Tíminn - 03.04.1975, Blaðsíða 8
8
Dolos-steinar, nefnast þessir hnullungar og veröa notaöir f hafnargeröina nýju. Hver þeirra vegur riim 9 tonn, en alls veröa 2.800 stykki steypt.
Þorlákshöfn:
Hafnarfram-
kvæmdir
ganga vel
— Áætlaður kostnaður
hækkar verulega
— Rætt við hafnarstjórann, Sigurð Jónsson
gébé Reykjavik — Unniö er af
fullum krafti viö hina nýju
hafnargerö i Þorlákshöfn, en
verklegar framkvæmdir þar hóf-
ust i september á sl. ári. Verk-
takarnir, sem eru Isienzka fyrir-
tækiö istak og danska fyrirtækiö
Phil & Sön, eru með um fimmtiu
menn á sinum vegum sem vinna
við hafnargeröina. Mikiö lif og
vinna er þvi viö höfnina i Þorláks-
höfn, en áætlað er aö hafnargerö-
inni ljúki I október 1976. Fram-
kvæmdir fram aö þessu hafa að
mestu gengiö samkvæmt áætlun,
þó aðeins seinna en vonazt haföi
veriö til, en auðvelt mun vera aö
vinna þaö timatap upp I sumar.
Blaöamaður Timans ræddi við
landshafnarstjórann, Sigurð
Jónsson, og sagði hann, að I
september i fyrra hefðu verktak-
ar byrjað undirbúningstörf fram-
kvæmdanna, og hefði aðeins
mánaðarseinkun orðið á fram-
kvæmdaáætlunum hingað til, en
auövelt yrði að vinna það upp i
sumar.
— Verktakarnir eru hér með
pramma, sem nefnist Basalt, og
mun hann sá eini sinnar tegundar
hér á landi, ef ekki á Norðurlönd-
um. Prammi þessi var smiöaður
af fyrirtækinu Phil & Sön i Fær-
eyjum og notaður til hafnargerða
þar, en siöast var hann notaður i
Hirtshals i Danmörku, einnig til
hafnarframkvæmda, sagði
Sigurður.
Pramminn Basalt flytur stór-
grýti i uppfyllingu nýja hafnar-
garösins, eða öllu heldur fram-
lenginu hins gamla. — Basalt tek-
ur um 150 rúmmetra af grjóti i
einni ferð, en fer þó aldrei með
svo mikið, sagði Sigurður. Hann
fer um tiu ferðir á dag þegar veð-
ur leyfir, og má þvi áætla að hann
flytji rúmlega eitt þúsund rúm-
metra á dag, eða um tvö til þrjú
þúsund tonn á dag.
Geysistór Caterpillar-vél-
skófla, sú stærsta á landinu, flyt-
ur grjótið um borð i Basalt, sem
siðan siglir út úr höfninni i Þor-
lákshöfn og á þann stað, þar sem
framlengingu hafnargarðsins er
ætlað að koma. Pramminn er
þannig útbúinn, að hann er i
tveim tengdum hlutum og
pramminn losar sig þannig við
grjótið aðbotn hans opnast og það
fellur niður. Hjarir, sem halda
þessum tveim hlutum saman, eru
Hér heldur pramminn Basalt út úr höfninni i Þorlákshöfn meö rúm tvöhundruö tonn af gríóti > uppfyllinguna.
hálfgerðir „glussatékkar,” sagði
Sigurður, og mynda þrýsting sem
lokar svo botninum þegar búið er
að tæma.
Nýja bryggju er nú verið að
gera fyrir prammann, þvi að
erfitt er fyrir stóru vélskófluna að
lesta grjótið i hann á fjöru, til
þvss verður fallið of mikið frá
gömlu bryggjunni.
Cate-pillar-vélskólfan er hið
mesta ferliki, en lyftikraftur
hennar er hvorki meira né minna
en 28 tonn, enda mun hún hin allra
stærsta, sem hefur verið I notkun
hér á landi.
Hinir stóru Dolos-steinar eru
steyptir i Þörlákshöfn, en alls
þarf 2800 steina I hafnargerðina.
Eftir þvi sem hinn danski hönnuð-
ur segir, mega þeir ekki vera
undir 9 tonnum hver. Kristófer
Bjarnason er einn af þeim, sem
vinna við gerð Dolos-steinanna,
og sagði hann að þeir miðuðu
yfirleitt við að steypa fjórtán
steina á dag. Sagði Kristófer, að
nú orðið mistækist móta-steypan
sjaldan, en i fyrstu kom það
stundum fyrir. Hafa nú 668 stein-
ar verið steyptir.
— Danskt fyrirtæki sá um að
gera likan af höfninni eins og hún
kæmi til með að vera, sagði Sig-
urður Jónsson. Þrir Þorláks-
hafnarbúar, sem eru þaul-
kunnugir öllum staðháttum, voru
dönsku verkfræðingunum til að-
stoðar og fóru til Danmerkur i
þeim tilgangi. Þeir eru Benedikt
Thorarensen, forstjóri og skip-
stjóramir Einar Sigurðsson og
Guömundur Friðriksson. Haft er
•eftir dönskum verkfræðingi, sem
að þessu verki vann, að þeir hefðu
gjörbreytt öllum fyrri hugmynd-
um, enda var tekið fullkomið tillit
til ábendinga og skoðana þeirra.
Sagöi verkfræðingurinn, að þre-
menningamir hefðu algjörlega
bjargað þeim við rétta gerð lik-
ansins, vegna kunnugleika þeirra
á staðháttum.
— Bryggjupláss hér nú, sagði
Sigurður, er um 200 metrar, en
þegar hinni nýju hafnargerð lýk-
ur, verður hún um 700 metrar.
Þetta gefur dálitla hugmynd um
hve breytingin verður geysilega
mikil þegar hafnarfram-
kvæmdunum lýkur. Höfnin i Þor-
lákshöfn verður að sjálfsögðu
miklu öruggari bátum en nú er,
og sparar þeim drjúgan skilding
þegar þar að kemur. — Má þar
nefna hin miklu útgjöld sem
bátarnir hafa vegna tóg-kaupa,
sagði Sigurður, en er veður er
slæmt hér, slitna bönd bátanna
eins og snærisspottar þegar sjó-
gangurinn er mikill i höfninni. Má
áætla að hver bátur þurfi að eyða
1-2 milljónum króna i tóg árlega
af þessum sökum.
Þá sagði Sigurður einnig, að
tryggingarfélög hefðu tjáö sér, að
á siðustu tveim árum hafi þau
þurft að borga um 150 milljónir
króna vegna tjóna, sem orðið
hafa á bátum i landshöfninni i
Þorlákshöfn. — Það liggja
kannski allt að þvi átta bátar hver
utan á öðrum hér i höfninni, sagði
hann, og I sjógangi nuddast þeir
saman og hefur komið fyrir að
heil siða úr bát hafi eyðilagzt af
þessum sökum.
Hvað kosta svo þessar miklu
hafnarframkvæmdir?
— 1 mai á sl. ári var kostnaður-
inn áætlaður 709 milljónir króna,
sagöi Sigurður, en eins og kunn-
ugt er hafa geysimiklar gengis-
fellingar orðið siðan þá, og er nú
nær lagi að tala um einn milljarð.
— Varðandi framtfðina að þvi
er höfninni viðvikur, verður þessi
breyting algjör bylting, sagði
Sigurður. En eitt verður algjör
nauðsyn, og það er að byggja brú
yfir ölfusárós, þvi að ef það verð-
ur ekki gert, er viðbúið að fólk
flytjist unnvörpum frá t.d. Eyrar-
bakka og Stokkseyri, þvi að i nýju
höfninni verður unnt að nota
miklu stærri báta en hingað til
hefur verið gert, á höfnunum
sunnanlands.
Athuganir hafa verið gerðar
um brúarundirstöðurnar við
ölfusárós, og reyndust þær já-
kvæðari en við hafði verið búizt.
En siðan hefur ekkert gerzt I mál-
inu. Brúin verður að vera um 400
metra löng, og kostar ekki mikið
undir 400 milljónum króna, sagði
Sigurður Jónsson hafnarstjóri i
Þorlákshöfn að lokum.