Fréttablaðið - 20.03.2005, Blaðsíða 67
The Used fór að láta að sér kveða
fyrir nokkrum árum og vakti sam-
nefndur frumburður hljómsveit-
arinnar verðskuldaða athygli. Sá
sem þetta ritar varð þess heiðurs
aðnjótandi að geta barið hljóm-
sveitina augum, nánast daglega,
fyrir þremur árum síðan þar sem
leiðir íslensku sveitarinnar
Quarashi og The Used lágu sam-
an. Þar fór ekki á milli mála að
þar voru á ferðinni drengir sem
ætluðu sér alla leið.
In Love and Death er í popp-
aðri kantinum miðað við fyrri
verk The Used og ég er ekki frá
því að það fari hljómsveitinni
betur að hægja aðeins á hama-
ganginum. Gamla góða keyrslan
er allsráðandi í Take It Away en
það heyrist strax í lögum á borð
við I Caught Fire og Let It Bleed
að melódían er aðal hljómsveitar-
innar þó svo að hörðum köflum sé
laumað inn þegar það á við.
Gítarleikarinn Quinn Allman
gæti hæglega slegið í gegn fyrir
færni sína en hann er afar smekk-
legur í öllum sínum aðgerðum
eins og í Yesterday's Feelings.
Hrynparið er heldur ekki af verri
endanum og gefur Allman ekkert
eftir í útfærslum sem margar
hverjar virðast hafa verið hugsað-
ar í þaula. Söngvarinn Bert
McCracken (sem er einna
frægastur fyrir að hafa átt stutt
ástarsamband við Kelly Os-
bourne) á hins vegar til að vera of
amerískur og (skrítið að segja
það) of góður ef eitthvað er. Upp-
tökustjórnin hefði mátt vera að-
eins hrárri því útkoman á In Love
and Death er fullslípuð og erfitt
fyrir hljómsveitina að leika slíkt
eftir á tónleikum sem er alltaf
mjög vafasamt. Lagasmíðin er
engu að síður skref í rétta átt frá
síðustu plötu, hér má finna mörg
frábær lög og færni The Used fer
ekkert á milli mála.
Smári Jósepsson
Menn farnir að mýkjast
THE USED
IN LOVE AND DEATH
NIÐURSTAÐA: In Love And Death er fullslípuð
og erfitt fyrir hljómsveitina að leika slíkt eftir á
tónleikum. Lagasmíðin er engu að síður skref í
rétta átt frá síðustu plötu og fer færni The Used
ekkert á milli mála.
[ TÓNLIST ]
UMFJÖLLUN
Djassunnendur ættu endilega að
bregða sér á Grand Rokk í kvöld, á
svonefnt Hvíldarsdagskvöld sem
þar er haldið annan hvern sunnu-
dag. Þar verða stanslausar sýningar
á djasskvikmyndum frá klukkan 20
og fram eftir kvöldi.
Sýnar verða heimildarmyndir og
tónleikaupptökur, meðal annars frá
mögnuðum tónleikum þar sem
sannkallaður stjörnukvintett vottar
Charlie Parker virðingu sína á
ógleymanlegan hátt.
Kvöldið hefst á því að sýndur
verður sjöundi hlutinn úr hinni
vönduðu heimildarþáttaröð „Jazz“,
en þar er lifandi og forvitnileg saga
djasstónlistarinnar rakin á mjög að-
gengilegan hátt fyrir hinn almenna
áhorfanda. Þessi þáttur fjallar um
snillingana Dizzy Gillespie og
Charlie Parker.
Síðan verður sýnd mynd með
söngvum nokkurra af helstu söng-
konum djass- og blúsgeirans, svo
sem Billie Holliday, Bessie Smith og
Sarah Vaughan.
Að því búnu tekur við áttundi
þátturinn úr heimildaröðinni Jazz,
þar sem athyglinni er beint að þeim
krafti sem djassinn hefur gefið ein-
staklingum í baráttunni gegn ein-
ræðishugmyndum og múgmenn-
ingu nasista í Þýskalandi.
Um ellefuleytið verða sýnd þrjú
af flottustu og athyglisverðustu
djassatriðum kvikmyndasögunnar,
en kvöldinu lýkur með upptöku frá
tónleikum sem haldnir voru til heið-
urs Charlie Parker í Cannes í Frakk-
landi árið 1990. Flytjendur eiga það
sammerkt að hafa leikið með hljóm-
sveit Parkers á fyrri tíð.
Aðgangur að Hvíldardagskvöld-
unum á Grand Rokk er jafnan
ókeypis. ■
■ TÓNLISTARBÍÓ
Sjóðandi djass á tjaldinu
CHARLIE PARKER Kvikmyndir með sjóðandi heitri djasstónlist verða sýndar á Hvíldar-
dagskvöldi á Grand Rokk, eins og jafnan annan hvern sunnudag.