Tíminn - 08.03.1975, Blaðsíða 5
Laugardagur 8. marz 1975
TÍMINN
5
Búnaðarþing:
Þingfulltrúar í skoðunar
ferð austur fyrir fjall
Gsal—Reykjavik —Fundir voru á
búnaðarþingi á fimmtudags-
morgun, en eftir hádegiö fóru
þingfulltrúar austur fyrir fjall, og
skoðuðu m.a. nautgripastöðina að
Laugardælum. A miðvikudag
voru tvö ný mál lögð fram á þing-
inu, og fjögur mál voru til siðari
umræðu. Aöeins eitt þeirra hiaut
afgreiðslu, en það var erindi Agn-
ars Guðnasonar og Jónasar Jóns-
sonar um sumardvöl fólks úr
þéttbýli I sveit, en Timinn hefur
áður greint frá þvi erindi.
Allverulegur skoðanamunur
kom fram hjá þingfulltrúum um
tillögu til þingsályktunar um
breytingu á lögum Búnaðarbanka
Islands og Stofnlánadeildar land-
búnaðarins. Þær lagabreytingar,
sem allsherjarnefnd búnaðar-
þings leggur til að gerðar verði,
eru eftirfarandi:
Veðdeild Búnaðarbanka Islands
verði sameinuð Stofnlánadeild
landbúnaðarins.
Stjórn Stofnlánadeildar land-
búnaðarins verði skipuð fjórum
fulltrúum frá Búnaðarfélagi Is-
lands og Stéttarsambandi bænda,
tveim frá hvoru, og einum
skipuðum af landbúnaðarráð-
herra.
Stjórn Stofnlánadeildar
landbúnaðarins ráði forstjóra, er
stjórni daglegum rekstri deild-
arinnar.
Búnaðarbanki Islands fái rétt til
gjaldeyrisverzlunar.
Umræðu um málið var frestað
og tekið til nánari athugunar hjá
allsherjarnefnd.
Sama var að segja um frum-
varp tillaga um sauðfjárbaðanir.
Það mál var einnig tekið út af
dagskrá og nefndinni falið að at-
huga, hvort ekki megi samræma
sjónarmiðin.
Framhald var á umræðu um
frumvarp til laga um búnaðar-
fræðslu. Allsherjarnefnd hafði
gert örfáar breytingartillögur við
frumvarpið, sem var samið af
nefnd, er núverandi landbúnaðar-
ráðherra skipaði fyrir tveim ár-
um.
Hjörtur E. Þórarinsson hafði
framsögu i málinu, rakti helztu
nýmæli i frumvarpinu og gerði
grein fyrir breytingatillögum.
Lárus Ag. Gíslasoni Miðhúsum
gagnrýndi, að ekki væri tilnefnd-
ur ákveðinn staður sem skólaset-
ur búnaðarskóla Suðurlands, sem
hann taldi að ætti að vera Oddi á
Rangárvöllum.
Jónas Jónsson ræddi frumvarpið
allitarlega, en hann var formaður
nefndar þeirra, sem samdi það.
ólafur E. Stefánsson gagn-
rýndi, að i frumvarpinu væri gert
ráð fyrir, að búvisindanám væri á
Hvanneyri. Hann taldi, að eðli-
legra væri að tengja það Háskóla
íslands. Þar væru fyrir kennslu-
kraftar i flestum undirstöðu-
greinum búvisindanáms. Enn
fremur taldi hann, að mjög
kostnaðarsamt væri að byggja og
reka fullkominn búnaðarháskóla
að Hvanneyri.
I ályktun búnaðarþings um
sumardvöl i sveitum er farið
fram á að gerð verði athugun á
þvi, hvort til staðar sé húsnæði i
sveitum landsins, sem áhugi væri
fyrir að leigja út yfir sumartim-
ann. Bendir þingið á, hvort ekki
sé rétt að leita samvinnu við
Landssamband veiðifélaga um að
það hefði milligöngu um leigu á
sliku húsnæði, ef framangreind
athugun gæfi tilefni til.
A fundi búnaðarþings á
fimmtudag var eftirfarandi
ályktun samþykkt og afgreidd:
Búnaðarþing beinir þvi til
stjórnar Búnaðarfélags Islands,
að hún beiti sér fyrir þvi, að kom-
ið verði á fót samstarfsnefnd
Búnaðarfélagsins, Stéttarsam-
bands bænda og Framleiðsluráðs,
sem vinni að öflun hagfræðilegra
upplýsinga og leiðbeiningum fyr-
ir landbúnaðinn. Helztu verkefni
nefndarinnar verði:
1) að afla upplýsinga um stöðu is-
lenzks landbúnaðar með tilliti
til framleiðslukostnaðar,
markaðsaðstöðu og þjóðhags-
legs gildis hans.
2) að gera tillögur um heildar-
stefnu i framleiðslumálum
landbúnaðarins i samræmi við
hagsmuni hans samkvæmt
niðurstöðum af athugunum
nefndarinnar.
Á fimmtudag fóru flestir
búnaðarþingsfulltrúar, ásamt
nokkrum ráðunautum Búnaðar-
félags Islands, austur á Selfoss.
Fyrst skoðuðu þeir mannvirki
Sláturfélags Suðurlands og fengu
þar góða leiðsögn um byggingar
og framkvæmdir Sláturfélagsins
af verkstjórum og forstjóra
Sláturfélagsins, Jóni H. Bergs.
Eftir skoðunarferð um sláturhús-
Danskur bátur
erfiðleikum
Gsal-Reykjavik — Danskur bát-
ur, Suzie Ann að nafni, sendi frá
sér neyðarskeyti i fyrrinótt, en þá
hafði mikill leki komið að bátn-
um, um 150 sjómiiur vestur af
Hvarfi.
Kissinger
Fundir þeirra tvimenninganna
fara fram á vetrarsetri Egypta-
landsforseta i ferðamannabænum
Aswan, er stendur við ána Nil. Að
loknum viðræðum við Sadat fer
Kissinger til Sýrlands og Israels,
en snýr svo væntanlega aftur til
Egyptalands með tillögur sýr-
lenzkra og israelskra ráða-
manna.
Ljóst er, að miklar vonir eru
bundnar við þessa samningaför
Kissingers til Miðjarðarhafs-
landa — bæði af hálfu Egypta og
Israelsmanna. Báðir aðilar virð-
ast t.a.m. sammála um að láta
hermdarverk palestinskra
skæruliða i Tel Aviv engin áhrif
hafa á samningaumleitanirnar.
Sadat forseti hefur sagt, að annað
hvort takist bráðabirgðasam-
komulag nú eða nýtt strið kunni
að brjótast út. Fróðlegt verður
þvi að fylgjast með gangi við-
ræðna Kissingers við ráðamenn i
Miðjarðarhafslöndum næstu
daga.
Strax og hjálparbeiðnin barzt
SVFI var Reykjavikur-radió beð-
ið um að kalla þessa hjálpar-
beiðni út til skipa, sem gætu verið
á svipuðum slóðum. Náðist sam-
band við færeyskan bát sem var
um fimm tima siglingu frá
danska bátnum, og hélt hann þeg-
ar áleiðis.
Nokkru siðar bárust fregnir frá
Dönunum þess efnis, að dælur
skipsins hefðu við og þeir myndu
sennilega geta þurrkað bátinn.
Siðar um nóttina var svo hjálpar-
beiðnin endurkölluð.
Nýjar verð-
hækkanir
LEYFÐ hefur verið hækkun á
verði allmargra matvöruteg-
unda, og nemur þessi hækkun
12-40%.
Ýsa og þroskur hækka um
12-13% og fiskbollur og fisk-
búðingur um 22%.
Smjörliki hækkar úr 240
krónum i 298, rúgbrauð úr 78 i 93,
franskbrauð og heilhveitibrauð úr
61 i 72, vinarbrauð úr 15 i 21, og
tvibökur úr 245 i 294. Þessar
hækkanir nema 19-40%.
ið og kjötvinnsluna voru gestum
boðnar rausnarlegar veitingar.
Siðar fóru búnaðarþingfulltrú-
ar i boði stjórnar Búnaðarsam-
bands Suðurlands að Laugardæl-
um, skoðuðu búið, hlýddu á stutt
,erindi um fóðrunartilraunir á
mjólkurkúm með grasmjöl
blandað mismiklu magni af tólg.
Gunnar Sigurðsson, sérfræðingur
hjá Rannsóknarstofnun land-
búnaðarins, hefur yfirstjórn á
þessari tilraun, og veitti hann
gestum itarlegar upplýsingar um
framganga hennar. Frá Laugar-
dælum var haldið heim til Hjalta
Gestssonar, ráðunautar
Búnaðarsambands Suðurlands,
og setið þar hóf stjórnar og
starfsmanna Búnaðarsambands
Suðurlands.
Á fundi búnaðarþings i gær
voru tvö mál til fyrri umræðu, er-
indi Búnaðarsambands Suður-
lands um auknar rannsóknir á
ófrjósemi nautgripa, og erindi
Jóseps Rósinkranssonar um
eyðingu flugvargs. Þá var fjár-
hagsáætlun Búnaðarfélags Is-
lands árið 1975 til fyrstu umræðu.
Eitt mál var afgreitt á
búnaðarþingi i gær, það var er-
indi Agnars Guðnasonar og Ólafs
Vals Hanssonar varðandi sýkingu
á kartöflum. Alyktun búnaðar-
þings i þvi máli er svohljóðandi:
Búnaðarþing beinir þvi til
Rannsóknarstofnunar land-
búnaðarins, að hún hlutist til um,
að bútæknideildin framkvæmi
nákvæman samanburð á
kartöfluupptökuvélum þeim, sem
nú eru i notkun hjá bændum.
Kannað verði:
1. afköst vélanna við inismunandi
aðstæður og aksturshraða.
2. skemmdir á kartöflunum við
upptöku.
Einnig verði rannsakað, hvort
flokkunarvélar þær, sem almennt
eru notaðar, spilli gæðum og útliti
kartaflna.
Þá vill búnaðarþing fara þess á
leit við Rannsóknarstofnunina, að
hún láti gera samanburð á mis-
munandi aðferðum við geymslu
kartaflna.
komið boðum áleiðis á örbylgju,
þar sem lóftnet skipsins höfðu
slitnað niður. Þrátt fyrir itrekað-
ar tilraunir tókst ekki að ná sam-
bandi við stöðina á Siglufirði,
enda hefur strandstöðin þar enga
örbylgjuþjónustu. Er hún eina
strandstöð Landssimans, sem
ekki hefur slika þjónustu, þ.e.a.s.
af þeim strandstöðvum, sem hafa
24 tlma þjónustu.
Klukkan 6.20kallaði afgreiðslu-
maður SIS á Húsavik skipið upp i
talstöð, til að spyrjast fyrir um
komutima þess til Húsavikur, og
frétti hann þá strax, hvernig
komið var fyrir skipinu.
Um klukkan 7 hafði Siglufjörð-
ur samband við Slysavarnafélag
Islands og greindi frá strandi
Hvassafells. Bárust þá um leið
þær upplýsingar, að engin slys
hefðu orðið á fólki. SVFt hafði
þegar samband við björgunar-
sveit sina á Húsavik og bað menn
að kanna möguleika á þvi, að fara
út i Flatey með björgunartæki.
Þá um morguninn var illmögu-
legt fyrir björgunarsveitarmenn
að fara á bátum út i eyjuna,
vegna veðurs, en þá voru 7-8 vind-
stig af norð-austri og mikill sjór.
Til álita kom um tima, að senda
Dagnýju SI-70 frá Siglufirði til
Húsavikur að sækja björgunar-
menn, en frá þvi var horfið, — og
ákveöið að freista þess, að fara á
tveimur bátum frá Húsavik með
björgunarsveitina og tilheyrandi
búnaö út i Flatey.
Skipsverjar voru i stöðugu
sambandi við Siglufjörð siðar um
morguninn, og var það fyrir
milligöngu Dagnýjar SI, sejn var
að koma inn til Siglufjarðar af
veiðum. Eins höfðu Húsvikingar
samband við skipverja, og starfs-
menn Skipadeildar SIS i Reykja-
vik fylgdust með framvindu mála
meö samtölum við skipstjóra
Hvassafells.
Um kl. 10 i gærmorgun lögðu
tveir bátar úr höfn á Húsavik með
björgunarsveitarmenn og tæki
þeirra, voru það Jón Sör ÞH-220,
50 tonna bátur, og Svanur ÞH-100
30 tonn. A sama tima lagði flóa-
báturinn Drangur af stað frá
Siglufirði með björgunarsveitina
Stráka, áleiðis austur i Flatey, —
en Drangur lá inni á Siglufirði
vegna þess, að fresta varð ferð til
Grimseyjar vegna veðurs.
A svipuðum tima og áðurnefnd-
ir bátar lögðu af stað á strandstað
bárust þær fréttir, að mikill sjór
væri kominn i skipið, allir botn-
Hvassafell
tankar nema einn væru fullir af
sjó og eins væri mikill sjór i
vélarrúmi. Þá var skipið komið
vel inn fyrir brimgarðinn og að-
eins 50-60 metra frá landi. Þá bár-
ust og þær fréttir, að skipshöfn-
inni væri ekki bráð hætta búin.
Laust eftir hádegi komu Húsa-
vikurbátarnir aðFlatey og var þá
eitt samfellt grunnbrot við
eyjuna. Leit þvi illa út með að
þeim tækist að komast að bryggj-
unni. Húsavikurbátunum tókst þó
aö sæta lagi og komast i gegnum
grunnbrotið að bryggjunni. Komu
bátarnir að landi um kl. 1.
Strax og ljóst var, að bátarnir
voru komnir til Flateyjar og
björgunarsveitarmenn byrjaðir
að undirbúa björgun áhafnarinn-
ar á Hvassafelli, var Drang snúið
viö og kom hann aftur til Siglu-
fjarðar um kl. 3.
Þegar björgunarsveitarmenn
höfðu stigið á land i Flatey, var
þegar hafinn undirbúningur aö
björgun skipsáhafnarinnar. Um
miðjan dag fréttist svo að 11 skip-
verjar, þar af tvær konur, væru
komnir I land eftir giftusama
björgun. Atta skripverjar urðu
eftir um borð i skipinu, og þeir
ætluðu að dveljast þar eitthvaö
lengur.
Um svipað leyti bárust þær
fréttir, að sjór væri einnig kominn
i lest eitt, og að skipið færðist si-
fellt nær landi, en mikið stórgrýti
er á strandstaðnum og grynning-
ar 200-300 metra út.
B.S.R.B. boð-
ar til fundar
BANDALAG starfsmanna rikis
og bæja gengst fyrir almennum
launþegafundi i Háskólabiói á
mánudaginn, og hefst hann
klukkan 3,15.
Fundarstjóri verður Agúst
Geirsson, formaður Félags is-
lenzkra simamanna, en Frum-
mælendur Kristján Thorlacius,
formaður B.S.R.B., Ingibjörg
Helgadóttir, formaður Starfs-
mannafélags rikisstofnana, Þór-
hallur Halldórsson, formaður
Starfsmannafélags Reykjavikur-
borgar, Ingi Kristinsson, formað-
ur Sambands islenzkra barna-
jkennara, og Haraldur Steinþórs-
:son, framkvæmdastjóri B.S.R.B.
A þessum fundi verður sérstak-
lega fjallað um skerðingu á kjör-
um launamanna.
SUhhUKTOLD
Ferðakynning!
FEGURÐARSAMKEPPN!
Valdir fulltrúar á alþjóðlegar fegurðarsam-
keppnir að Hótel Sögu sunnudagskvöld 9. marz.
1. Ferðakynning: Sagtfrá hinum fjölbreyttu og ódýru ferðamögu-
leikum á vegum Sunnu.
2. Bingó: Þrjár utanlandsferðir.
3. Brezku sjónvarpsstjörnurnar The Settlers syngja.
4. Fegurðarsamkeppni: Valdir fulltrúar íslands á alþjóðlegu feg-
urðarsamkeppnirnar Miss Europe i Beirut 30. mai og Miss Uni-
verse i San Salvador 6. júli.
5. Illjómsveit Ragnars Bjarnasonar leikur fyrir dansi til kl. 01.00.
Matargestir! Pantið borð hjá yfirþjóni timanlega vegna fyrir-
sjáanlegrar mikillar aðsóknar — Enginn aðgangseyrir nema
rúllugjald.
Í SÓLSKINSSKAPI MED SUNNW
FERflASKRIFSTOFAN SUNNA UEKJARGDTU 2 SlMAR 16400 12U7U