Fréttablaðið - 17.04.2005, Blaðsíða 6

6 17. apríl 2005 SUNNUDAGUR
Skorað á sveitarfélög og íbúa á landsbyggðinni:
Sveitarfélög eiga að kaupa í Símanum
SVEITARSTJÓRNARMÁL „Sveitar-
stjórnir landsins ættu að láta
þau skilaboð ganga til íbúa sinna
að ef þeir kaupi hlut í Símanum
muni sveitarfélag viðkomandi
setja sömu upphæð til slíkra
hlutabréfakaupa.“
Þetta er mat Hauks Más Sig-
urðssonar, fyrrverandi forseta
bæjarstjórnar Vesturbyggðar
og núverandi varamanns í
bæjarstjórn.
„Með þessum hætti gætu
sveitarfélögin bæði tryggt það
að þeirra menn kæmu að stjórn-
un og þar með tryggt að þjón-
ustustig á landsbyggðinni
minnki ekki og að við verðum
ekki eftir á í uppbyggingu nýrr-
ar tækni. Einnig er þetta arð-
semisfjárfesting sem sveitar-
félögin ættu að sjá sér hag í,“
segir Haukur.
Birna Lárusdóttir, forseti
bæjarstjórnar Ísafjarðabæjar,
hefur efasemdir um hugmynd-
ina. „Ísafjarðarbær gerir ekki
ráð fyrir slíkum fjárfestingum
og ég efast um að önnur sveitar-
félög geri það. Hins vegar er
starfandi hér á Ísafirði eignar-
haldsfélag sem bæjarstjórn
kom á fót og stjórn þess gæti
eflaust séð möguleika í slíkum
fjárfestingum,“ sagði Birna.
– jse
Póst- og fjarskiptastofnunin:
Farsímanotendum fjölgar
á kostnað heimasímans
FJARSKIPTAMÁL Símtölum í farsíma-
kerfum símafyrirtækja hérlendis
fjölgar jafnt og þétt á kostnað al-
menna símkerfisins en notendur
þess hafa ekki verið færri síðan
1997. Fjöldi smáskilaboða milli
farsíma hefur þrefaldast á síðustu
fjórum árum.
Þetta er meðal þess sem fram
kemur í úttekt Póst- og fjarskipta-
stofnunar á fjarskiptamarkaðnum
á síðasta ári. Kemur þar fram að
þeim fjölgar hratt sem aðgang
hafa að háhraðanettengingum
hérlendis og eru nú um 50 þúsund
manns með slíkar tengingar.
Símtölum í fastanet fækkar
mikið en símtölum í farsímanet-
um fjölgar og sérstaklega er
aukning svokallaðra smáskila-
boða, SMS, mikil. Íslendingar
sendu tæplega 160 milljón slík
skilaboð á síðasta ári. Kostnaður
hvers og eins er um tíu krónur og
því högnuðust símafyrirtækin um
1,6 milljarða króna á smáskilaboð-
um landsmanna. - aöe
Lifa ekki af
án breytinga
Utanríkisráðherra Bandaríkjanna fór hörðum orðum um Sameinuðu þjóð-
irnar og réttlætti umdeilt val sitt á nýjum sendiherra með því að hann væri
besti maðurinn til að koma nauðsynlegum breytingum í gegn.
BANDARÍKIN, AP Condoleezza Rice,
utanríkisráðherra Bandaríkjanna
var harðorð í garð Sameinuðu
þjóðanna þegar hún ávarpaði fund
Samtaka bandarískra ritstjóra
fréttablaða.
„Það er engin launung að Sam-
einuðu þjóðirnar geta ekki lifað af
sem áhrifamikið afl í alþjóðlegum
stjórnmálum ef samtökin verða
ekki skipulögð upp á nýtt, ef þau
endurskipuleggja ekki stofnanir
sínar, ef þau endurskipuleggja
ekki yfirstjórn sína og stjórnunar-
aðferðir,“ sagði Rice.
Rice sagðist hafa valið John R.
Bolton sem sendiherra Bandaríkj-
anna hjá Sameinuðu þjóðunum
sérstaklega til að þrýsta á um að
samtökin gengju í endurnýjun líf-
daga þannig að þau héldu vægi
sínu á alþjóðavettvangi.
Tilnefning Bolton hefur verið
gagnrýnd harðlega þar sem hann
hefur lengi verið meðal hörðustu
gagnrýnenda Sameinuðu þjóð-
anna.
Eins mikilvæg stofnun og sam-
tökin eru verður að segjast að
sumt í fari þeirra er alls ekki svo
mikilsvert,“ sagði Rice. „Allir
gera sér grein fyrir því og við
verðum að bæta úr því.“
Deilur Bandaríkjanna og for-
ystu Sameinuðu þjóðanna hafa að
undanförnu komið skýrast fram í
átökum um hvernig staðið var að
olíusölu Íraka fyrir innrásina í
Írak.
Hún átti að gera Írökum kleift
að kaupa mat og lyf fyrir lands-
menn en sýnt hefur verið fram á
spillingu í tengslum við áætlun-
ina.
Bandarískir þingmenn hafa
sótt hart að Kofi Annan, aðalritara
Sameinuðu þjóðanna, og hefur
þess meðal annars verið krafist að
hann léti af embætti. Hann sneri
vörn í sókn í vikunni og sagði að
Bandaríkjamenn og Bretar hefðu
hunsað olíusmygl frá Írak á síð-
asta áratug síðustu aldar þegar
það hentaði bandamönnum þeirra.
Þar braut hann óskráða reglu því
hingað til hafa helstu forystu-
menn Sameinuðu þjóðanna forð-
ast að fara niðrandi orðum um
aðildarríki eða einstaklinga. ■
Ólöglegir starfsmenn:
Verktaki
fyrir dóm
ÁKÆRA Ákæra á hendur Jóni Guð-
mundssyni fyrir brot á lögum um
útlendinga, atvinnuréttindi út-
lendinga og almenn hegningarlög
var þingfest hjá Héraðsdómi
Suðurlands.
Jón er ákærður fyrir að hafa
nýtt starfskrafta þriggja Pólverja
til byggingavinnu við nýtt hótel
sem nú er að rísa á landi Drangs-
hlíðar 1, Rangárþingi eystra, án
þess að þeir hefðu tilskilin at-
vinnuleyfi til að vinna hér. Einnig
fyrir að hafa veist að rannsóknar-
lögreglumanni og kastað í hann
farsíma við yfirheyrslu á lög-
reglustöðinni á Selfossi. - sgi
BOTNPLATAN STEYPT
Framkvæmdir við bílastæðishúsið á Lauga-
vegi 21 eru nokkrum vikum á eftir áætlun.
Bílastæðishús:
Á eftir
áætlun
BORGARMÁL „Framkvæmdirnar
eru aðeins á eftir áætlun en við
stefnum ótrauð að því að opna
sem fyrr á þessu ári,“ segir Stefán
Haraldsson, framkvæmdastjóri
Bílastæðasjóðs Reykjavíkurborg-
ar, um bílastæðahús sem rísa á að
Laugavegi 21.
Vinna er hafin hjá verktakan-
um við að steypa botnplötu húss-
ins en alls verða bílastæði á þrem-
ur hæðum. Á jarðhæð verða versl-
anir og íbúðir þar fyrir ofan. Stef-
án segir að þrátt fyrir að verkið
hafi tafist um nokkrar vikur sé
enn stefnt að því að opna húsið á
árinu og telja megi líklegt að það
markmið náist. - aöe
Geimskot:
Komnir á
sporbaug
KASAKSTAN, AP Þremur geimförum
var skotið út í himingeiminn frá
Baikonur í Kasakstan. Förinni var
heitið í alþjóðlegu geimstöðina
sem sveimar á sporbaug um
jörðu.
Geimfararnir þrír eru frá
Rússlandi, Bandaríkjunum og
Ítalíu og munu þeir leysa tvo
geimfara af hólmi sem hafa dval-
ið í stöðinni að undanförnu.
Þremenningarnir munu sinna
ýmsum störfum næsta hálfa árið.
Meðal annars munu þeir veita
bandarískum geimförum viðtöku
en það verður fyrsta geimskot
Bandaríkjamanna síðan geimferj-
an Kólumbía sprakk fyrir tveimur
árum. ■
Beint flug til Mexico við
Karabíska hafið með Trans-
Atlantic, 13 nætur og 14 dagar.
Ótrúleg tilboðsverð
Heillandi menning Maya indíána – pýramídar, óviðjafnanleg
endalaus hvít strönd, kristaltær sjórinn, næst stærsta kóralrif
heims, næturlíf, verslanir, skemmtigarðar, ævintýraferðir og
þjóðgarður með fjölbreyttu dýralífi t.d.krókódílar, apar og
jagúar.
Verðdæmi
Brottfarir:
25. maí uppselt
8. og 2.2. júní takmarkað sætamagn
Carmen Inn 3 stjörnur
2ja manna herbergi 92.775 kr.
Barn 0-2 ára 3.957 kr.
Barn 2-11 ára 69.354 kr.
Innifalið flug gisting , rúta til og frá flugvelli og flugvallar-
skattar.
Real Playa Del Carmen 4 stjörnur - Allt Innifalið
2 manna herbergi 114.800 kr
Barn 0-2 ára 3.957 kr.
Barn 2-11 ára 69.354 kr.
Innifalið:
Innifalið: Flug, skattar, gisting, rúta til og frá flugvelli, flug-
vallarskattur. Allur matur og
innlendir drykkir(áfengir/óáfengir).
fjölbreytt skemmtidagskrá, kvöld-
sýningar(show). Þá má nefna tennis,
blak og siglingar.
Flugsæti með sköttum 69.320 kr.
,
, ,
, , , ,
. . ,
.
.
. . .
. .
. .
. .
,
.
.
. .
. .
, , , ,
.
.
,
. ,
.
Sími 588 8900 • www.transatlantic.is
Hefði átt að vísa Inter Milan
úr Evrópukeppnum næsta árs
vegna óláta í leik liðsins við
AC Milan?
SPURNING DAGSINS Í DAG:
Verður næsti páfi ítalskur?
Niðurstöður gærdagsins á visir.is
19,3%
80,7%
Nei
Já
Farðu inn á fréttahluta visir.is
og segðu þína skoðun
KJÖRKASSINN
AP
M
YN
D
SOYUZ-ELDFLAUGIN
Það var fögur sjón að sjá flaugina bera við
morgunhimininn í Kasakstan.
RICE MEÐ SPÆNSKA UTANRÍKISRÁÐHERRANUM MIGUEL ANGEL MORATINOS
Condoleezza Rice fór hörðum orðum um Sameinuðu þjóðirnar og sagði að í núverandi
mynd yrðu þær áhrifa- og valdalausar í heimsstjórnmálum.
ARÐSÖM SMÁSKILABOÐ
Íslendingar sendu um 160 milljón smáskilaboð á síðasta ári en sending hvers og eins
kostar milli níu og tíu krónur.
Hótel Valhöll:
Nokkrir
áhugasamir
VALHÖLL Þó nokkrir hafa sýnt
rekstri Hótel Valhallar á Þingvöll-
um áhuga, segir Guðmundur Guð-
mundsson hjá Ríkiskaupum sem
bjóða reksturinn út. Frestur til að
senda inn umsókn rennur út á
mánudag en um er að ræða veit-
ingasölu yfir sumarmánuði og
hugsanlega einhvern takmarkað-
an rekstur á veturna. Engin starf-
semi er í Valhöll sem stendur en
veitingamaðurinn sem rekið
hefur hótelið síðustu þrjú ár hætti
þar sem hann sá engan rekstrar-
grundvöll lengur fyrir staðnum. ■
SÍMINN
Fyrrverandi forseti bæjarstjórnar Vestur-
byggðar telur að sveitarstjórnir og íbúar á
landsbyggðinni eigi að stilla saman strengi
þegar komi að sölu Símans. Forseti bæjar-
stjórnar Ísafjarðarbæjar telur ólíklegt að
sveitarfélög muni taka beinan þátt í slíkum
fjárfestingum.