Fréttablaðið - 17.04.2005, Blaðsíða 55

SUNNUDAGUR 17. apríl 2005
“Áruljósmyndun og
túlkun litanna. 15 ára
reynsla og þekking.
Guðný”
Reykjavíkurvegur 62
og Sími 565-2233
„Það er erfiðara að semja tón-
verk fyrir börn að því leyti til að
þau eru hreinskilnari og segja
hreint út ef þeim leiðist. Maður
er því ögn taugaveiklaðri þegar
maður á von á dómi barna meðal
hlustenda,“ segir tónskáldið og
píanókennarinn Snorri Sigfús
Birgisson sem samið hefur tón-
verk við smásöguna Stúlkan í
turninum eftir Jónas Hallgríms-
son. Tónverkið var samið að
beiðni Sinfóníuhljómsveitar
Norðurlands og verður frumflutt
í Samkomuhúsinu á Akureyri í
dag klukkan 16, í samstarfi við
Leikfélag Akureyrar.
Snorri Sigfús segist ekki taka
gagnrýni barna nærri sér. „Ég
hef samið nokkur tónverk sem
þau spila sjálf, en þetta er hið
fyrsta fyrir börn sem hlustendur.
Hvað sem börn segja er ánægju-
legt því að þau eru eins og þau
eru, hispurslaus og hreinskilin.
Sjálfur er ég vonandi í meiri
tengslum við heim barna sem
kennari og opnari fyrir vikið, fæ
óbeint hugmyndir og dygg ráð úr
þeirra ranni, en það eykur skiln-
ing barna og vitund að heyra sem
mest af mismunandi músík.“
Á tónleikunum verða flutt
nokkur lög úr söngleiknum Óli-
ver, en aðgangur er ókeypis fyrir
20 ára og yngri. ■
Tímalaus
kökuþjófur
Kínverskur karl var handtekinn
eftir að hafa ruplað kökum
þrisvar sinnum á sama klukku-
tímanum í sama bakaríinu í
Changhun. Maðurinn ruddist inn í
bakaríið og heimtaði að starfsfólk
gæfi honum kökusneið.
„Hann kom hingað vopnaður
hnífi og sagði okkur að standa
kyrr, tók tvær kökur og hljóp í
burt,“ sagði bakarinn, sem þótti í
fyrstu ástæðulaust að kalla til lög-
reglu vegna minniháttar skaða.
Eftir tíu mínútur kom þjófur-
inn aftur og stal tveimur kökum
til viðbótar. Hringdi þá bakarinn í
lögreglu, sem var mætt á staðinn
hálftíma síðar þegar þjófurinn
birtist á ný. Í fyrstu þóttist hann
vera útlendingur, en viðurkenndi
að lokum að vera glorsoltinn.
KÍNVERSKAR VÍSDÓMSKÖKUR
SNORRI SIGFÚS BIRGISSON TÓN-
SKÁLD Snorri Sigfús segir sögu Jónasar
skemmtilegt ævintýri, spennandi og
dramatískt.
Börn hreinskilnir
hlustendur