Fréttablaðið - 06.03.2005, Page 60

32 6. mars 2005 SUNNUDAGUR
Stoltur faðir og ÍR-ingur
HANDBOLTI Þeir voru margir ÍR-
ingarnir sem áttu erfitt með að
fela tilfinningar sínar um síðustu
helgi þegar ÍR lyfti langþráðum
titli í handboltanum. Einn þeirra
var Hólmgeir Einarsson, formað-
ur handknattleiksdeildar ÍR, sem
hefur lagt ómældan tíma og kraft
í að gera ÍR að stórveldi í hand-
boltanum síðustu fimmtán ár.
„Ég get ekki lýst því hvernig
mér leið þegar við lyftum bikarn-
um í Höllinni,“ sagði Hólmgeir
þegar hann var beðinn að lýsa til-
finningum sínum um síðustu
helgi. „Það var frábært að sjá ár-
angur erfiðisins detta í hendurnar
á manni. Ég rétt náði að halda aft-
ur af tárunum en það voru ekki
allir svona sterkir. Þetta eru einu
launin í þessu starfi en annars hef
ég aldrei séð eftir tímanum sem
ég hef sett í starfið. Ekki einni
mínútu.“
Þessi dugmikli maður er fædd-
ur og uppalinn á Hofsósi í Skaga-
firði. Hann hefur alla sína tíð
unnið í sjávarútvegi. „Ég hef
mikið verið í slorinu og líkað vel.
Svo er ég líka í fiskamerkinu
þannig að mig vantar eiginlega
bara sporð til að breytast í fisk,“
sagði Hólmgeir kátur og jákvæð-
ur eins og hann er oftast.
Á sínum yngri árum var Hólm-
geir í fótbolta og frjálsum íþrótt-
um. Sérstaka áherslu lagði hann á
langhlaupin enda veitti ekki af til
að eyða allri orkunni sem hann
býr yfir.
Ofvirkur
„Ef ofvirkni hefði verið til í
gamla daga þá hefði ég verið
flokkaður ofvirkur. Ég gekk á sín-
um tíma undir nafninu Spútnik
enda var ég aldrei kyrr. Ég á enn í
vandræðum með að sitja aðgerða-
laus,“ sagði Hólmgeir en hann
segir að menn verði að vera svo-
lítið ofvirkir til þess að taka þátt í
hugsjónastörfum eins og hann
sinnir.
Það er ekki bara handboltalið
ÍR sem hefur blómstrað hjá
Hólmgeiri því börnin hans hafa
öll látið verulega að sér kveða í
íslenskum handboltaheimi. Elsti
sonur hans, Einar, er atvinnumað-
ur með Grosswallstadt í Þýska-
landi og íslenskur landsliðsmaður.
Dóttir Hólmgeirs, Guðrún Drífa,
er einnig íslenskur landsliðsmað-
ur enda einn besti hornamaður
landsins og leikur þessa dagana
með FH. Yngsti sonur Hólmgeirs,
Björgvin Þór, er einnig bráðefni-
legur en hann leikur með 3. flokki
ÍR en er þrátt fyrir ungan aldur
farinn að fá tækifæri með meist-
araflokki.
Skagfirðingurinn kraftmikli
getur þó ekki alfarið eignað sér
heiðurinn af góðu lífsverki því á
bak við öfluga menn er oftast ekki
síðri kona. Konan á bak við Hólm-
geir Einarsson heitir Þórleif Frið-
riksdóttir en hún kemur einnig úr
Skagafirðinum. Þau hafa verið
lífsförunautar í rúm 30 ár.
Ómetanleg eiginkona
„Það er nauðsynlegt að eiga
góðan og þolinmóðan maka til
þess að geta staðið í þessu. Þar
bý ég vel. Hún hefur líka ódrep-
andi áhuga á handbolta og hefur
staðið þétt við bakið á krökkunum
í gegnum súrt og sætt. Svo má
ekki gleyma að hún hefur þvegið
ansi margar þvottavélar af krökk-
unum því ósjaldan biðu þrjár
fullar íþróttatöskur af skítugum
æfingafötum við þvottavélina,“
sagði Hólmgeir en Þórleif er
einnig dugleg að mæta á leiki.
„Hún mætir á alla þá leiki sem
hún getur og hefur gaman af. Það
er ómetanlegt að hafa slíka konu á
bak við sig.“
Uppeldisstarf fer Hólmgeiri
greinilega vel og hann segist fá
mikið út úr því sem hann gerir.
„Ég hef alla tíð haft mikinn áhuga
á að vinna með krökkum. Mér
finnst það mjög gefandi og svo er
gaman að sjá uppskeruna, sama
í hvaða mynd það er,“ sagði
Hólmgeir sem segir mikilvægt að
foreldrar standi þétt við bakið á
börnunum sínum.
„Við sátum ekki hérna heima
þegar þau komu heim af leikjum
og spurðum hvað þau skoruðu
mörg mörk. Við mættum á leik-
ina. Að mínu mati skiptir það gríð-
arlegu máli fyrir krakkana að for-
eldrar séu duglegir að styðja við
bakið á þeim. Þeir þurfa að vera
til staðar og hjálpa þeim við að
fara á réttu brautirnar því freist-
ingarnar eru á hverju horni. Ég
hef því miður í mínu starfi horft
á eftir mörgum stórefnilegum
íþróttamönnum hverfa á rangar
brautir,“ sagði Hólmgeir sem er
stoltur maður og fer ekki leynt
með það. „Ég er stoltur faðir og
ÍR-ingur. Ég er mjög ríkur maður
að því leyti hvað börnunum mín-
um og félaginu hefur gengið vel.“
Hólmgeir gat ekki tekið þátt í
undirbúningnum fyrir bikarúr-
slitaleikinn sem skyldi þar sem
hann fékk kransæðastílfu eftir
undanúrslitaleikinn gegn ÍBV og
var nýkominn úr hjartaþræðingu
þegar leikurinn fór fram. Hann
þarf að fara í aðra þræðingu fljót-
lega.
„Það var slæmt að detta svona
aðeins úr hópnum fyrir bikarleik-
inn en Haukur Loftsson varafor-
maður er alveg búinn að standa
sig eins og hetja. Hann á heiður
skilinn fyrir sitt starf,“ sagði
Hólmgeir, ávallt tilbúinn að hrósa
öðrum. Hann segist reyndar hafa
haft áhyggjur af Hauki um tíma –
svo kröftuglega hafi hann unnið.
„Ég sagði honum að ef hann færi
ekki að slaka á þá þyrfti ég að losa
rúmið við hliðina á mér á spítalan-
um,“ sagði Hólmgeir og hló dátt.
Fékk gula spjaldið
Hólmgeir lítur á þetta áfall
eins og hvern annan kappleik.
Hann hafi fengið gula spjaldið og
verði að passa sig á því að fá ekki
það rauða.
„Sem betur fer fékk ég bara
gult spjald og ég er afskaplega
þakklátur fyrir að spjaldið var
gult en ekki rautt. Það sem var
samt jákvæðast var að það kom
alveg hópur af fólki til þess að
vinna að þessum úrslitaleik fyrir
okkur. Það var alveg ótrúlegt að
sjá hvað fólk var viljugt að hjálpa
okkur,“ sagði Hólmgeir sem veit
manna best að íþróttafélög á Ís-
landi væru ekki rekin án hjálpar
góðra manna og fyrirtækja.
„Ef fyrirtækin sem stæðu á
bak við okkur væru ekki svona
sterk og góð þá væri þetta starf
hvorki fugl né fiskur. Við erum
mjög þakklát fyrir þann stuðning
sem við höfum fengið frá okkar
bakhjörlum,“ sagði Hólmgeir en
næst á dagskrá hjá honum er að
berjast fyrir að fá íþróttahús hjá
ÍR.
„Við erum landlaust félag en
erum loksins komnir á teikniborð-
ið hjá borginni og draumurinn er
að leika í eigin húsi á hundrað ára
afmæli félagsins sem er árið
2007,“ sagði Hólmgeir Einarsson.
henry@frettabladid.is
Hólmgeir Einarsson uppskar ríkulega eftir fimmtán ára starf hjá handknattleiksdeild ÍR um síðustu helgi þegar ÍR varð
bikarmeistari. Hann er stoltur af sínu starfi, sem hann hefur aldrei þegið krónu fyrir, og er einnig stoltur af börnunum sínum en
hann er eini faðirinn á landinu sem á bæði börn í karla- og kvennalandsliði Íslands í handknattleik.
Júlíus Jónasson, þjálfari ÍR, ber Hólmgeiri vel söguna:
Mikils metinn af öllum
HANDBOLTI „Hólmgeir er
gríðarlega duglegur og
kraftmikill maður. Það
má eiginlega segja að
hann sé svona létt of-
virkur. Það er alveg
sama hvað hann tekur
sér fyrir hendur. Það er
allt gert af miklum
krafti og klárað. Hólm-
geir er líka skemmti-
legur að því leyti að
það er alveg sama hvað
gengur á, það er alltaf stutt í
húmorinn og léttleikann. Annað
með Hólmgeir er að hann er
alltaf til staðar og það er alltaf
hægt að ná í hann. Alveg sama
hvað er mikið að gera hjá
honum,“ segir Júlíus Jónasson,
þjálfari bikarmeistara ÍR, um
yfirmann sinn, Hólmgeir Einars-
son.
„Það er auðvelt og
skemmtilegt að vinna
með Hólmgeiri og
óhætt að segja að hann
sé mikils metinn af
öllum. Það hefur allt
staðist í rekstrinum hjá
honum og allir fá laun
á umsömdum tíma og
annað slíkt. Hann
hugsar mjög vel um
okkur og er einstakur
persónuleiki. Það er
óhætt að segja að hann sé hetja í
augum allra enda hefur hann
unnið kraftaverk hjá ÍR. Það var
gaman að verða meistari en
öllum fannst enn skemmtilegra
að vinna fyrir framan Hólmgeir
því við vorum smeykir við að
hann kæmist ekki á völlinn sök-
um veikindanna,“ sagði Júlíus
Jónasson. henry@frettabladid.is
JÚLÍUS JÓNASSON
Fagnar hér bikarmeistara-
titli ÍR um síðustu helgi.
AFREKSFÓLK Börn Hólmgeirs – Guðrún Drífa og Einar – eru bæði landsliðsmenn í
handknattleik. Hólmgeir er eini faðirinn á landinu sem á börn í báðum landsliðum.
KAMPAKÁTUR MEÐ BIKARANA Hólmgeir Einarsson uppskar ríkulega eftir 15 ára starf hjá ÍR um síðustu helgi er ÍR varð
bikarmeistari. Hann sést hér kátur, og stoltur, með bikarana sem ÍR fékk fyrir sigurinn. FRÉTTABLAÐIÐ/VALLI