Tíminn - 12.06.1975, Blaðsíða 3

Fimmtudagur 12. júnl 197S
TÍMINN
3
ELTI ÁVÍSANAFALSARA FRÁ
AKUREYRI TIL HÚSAVÍKUR
gébé—Rvik — Maöur nokkur I
Reykjavlk ákvað að lyfta sér
upp og bauð vinkonu sinni með
sér norður á Akureyri. Lagt var
upp á mánudag I leigubifreið, en
auk farþeganna var Bakkus
gamli með I ferðinni. Þegar tii
Akureyrar kom, var haldið á
Hótel KEA, þar sem gist var um
nóttina, ásamt bifreiðarstjóran-
um. Var honum daginn eftir
greitt fyrir ferðina með ávlsun,
og hélt hann þegar áleiðis suður.
Skötuhjúin gerðust nú kaup-
glöð mjög á Akureyri og verzl-
uðu mikið. Meðal annars fór
stúlkan inn f úraverzlun og festi
þar kaup á tuttugu þúsund
króna úri, sem hún greiddi með
ávísun, er hún sagði að hljóðaði
upp á þrjátíu þúsund krónur.
Mikið var að gera i verzluninni
og afgreiðslustúlkan óvön. Tók
hún þvi orð kvenmannsins trú-
anleg, en lét hana rita nafn sitt
og nafnnúmer aftan á ávlsun-
ina, sem siðan var stungið i
peningakassa. Stuttu seinna leit
afgreiðslustúlkan á ávisunina
og brá heldur en ekki I brún, þvi
hún var aðeins stiluð upp á eitt
þúsund krónur. Lét hún eiganda
verzlunarinnar þegar vita, og
hann komst fljótlega að þvi, að
skötuhjúin höfðu leigt sér leigu-
bifreið á Akureyri og höfðu ekið
áleiðis til Húsavlkur.
Eigandi verzlunarinnar hélt
þegar á eftir þeim i eigin bil. Er
hér var komið sögu, hafði lög-
reglunni á Akureyri borizt kæra
vegna ávisana úr verzlunum, og
var lögreglan á Húsavik beðin
að fara á móti leigubifreiðinni
og stöðva hana. Stóðst það á
endum, að þegar Húsavikurlög-
reglan hafði stöðvað bifreiðina,
kom eigandi úraverzlunarinnar
þar að. Buðust skötuhjúin þegar
til að greiða honum með ávisun,
sem hann þó ekki þáði en tók úr-
ið ásamt þeim peningum, sem
hann með réttu átti.
Lögreglan á Húsavik tók hjúin
i sina vörzlu, og þar gistu þau
um nóttina, en á þriðjud.-
morgun var þeim ekið til Akur-
eyrar, þar sem þau dvelja nú i
vörzlu lögreglunnar þar. Gisli
Ólafsson, yfirlögregluþjónn á
Akureyri, sagði að þar myndu
þau dveljast meðan dómsrann-
sókn færi fram i máli þeirra, en
að þvi loknu yrðu þau sennilega
send I sina heimasveit, sem er i
nágrenni Reykjavikur.
Gisli Ólafsson sagði, að mað-
urinn hefði viðurkennt að hafa
stolið ávisanahefti frá kunn-
ingja slnum i Reykjavik, og að
honum hefði tekizt að gefa út
ávisanir á Akureyri að upphæð
160-170 þúsund krónur. Sagði
Gisli, að þau yrðu látin gera
grein fyrir öllu sem þau keyptu
og eyddu, og hefði nokkuð magn
af ýmsum vörum verið tekið af
þeim, er þau voru handtekin.
Leikhússtjóri LR og borgarstjóri undirrita stofnskrá fyrir Borgar-
leikhúsið.
Stofnskrá Borgarleikhússins undirrituð
STOFNSKRA fyrir Borgarleik-
húsið I Rcykjavlk var undirrituð i
gær af Vigdlsi Finnbogadóttur
ieikhússtjóra og Birgi tsleifi
Gunnarssyni borgarstjóra.
1 stofnskránni segir, að Reykja-
vikurborg og LR láti reisa og reka
hús til sjónleikjahalds I nýjum
miðbæ i Reykjavik. Verður húsið
byggt og rekið sem sjálfstæð
stofnun i eigu aðilanna.
Framhald á 5. siðu.
„ÍSLENDINGAR HAFA EINIR ÁKVÖRÐUNAR-
RÉTTUM ÚTFÆRSLU EFNAHAGSLÖGSÖGUNNAR
Oó—Rvlk — Hans G. Andersen
ambassador kynnti Evensen og
sagði, að hann hefði á mörgum
undanförnum árum reynzt ís-
lendingum mjög hliðhollur i sam-
bandi við hafréttarmál, og iðu-
lega talað máli okkar, þegar
stuönings hefur verið þörf. Even-
sen flutti mál Norðmanna i Haag,
þegar Bretar kærðu þá fyrir út-
færslu fiskveiðilögsögu sinnar i 12
milur, og unnu Norðmenn það
mál.
Evensen var þá nýkominn frá
framhaldsnámil þjóðarétti. Hann
varð forstjóri lagadeildar utan-
rikisráðuneytisins, og siðar
sjávarútvegsráðherra, og gegnir
nú störfum hafréttarráðherra.
Hann er formaður nefndar, sem
starfar á vegum hafréttarráð-
stefnu Sameinuðu þjóðanna og
viö hann er kennd. Það er hans
hlutverk að samræma hin óliku
sjónarmið á ráðstefnunni, og er
það erfitt verkefni og mikilvægt.
Ekki er nægilegt að fá viðurkenn-
ingu á 200 milna efnahagslög-
sögu, heldur þarf einnig að sam-
ræma sjónarmið aðildarrikjanna,
og ekki sizt að fá viðurkenningu
stórveldanna á rétti hinna smærri
ríkja. Sagði Hans, að Islendingar
hefðu ávallt haft náið samband
við Evensen um vandamál sin á
sviði hafréttar.
Evensen sagði, að þótt hann
teldi Islendinga hafa fulla ástæðu
til að færa lögsögu sina út ein-
hliða, gegndi nokkru öðru máli
með Norðmenn. Þar væri margs
að gæta, ekki sizt þess, að ekki
væri meirihluti fyrir þvi i Stór-
þinginu að færa auðlindalögsög-
una út einhliða, heldur að fara
samningaleiðina.
Norðmenn eru ekki eins háðir
fiskveiðum og íslendingar, og
lega landsins er þannig, að önnur
riki hafa bæði hagsmuna að gæta
og einnig sinn rétt. Til að mynda
liggja landamæri Noregs og
Sovétrikjanna saman við Bar-
entshaf, og mörg strandriki liggja
að Norðursjó.
Þótt Norðmenn vilji ekki færa
lögsöguna einhliða út i 50 milur,
Evensen og Hans G. Andersen.
TlmamyndGE.
Laxá á Ásum
Tæplega sjötiu laxar eru nú
komnir á land úr Laxá, að sögn
Kristjáns Sigfússonar, sem
hornið hafði samband við i gær.
Meðalþyngd þeirra var um tíu
pund, en sá stærsti var fjórtán
pund. Veitt er á tvær stengur i
ánni, og er leyfð hámarksveiði
tuttugu laxar á stöng. Enginn
hefurnáð þvimarkienn, en einn
laxveiðimaðurinn fékk fimmtán
laxa á stöng einn daginn i vik-
unni.
Treg veiði i Húnavatni
Kristján Sigfússon sagði, að
silungsveiði hefði nú verið hætt i
Húnavatni, en hún hófst i april.
Siðustu netin voru dregin á
þriðjudag.og var þá mokveiði.
— Silungurinn var greinilega
ab koma beint úr sjó, sagði
Kristján þvi hann var fullur af
loðnu, þegar við fórum að gera
að honum. Ég hef aldrei séð
annað eins, bætti hann við.
Silungurinn var mjög fallegur,
2-3pund að stærð. Annars hefur
silungsveiðin verið óvenju treg i
vor miðað við undanfarin ár.
Nokkrir bændur hafa veiðirétt-
indi við Húnavatn, en engin
skýrsla er gerð um veiðimagn-
ið, þannig að ekki er hægt að
segja um, hve mikið hefur
veiðzt, þótt augljóst sé að veiðin
er miklu minni en verið hefur.
A næstu dögum bætast nokkr-
ar laxveiðiár við þær, þar sem
þegar er hafin veiði. Má þar
nefna Grimsá 12. júni, Laxá i
Leirársveit, Viðidalsá og Langá
15. júni, Flókadalsá 19. júni,
Gljúfurá, Kaldá, Fossá og Laxá
i Jökulsárhlið, ásamt Lagar-
fljótssvæðinu, verða opnaðar 20.
júni. Veiðihornið mun leitast við
að segja fréttir frá sem flestum
lasveiðiám jafnskjótt og unnt er
að fá þær.
hafa þeir lokað stórum svæðum
milli 12 og 50 milna fyrir togveið-
um fimm mánúði ársins, frá októ-
ber fram i marz. Kom togveiði-
bannið fyrst til framkvæmda s.l.
vetur, og jókst bátaaflinn til
muna við þá ráðstöfun, og veiðar-
færatjón bátanna varð hverfandi
litið miðað við það sem áður var.
Norðmenn munu halda áfram að
vinna að viðurkenningu 200 miln-
anna á hafréttarráðstefnunni, en
vilja fara samningaleiðina og i
samráöi við önnur riki sem hags-
muna hafa að gæta. 1 þvi sam-
bandi nefndi ráðherrann Sovét-
rikin, bæði þýzku rlkin, Pólland,
Bretland, Frakkland, Holland, og
Belgiu. Einnig hafa þeir náin
samráð við Svia og Dani um mál-
ið.
Evensen sagði, að 200 mflna
efnahagslögsagan ynni viða á.
Kröfur um það eru uppi I rikjum
Norður-Ameriku, Mexikó og
Bretlandi. Hingað kemur Even-
sen frá Moskvu og London, þar
sem hann kannaði hug stjórn-
valda til hafréttarmála, og á
næstunni fer hann i sama tilgangi
til Bandarikjanna, Kanada og
Mexikó.
Þegar þeim viðræðum lýkur,
mun hann leggja tillögur sinar
fyrir norsku stjórnina.
— Landgrunnið við Noreg er hið
stærsta I Evrópu og nær viða út
fyrir 200 mflur. A landgrunninu
eru ekki eingöngu gjöful fiskimið,
heldur einnig olíulindir, og svo
getur farið, að Norðmenn verði
ein mesta oliuútflutningsþjóð i
heimi. Með þetta i huga er tæpast
hægt að færa efnahagslögsöguna
út einhliða, og verður þvi að
semja um það við aðrar þjóðir, og
það gæti valdið erfiöleikum, ef
skilningur næst ekki á þörfum
okkar sagði Evensen.
Ráðherrann kvað Norðmenn
ekki hafa hætt við að færa út i 50
milur, en ljóst væri, að Sovét-
menn og Bretar vildu ræða um
samninga um 200 mflna efna-
hagslögsögu en einhliða útfærslu i
50 milur.
Evensen kvaðst vongóður um
árangur á fundum hafréttarráð-
stefnunnar, sem haldnir verða i
New York, og jafnvel að þar verði
undirritaðir samningar um 200
milna efnahagslögsögu, og heföi
afstaða þróunarrikjanna mikið að
segja um framgang mála.
Að lokum bentu báðir þjóðrétt-
arfræðingarnir, þeir Evensen og
Hans G. Andersen, á það, að þótt
hafréttarráðstefnan samþykkti
200 milna efnahagslögsögu eða
einstök riki færðu út einhliða,
þýddi það ekki að sama daginn
yrði efnahagslögsaga þeirra 200
milur. Taka þurfi tiliit til fjöl-
margra og ólikra sjónarmiða
annarra rikja eftir sem áður.
ATVINNULÝÐRÆÐI
Á EDDUHÓTELUAA
SJ—Reykjavik — Sú nýjung var
tekin upp á Edduhótelinu að
Kirkjubæjarklaustri I fyrrasum-
ar, að starfsfólkinu var veitt hlut-
deild I rekstrartekjum hótelsins.
Þótti þetta gefa góöa raun, og
verður nú á sumri komanda tekið
upp sama starfsfyrirkomulag á
Edduhótelunum að Skógum og I
Menntaskólanum á Laugarvatni.
— Það hafði verið tap á rekstri
hótelsins að Kirkjubæjarklaustri i
nokkur ár, sagði Björn Vilmund-
arson, forstjóri Ferðaskrifstofu
rikisins, sem rekur Edduhótelin,
þegar við spurðum hann um þetta
mál. — 1 fyrra myndaði starfs-
fólkið á hótelinu starfshóp, sem
tók að sér reksturinn ásamt okk-
ur. Tekjur starfsfólksins urðu
betri en á hinum Edduhótelunum,
og við náðum þvi upp, sem við
höfðum tapað. Ég vonast til að i
sumar verði afkoma starfsfólks-
ins og okkar einnig betri með
þessum hætti.
A Kirkjubæjarklaustri I fyrra
var gerður samningur milli
starfsfólksins og okkar um að
tekjurnar skiptust prósentvis
milli þess og okkar, hráefnis-
kaupa, skatta o.s.frv. Fólkið vann
meöan eitthvað var að gera, en
átti fri þegar ekkert var um að
vera. Það kallaði til aukastarfs-
krafta, ef það annaði ekki að
sinna viðskiptavinum. Um helm-
ingur af starfsfólkinu er skóla-
fólk, og þvi féll vel að leggja svo-
lltið meira á sig og bera meira úr
býtum.
t raun og veru var þaö svo, að
fólkið gat á hverju kvöldi reiknað
út hvað það hafði unnið sér inn
þann daginn.
Afkoma gisti- og veitingahúsa
er mjög undir nýtingu á mat
komin. Og sjálfs er höndin holl-
ust, þannig að ekki er vafi á þvi,
að fólk fer betur með, þegar það
veit að slikt hefur áhrif á tekjur
þess sjálfs. Að heita má allt
starfsfólkið á Kirkjubæjar-
klaustri starfar áfram hjá okkur i
sumar með þessu fyrirkomulagi,
eitthvað um 13 manns.
Þetta starfsfyrirkomulag hafði
áður verið reynt á hótelinu að
Flúðum, sem ekki er Edduhótel,
og hefur einnig gefizt vel þar.
— Það varð úr að við gerum til-
raun með þetta fyrirkomulag á
tveim Edduhótelum auk Kirkju-
bæjarklausturs i sumar, sagði
Björn Vilmundarson.