Fréttablaðið - 10.04.2005, Blaðsíða 62

34 10. apríl 2005 SUNNUDAGUR
Í tilefni brúðkaups krónprins breskaheimsveldisins, Karl Filippussonar
og Kamillu Parker Bowles efndi Hið
konunglega fjelag til kvæðakeppni.
Einar Kolbeinsson hlaut sigur úr být-
um og fékk í verðlaun innrammaða
mynd af brúðhjónunum, nema
hvað.
Prinsinn af Wales
– Kveðja frá íslensku þjóðinni
Norðan úr hafi hvar nákaldir vindar,
nauða við gluggann um síðkvöldin löng,
flytjum við dýrðar- og fagnaðarsöng,
því fljótlega marka skal endalok syndar.
Ástleitni mennina áfram mun teyma,
ofsögum þetta er tæplega sagt,
og nú verður brúðkaup með pompi
og pragt,
en pínlegum ágalla skulum við gleyma.
Þjóðin leggst ekki í þvermóðsku og fýlu,
þó allir viti að staðan er sú,
að prinsinn sem eignast í alvöru frú,
aldrei mun ganga til drottningarhvílu.
Verðandi konungur heimsveldishirðar,
af hetjuskap sannlega axlar þær byrðar!
Rapprokksveitin Quarashi hefur
selt rúmlega 30 þúsund eintök af
plötunni Guerilla Disco í Japan.
Aðeins er rétt rúmur mánuður
síðan platan kom út þar í landi en
búið var að panta rúm 25 þúsund
eintök fyrirfram.
Quarashi á stóran aðdáenda-
hóp í Japan og hafa plötur sveit-
arinnar selst þar í um 100 þús-
und eintökum. Einnig eru til jap-
anskar aðdáendasíður sveitar-
innar, þar á meðal quarashi.jp.
Japanska útgáfan af Guerilla
Disco skartar breyttu umslagi
sem Ómar Örn Swarez, liðsmaður
sveitarinnar, hannaði. Auk þess
fylgir hverri plötu frír Quarashi-
blekpenni sem er ýmsum góðum
eiginleikum gæddur. ■
Skæruliðadiskó í 30 þúsund eintökum
QUARASHI
Rapprokkararnir njóta gríðar-
legra vinsælda í Japan.
Friðrik Weisshappel virðist vera
að slá í gegn með kaffihúsinu sínu
Laundromat Café á Norðurbrú í
Kaupmannahöfn. Á dögunum birt-
ist grein í tímaritinu Time um
kaffihúsaflóruna sem prýðir
Norðurbrú og þau bestu tekin út,
þar á meðal kaffihúsið hans
Frikka.
Í Time segir meðal annars að
Anders Fogh Rassmusen, forsæt-
isráðherra Dana, hafi kallað kaffi-
húsið hans Frikka „það svalasta á
Norðurbrú“ eða eins og segir í
greininni „the coolest in
Nørrebro“. Kate Poulsson, grein-
arhöfundur Time, virðist vera á
sömu skoðun og forsætisráðherr-
ann. Í greininni byrjar hún á því
að lýsa staðnum og segir að þar sé
hægt að þvo þvott eða velja sér
notaða bók úr fjögur þúsund titl-
um sem þar eru til sölu.
Í viðtalinu segir Frikki að fólk
hafi tekið staðnum vel „því í nú-
tímasamfélögum er mikilvægt að
nýta tímann vel. Hér geta gestir
borðað hádegismat og sinnt dag-
legum heimilisstörfum“.
Höfundurinn endar síðan
greinina á því að fjalla um Norð-
urbrú og segir að þar hafi kaffi-
húsaflóran þrifist vel ekki síst
svokölluð fusion-kaffihús. Hug-
takið vísar þó ekki til ólíkra rétta
á matseðli, heldur sé hægt að
blanda saman kaffidrykkju og
mat við annars konar iðju, frá inn-
kaupum til þvotta.
Frikki er enginn nýgræðingur
þegar kemur að rekstri kaffihúsa.
Hann opnaði og rak meðal annars
Kaupfélagið við Laugaveg sem
naut talsverðrar hylli sem og
Kaffibarinn. Hann hannaði einnig
Gráa köttinn við Hverfisgötu.
Frikki opnaði Laundromat
Cafe ásamt þremur vinum sínum í
fyrra. Kaffihúsið, sem líkist að
mörgu leyti Kaupfélaginu, stend-
ur við Elmegade sem er hliðar-
gata af Nørrebrogade, einni
skemmtilegustu götu Kaup-
mannahafnar. ■
ANDERS FOGH RASMUSSEN: HEILLAÐIST AF LAUNDROMAT CAFÉ
Forsætisráðherra Dana
hrifinn af Frikka
FRÉTTIR AF FÓLKI
HIN HLIÐIN
HIN HLIÐIN Á HEIÐARI JÓNSSYNI, SNYRTI, SJÓNVARPSMANNI OG FLUGÞJÓNI
Hvernig ertu núna? Mér líður voða vel en hef ógurlega mikið að gera, sem
fylgir kvíðablandin ánægjutilfinning.
Augnlitur: Blágrár.
Starf: Sköllótt flugfreyja og sjónvarpsuppistandari.
Stjörnumerki: Ljón.
Hjúskaparstaða: Fráskilinn.
Hvaðan ertu? Vestan af Snæfellsnesi.
Helsta afrek: Annað sætið í bringusundi á Lýsuhóli, 11 ára á eftir Valda á
Fossi.
Helstu veikleikar: Ég er grenjuskjóða.
Helstu kostir: Grenjuskjóða. Konum finnst það sætt.
Uppáhaldssjónvarpsþáttur: Allt í drasli.
Uppáhaldsútvarpsþáttur: Fréttir á gömlu gufunni.
Uppáhaldsmatur: Saltkjöt og baunir.
Uppáhaldsveitingastaður: Ítalía.
Uppáhaldsborg: Rio de Janeiro og Nashville í Tennessee.
Mestu vonbrigði lífsins: Að eignast ekki fleiri börn.
Áhugamál: Mannlíf, fegurð og ferðalög.
Viltu vinna milljón? Já, almáttugur!
Jeppi eða sportbíll? Jeppi. Ég þarf alltaf að fara yfir ár á fjöru þegar ég
fer heim.
Hvað ætlaðir þú að verða þegar þú yrðir stór? Ætlaði að verða fræg-
ur fatahönnuður, en varð fræg fyrirsæta með meiru.
Hver er fyndnastur/fyndnust? Helga Braga.
Hver er kynþokkafyllst(ur)? Halla Bryndís Jónsdóttir, Ungfrú Ísland
1985.
Trúir þú á drauga? Já, bæði trúi og hef séð.
Hvaða dýr vildirðu helst vera? Lítill kjölturakki í eigu fegurðar-
dísar í Hollywood.
Hvaða dýr vildirðu ekki vera? Padda.
Áttu gæludýr? Ekki núna, en átti fimm ketti þegar ég var í
hjónabandi.
Besta kvikmynd í heimi: The Longest Day um innrásina á
Normandí.
Besta bók í heimi: Þrúgur reiðinnar eftir John Steinbeck.
Næst á dagskrá: Að fara til Leeds og fljúga.
9.8.1948
Konum finnst grenjuskjóður sætar
...fær Sportkafarafélag Íslands
fyrir að halda hátíðlegan köfun-
ardag í gær og bjóða almenningi
upp á að reyna við sportið.
HRÓSIÐ
KARL BRETAPRINS OG KAMILLA Í til-
efni brúðkaupsins efndi Hið konunglega
fjelag til kvæðakeppni.
Á ÞRIÐJUDÖGUM

Auglýsingasíminn

er 550 5000
auglysingar@frettabladid.is
- mest lesna blað landsins -
ANDERS FOGH Er hrifinn af kaffihúsinu
hans Frikka og kallaði staðinn meðal ann-
ars „það svalasta á Norðurbrú“.
FRIKKI WEISSHAPPEL Hann hefur heillað forsætisráðherra Dana upp úr skónum með kaffihúsinu sínu Laundromat Café.
FR
ÉT
TA
B
LA
Ð
IÐ
/V
IL
H
EL
M