Fréttablaðið - 02.05.2005, Blaðsíða 2

2 2. maí 2005 MÁNUDAGUR
Almenningur hitti einkavæðingarnefnd:
Kröfurnar ítrekaðar í bréfi
EINKAVÆÐING Forsvarsmenn Al-
mennings ehf., félags um kaup al-
mennings á Landssíma Íslands,
skrifuðu einkavæðingarnefnd
bréf í gærkvöld og ítrekuðu kröfu
sína um að fá upplýsingar til að
geta metið og tekið upplýsta af-
stöðu við gerð tilboða í Símann.
Orri Vigfússon, fulltrúi Al-
mennings ehf., segir að aðeins sé
óskað eftir þeim upplýsingum
sem nauðsynlegar séu. Ekkert
svar hafi verið gefið en búast
megi við að það liggi fyrir eftir
fund einkavæðingarnefndar á
miðvikudag.
Agnes Bragadóttir og Orri Vig-
fússon, fulltrúar Almennings ehf.,
fóru á fund nefndarinnar í við-
skiptaráðuneytinu í gærmorgun
og afhentu þar umboð frá 1.800
einstaklingum um að fá afhent
gögn framkvæmdanefndarinnar
og Morgan Stanley um sölu Sím-
ans.
„Við buðum upp á samvinnu
með hvaða hætti þetta verður
gert, á rafrænan hátt eða annan.
Svo ræddum við líka tímapress-
una,“ segir Orri. - ghs
Umboðsmaður Alþingis um útflutning á hrefnukjöti:
Ráðuneytið hafði ekki vald
ÚTFLUTNINGUR Umhverfisráðuneyt-
ið hafði ekki vald til að fjalla efn-
islega um fyrirhugaðan útflutning
á hrefnukjöti til Kína og verður að
meta afturköllun þess á leyfi til
útflutnings á hrefnukjöti frá 2004
með hliðsjón af því. Dómstólar
eiga að skera úr um gildi leyfisins
og afturköllun þess, sem og um
hugsanlega skaðabótaskyldu rík-
isins verði leitað eftir því.
Þetta er niðurstaða umboðs-
manns Alþingis í framhaldi af
kvörtunum yfir ákvörðunum um-
hverfisráðuneytisins.
Hann telur jafnframt að um-
hverfisráðuneytið hafi veitt rang-
ar leiðbeiningar um það hvert
ætti að snúa sér til að fá upplýs-
ingar um það hvort leyfi þyrfti til
útflutnings á hrefnukjöti og að
dómstólar verði að skera úr um
hvort ríkið beri skaðabótaábyrgð í
ljósi þessa. Þá telur hann að um-
hverfisráðuneytinu hafi tekist illa
til um stjórnsýslu í málinu.
Umboðsmaður beinir því til um-
hverfisráðherra að taka tillit til
gagnrýni á stjórnsýslu umhverfis-
ráðuneytisins og vekur athygli sjáv-
arútvegsráðherra á álitinu. - ghs
Dómstóll dæmir gegn
virkum lífeyrisréttindum
Skerðing á lífeyri fyrrverandi starfsmanns Seðlabankans fer fyrir Hæstarétt á
næstunni. Í lögfræðiáliti um eftirlaun ráðherra, þingmanna og dómara er
varað við skerðingu á eftirlaunaréttindum þeirra sem þegar þiggja þau.
LÍFEYRISMÁL Nokkrir af fyrrver-
andi starfsmönnum Seðlabankans
hafa reynt að fá skerðingu á líf-
eyrisréttindum sínum hnekkt með
dómi en án árangurs. Seðlabank-
inn og Lífeyrissjóður banka-
manna hafa í fleiri en einu máli
verið sýknaðir bæði í undirrétti
og Hæstarétti.
Málið má rekja til ársins 1998,
en þá tók við ný reglugerð um líf-
eyrisréttindi starfsmanna Lands-
bankans og Seðlabankans í tengsl-
um við einkavæðingu Landsbank-
ans. Með reglugerðinni var meðal
annars afnumin svokölluð eftir-
mannsregla, en hún kveður á um
að eftirlaun miðist við launa-
hækkanir eftirmanns í starfi í
stað þess að miðast við verðtrygg-
ingar af öðrum toga.
Fjöldi starfsmanna Seðlabank-
ans, sem nú þiggja eftirlaun sam-
kvæmt nýju reglugerðinni, telja
að um svik á ráðningarsamningi
sé að ræða, enda hafi í áratugi
verið vísað til hagstæðra lífeyris-
trygginga í samningum um kaup
og kjör. Einnig feli skerðingin í
sér brot á eignarrétti, sem varinn
er í stjórnarskránni.
Loks geti
verið um brot á jafnræðisreglu að
ræða þar sem eitt sé látið gilda
um þá en annað um aðra banka-
starfsmenn.
Sigurður Örn Einarsson, fyrr-
verandi yfirmaður aðalskrifstofu
Seðlabankans, tapaði skaðabóta-
máli á hendur bankanum vegna
skerðingarinnar í Hæstarétti í
fyrra. Mál Jóhanns T. Ingjalds-
sonar, fyrrverandi aðalbókara
Seðlabankans, gegn Lífeyrissjóði
bankastarfsmanna hefur nú verið
þingfest í Hæstarétti. Sjóðurinn
var sýknaður af kröfum hans í
Héraðsdómi Reykjavíkur í des-
ember síðastliðnum. Jóhann hóf
töku lífeyris þegar árið 1991 og
hafði því notið eignar sinnar í
sjóðnum í sjö ár þegar til skerð-
ingar kom með nýrri reglu-
gerð. Dómurinn taldi
að virk lífeyris-
taka samkvæmt
eldri reglum
skipti ekki máli
þar sem
úttekt á skuldbindingum sjóðsins
miðaðist við nýju reglurnar en
ekki eldri skuldbindingar.
Í nýju lögfræðiáliti Karls
Axelssonar og Lilju Jónasdóttur
um eftirlaunaréttindi ráðherra,
þingmanna og dómara er varað
við því að hrófla við eftirlauna-
réttindum þeirra sem þegar
þiggja þau. Hæstaréttur hefur
einnig áréttað í máli frá árinu
2002 að heimild til að skerða virk
lífeyrisréttindi sé þröng.
Umrædd skerðing lífeyrisrétt-
inda frá árinu 1998 nær til fjölda
fyrrverandi starfsmanna Seðla-
bankans og getur í fyllingu tímans
numið tugum eða jafnvel hundruð
milljónum króna.
Bílstjórar sömu bifreiðar:
Grunaðir
um ölvun
LÖGREGLA Klukkan hálfsjö að
morgni sunnudags barst lögregl-
unni í Kópavogi tilkynning um
hugsanlega ölvaðan ökumann bif-
reiðar sem á Breiðholtsbraut við
Nýbýlaveg. Þegar lögreglan nálg-
aðist bílinn ók bifreiðin af stað.
Lögreglan stöðvaði þá bifreiðina
og kom í ljós að bílstjórinn hafði
verið farþegi í annarri bifreið og
boðist til að keyra bílinn fyrir um-
ræddan ökumann. Ekki vildi bet-
ur til en svo að þeir eru báðir
grunaðir um ölvun við akstur. ■
Könnun IMG Gallup:
Stjórnin með
minnihluta
KÖNNUN Ríkisstjórnin missir
meirihlutafylgi samkvæmt nýrri
könnun IMG Gallup sem sagt var
frá í fréttum Ríkissjónvarpsins í
gær, en stuðningur við stjórnina
mælist 49 prósent.
Sjálfstæðisflokkurinn er með
37 prósenta fylgi og fylgi Fram-
sóknarflokksins er tíu prósent.
Samfylkingin er með tæplega 32
prósenta fylgi og endurheimtir
þrjú prósentustig sem hún tapaði í
mars. Fylgi Vinstrihreyfingarinn-
ar – græns framboðs er nær
óbreytt; 15,5 prósent. Frjálslyndi
flokkurinn er í sókn með sex pró-
senta fylgi. Svörin byggjast á
símakönnun sem gerð var 31.
mars til 27. apríl. - lkg
Fjórtán ára stúlka:
Ók út af vegi
LÖGREGLA Lögreglan í Kópavogi
fékk aðfaranótt sunnudags upp-
lýsingar um bifreið sem hafði ver-
ið ekið út af í Álfabakka. Ökumað-
urinn reyndist vera fjórtán ára
gömul stúlka og hafði hún stolið
bifreiðinni frá heimili sínu. Með
henni í för var jafnaldra hennar.
Þegar stúlkan ók úr Breiðholti í
Mjóddina keyrði hún á móti ein-
stefnu í Álfabakka. Þar fór bif-
reiðin fram af háu barði við enda
götunnar og niður talsverðan
halla þar sem hún lenti í grjóti.
Bifreiðin valt þó ekki og hvoruga
stúlkuna sakaði. Stúlkan sem sat
við stýri er grunuð um ölvun við
akstur og kemur málið til
afgreiðslu félagsmálayfirvalda
því stúlkan er ósakhæf. ■
Höfnin á Reyðarfirði:
Kaupir lóðsbát
FJARÐABYGGÐ Allar líkur eru á því
að bæjaryfirvöld í Fjarðabyggð
kaupi lóðsbát í lok næsta árs og
kemur báturinn þá til landsins
árið 2007, um svipað leyti og höfn-
in verður fullbyggð og frágengin.
Guðmundur Bjarnason bæjar-
stjóri segir að ekki hafi verið
ákveðið hvernig kaupin verði
fjármögnuð. Sveitarfélagið sé
afar skuldugt eins og staðan sé í
dag og á undanþágu frá félags-
málaráðuneytinu.
Ljóst sé þó að auknar lántökur
þurfi að einhverju leyti. - ghs
SPURNING DAGSINS
Hlynur, er hægt að panta spá
hjá þér?
„Ef málefnið er brýnt og kallar á skjót
og greið svör má fólk hringja í mig. Ég
er reyndar mjög dýr – tek 5.000 þýsk
mörk fyrir hvern spádóm.“
Hlynur Áskelsson, öðru nafni Ceres 4, þykir afar
sannspár í textasmíðum sínum. Hann söng lagið
Stoke er djók og spáði þannig fyrir um endalok
Stoke-veldisins sem nú er orðið að veruleika.
Hann spáði einnig fyrir um fangelsisvist Árna
Johnsen svo dæmi sé tekið en spádómana er
hægt að sjá á heimasíðu hans, ceres4.com.
■ BJÖRGUN
SEÐLABANKI ÍSLANDS
Mál nokkurra fyrrum starfsmanna Seðla-
bankans fer fyrir Hæstarétt á næstunni,
en þeir segja breytingar á lífeyrisréttind-
um vera svik á ráðningasamningi.
UNDIRSKRIFTALISTAR AFHENTIR
Agnes Bragadóttir og Orri Vigfússon, full-
trúar Almennings, héldu á fund einkavæð-
ingarnefndar í viðskiptaráðuneytinu í gær-
morgun. Þar afhentu þau umboð sín til að
fá afhent nauðsynleg gögn til að geta gert
tilboð í Símann.
FR
ÉT
TA
B
LA
Ð
IÐ
/H
EI
Ð
A
H
EL
G
AD
Ó
TT
IR
UNGUR DRENGUR SLASAÐIST
Drengur fæddur 1989 slasaðist á
æfingu með unglingadeild björg-
unarsveitarinnar Sæbjargar á
Ólafsvík. Þyrla sótti hann klukk-
an hálffimm í gær og flutti hann
á slysadeild. Slysið atvikaðist
þannig að drengurinn lenti á milli
báts og innsiglingabauju. Hann
er fótbrotinn og með einhver sár
á fótlegg og handlegg.
HREFNUKJÖT TIL KÍNA
Umhverfisráðuneytið sýndi lélega stjórnsýslu og hafði ekki vald til að fjalla um fyrirhugað-
an útflutning á hrefnukjöti til Kína, hvað þá að afturkalla leyfi til útflutningsins. Þetta er
niðurstaða umboðsmanns Alþingis.
■ LÖGREGLUFRÉTTIR
ÁREKSTUR Ekið var á kyrrstæða
bifreið við Vinaminni á Suður-
götu 17 í Keflavíki í gær. Bifreið-
in sem ekið var á var rauður
Cadillac og voru nokkrar
skemmdir á vinstra frambretti
hennar. Mun þetta hafa gerst á
milli klukkan 15 og 17 en enn er
ekki vitað um tjónsvald.
johannh@frettabladid.is