum
verið hönnuð hús fyrir byggjend-
ur i hinum dreifðu byggðum
landsins, og eftirlit með fram-
kvæmdum hefur að mestu leyti
verið i höndum byggingafulltrúa
staðanna.
Það hefur verið vandamál hve
stofnunin hefur verið i lausum
tengslum við byggjendurna, þótt
reynt hafi verið að greiða götu
þeirra eins og hægt hefur verið. A
undanförnum árum hafa starfs-
menn Húsnæðismálastofnunar-
innar farið út á land á hverju
sumri til eftirlits og leiðbeininga
og reynt að koma i alla lands-
fjórðunga. Eftir að þessar ferðir
komust á hefur þörfin fyrir slikt
eftirlti orðið ennþá greinilegri en
áður.
Framkvæmdir á borð við bygg-
ingu þessara eitt þúsund leigu-
ibúða gera viðtækara eftirlits- og
leiðbeiningastarf nauðsynlegt.
Bygging þeirra er þegar hafin i
nokkrum sveitarfélögum, en
framkvæmdirnar i heild dreifast
á árin 1974-1978.
Húsnæðismálastofnunin hefur
veitt ákveðna þjónustu vegna
byggingar almenns húsnæðis. Til
þessa hefur einkum verið um ein-
býlishús að ræða. Safn smáhúsa-
gerða hefur legið frammi hér og
hjá byggingarfulltrúum úti á
landi, og byggjendur hafa getað
ráöfært sig við sérfræðinga stofn-
unarinnar. Við höfum séð um
þarfir húsbyggjenda utan þétt-
býlissvæðisins hér á suðvestur-
horni landsins að langmestu leyti
eöa yfir 90%. Mikil þörf er á þess-
ari þjónustu þar sem arkitektar
og aðrir tæknilegir sérfræðingar
eru ekki til staðar i dreifbýlinu og
hinn almenni byggjandi þar hefur
ekki notið þessarar sérfræðilegu
þjónustu höfuborgarsvæðisins.
Þá sinnir stofnunin ýmiss konar
þróunarmálum, svo sem rann-
sóknarstörfum til umbóta i hús-
næðis- og byggingamálum. Við
vinnum i nánu samstarfi við aðr-
ar rikisstofnanir á þessu sviði svo
sem Iðnþróunarstofnunina og
Rannsóknastofnun byggingar-
iðnaðarins. Þetta sama samstarf
er m.a. i sambandi við frekari
stöðlun i byggirigariðnaði og
kynningu tæknilegra nýjunga,
allt með hliðsjón af hugsanlegri
lækkun byggingarkostnaðar.
Við vinnum t.d. að könnun
möguleika á meiri verksmiðju-
framleiðslu með tilliti til fram-
, leiðslu húshluta og annarra 'ein-
inga i hús og ibúðir, með hliðsjón
af notkun islenzkra byggingar-
efna.
Þá er unnið að stöðluðu formi
kostnaðaráætlana, verklýsinga
og útboðskerfis til hagræðingar
við áætlanagerð vegna undirbún-
ings byggingarframkvæmda.
Gæðamat
og endurbætur
á lánakerfinu
Þá er einnig á vegum tækni-
deildar unnið að gæðamati húsa
og ibúða miðað við tæknilega út-
færslu og rýmisþarfir. Þetta er
gert vegna hugsanlegrar endur-
skoðunar þeirra stærðarreglna,
sem m.a. liggja til grundvallar
almennum lánveitingum Hús-
næðismálastofnunarinnar. 1
þessu matskerfi verður tekið tillit
til rýmisþarfa ýmissa fjölskyldu-
stærða og lögð áherzla á sem
bezta nýtingu húsnæðisins, og
ætlunin er að leggja fram tillögur
um endurbætur á lánakerfinu
með hliðsjón af öllum þessum
atriðum.
Hugmyndin er, að Jieir sem
byggja ódýrar og nýta betur sitt
húsnæði miðað við fjölskyldu-
stærð, fái hugsnlega betri lána-
fyrirgreiðslu. Þannigað lán verði
veitt i þrepum.
Nú er það staðreynd, að fólk
hefur tilhneigingu til að byggja
hámarksstærð ibúðarhúsnæðis
miðað við fjölskyldustærð.
Kannski ýta aðstæðurnar i þjóð-
félaginu undir þessa þróun. Menn
byggja ekki einungis þak yfir
höfuðið, heldur eru þeir lika að
fjárfesta. Þetta tvinnast saman.
Jafnvel hefur fólk i huga að bygg-
ingin megi gjarnan vera dýr, þvi
fasteignir hækka, jú, i verði.
Við höfum ástæðu til að ætla, að
þörf sé á að endurskoða þessi mál
með tilliti til erfiðleika á fjár-
mögnun og lánafyrirgreiðslu á
verðbólgutimum, eins og við bú-
um við nú.
Ekki það, að fólk geti ekki feng-
iö að byggja dýrt ef það vill, en
þeir sem vilja byggja hagkvæmt
fái hlutfallslega betri lánafyrir-
Rætt við Harald V. Haraldsson forstöðumann
Tæknideildar Húsnæðismálastofnunar ríkisins
Haraldur V.
Haraldsson lauk
námi i arkitektúr i
Stuttgart i Þýzka-
landi árið 1963. Vann
hjá Skipulagi
Reykjavikurborgar
við gerð aðalskipu-
lags Reykjavikur.
Haraldur rak siðan
sjálfur arkitekta-
stofu á árunum 1964-
66 og vann einnig i
félagi með öðrum að
ýmsum verkefnum.
Þá starfaði Harald-
ur hjá Alusuisse við
framkvæmdaáætlun
Álversins i Straums-
vik og hafði eftirlit
með framkvæmdum
þar. Að þeim loknum
réðst hann i mai 1972
til eins stærsta arki-
tektafyrirtækis i
Þýzkalandi. Starfs-
menn þess hafa m.a.
sérhæft sig i hönnun
sjúkrahúsa. Hafði
Haraldur umsjón
með gerð kostnaðar-
áætlana, verk-
lýsinga, útboðs-
gagna og frágangs-
teikninga fyrir geð-
sjúkrahús, sem á að
fara að reisa i Bonn.
Sjúkrahús þetta er
ætlað 550 vistmönn-
um og framkvæmda-
Haraldur V. Haraldsson.
áætlunin nemur 75
milljónum þýzkra
marka.
150 manns starfa
hjá arkitektafyrir-
tæki þessu i Stutt-
Tlmamynd GE
gart, en það sá m.a.
um hönnun og bygg-
ingarframkvæmdir
Ólympiuþorpsins
fyrir Ólympiuleik-
ana i Munchen 1972.
Ný stórverkefni gefa tækifæri til aukinnar hagræðingar
Tækniþjónusta við almenna húsbyggjendur aukin