Fréttablaðið - 02.05.2005, Blaðsíða 62

Bland í poka
Ég hef verið að velta fyrir mér að
nánast öll umfjöllun um nýlátinn
páfa snýr að því að hann hafi átt
stóran þátt í falli kommúnismans,
hafi eftir fremsta megni reynt að af-
stýra Persaflóastríðinu og ferðast
mikið. Aðeins ein grein sem ég veit
um hefur verið gagnrýnin á þá stað-
reynd að páfi heitinn barðist gegn
notkun smokksins! Hvað hefði mátt
bjarga mörgum mannslífum ef hann
hefði einfaldlega ekki sagt neitt?
Svo ég tali nú ekki um ef hann hefði
stutt notkun smokksins vegna
alnæmisfaraldursins sem geisar í
Afríku þar sem kaþólikkum hefur
fjölgað mest?
Ég er alveg ofboðslega ánægður
með hana Agnesi Bragadóttur fyrir
að fá okkur til að segja hingað og
ekki lengra. Ef ekki verður hlustað á
þessi skýru skilaboð sem þjóðin er
að senda þá vil ég hvetja Agnesi til
þess að fara alla leið, stofna flokk og
bjóða fram, það er þörf á slíku fólki
á Alþingi. Ég segi að jafnvel þó að al-
menningur nái sínu fram eigi Agnes
að stofna flokk og fara á þing. Það er
vöntun á alþingismönnum sem
manni finnst maður geta treyst. Ég
er ekki alltaf sammála Steingrími J.
en mér finnst hann vera nánast eini
maðurinn sem ég get treyst og er
ekki tilbúinn að selja sína sannfær-
ingu. Mér finnst alltaf jafn gaman að
horfa á hann kljást við andstæðinga
sína þar sem hann hefur yfirlett
betur vegna rökfestu sinnar og
þekkingar á málefninu. Mér finnst
vanta meiri hugsjón, meiri tengingu
við vilja þjóðarinnar og meira sjálf-
stæði í skoðunum hjá alþingismönn-
um. Ég vil Agnesi á þing.
Ég var svo heppinn að fá miða á
tónleika Roberts Plant hér í Köben
um daginn, ég var ekki bara ánægð-
ur yfir því tækifæri að fá í fyrsta
sinn að heyra og sjá söngvara Led
Zeppelin, heldur var ég svo heppinn
að njóta félagsskapar Óla Palla sem
er forseti Rokklandsins og einn fróð-
asti maður þjóðarinnar þegar kemur
að músík. Mér leið svona eins og ef
Laxnessinn sjálfur hefði lesið fyrir
mig Sölku Völku. Ég hafði líka fulla
þörf á að fá smá fyrirlestur um rokk
því að þegar Óli hringdi í mig og
bauð mér með sér á tónleikana þá
sagði ég kærustunni að Robert
Palmer væri að spila og þegar hún
var ekki með á nótunum þá spurði ég
hana hvort hún myndi ekki eftir lag-
inu Addicted to Love og videóinu
með öllum nöktu módelpíunum með
gítarana?!!!!! Þegar ég svo hitti Óla
Palla þá sagði ég honum að ég hlakk-
aði til að heyra þetta lag „læv“! Óli
leyfði mér að halda sjálfsvirðing-
unni með því að segja að það væru
algeng mistök að rugla saman þess-
um mönnum. Þetta voru frábærir
tónleikar og ekkert gefið eftir í
keyrslunni, sjö Zeppelin-lög tekin í
bland við nýtt efni, salurinn vel með
á nótunum og tilfinningin sú sama og
að vera á Kaffibarnum á góðu laug-
ardagskvöldi.
Kveðja, Frikki
HÚSIN Í BÆNUM
FRIÐRIK WEISSHAPPEL
Langholtsprestakall var stofnað 29. júní
1952. Þann 1. nóvember sama ár kom
séra Árelíus Níelsson til starfa og síðan
hófst safnaðarstarfið af fullum krafti.
Langholtskirkja stendur í Sólheimum í
Reykjavík og var vígð árið 1984. Kirkjuna
teiknaði Hörður Ágústsson, húsameistari
ríkisins, en allar viðbætur eru teiknaðar af
Þórarni Þórarinssyni arkitekt. Kórgluggi,
hliðargluggi og vesturgluggi eru eftir Sig-
ríði Ásgeirsdóttur glerlistamann og voru
vígðir 1999. Sama ár var orgel kirkjunnar
vígt, barokkorgel frá Noack-verksmiðjun-
um. Tónlistarlíf í kirkjunni er í miklum
blóma enda hljómburður þar með afbrigð-
um góður. Sóknarprestur Langholtskirkju
er séra Jón Helgi Þórarinsson.
Langholtskirkja
SELDAR EIGNIR Á HÖFUÐBORGARSVÆÐINU*
*Þinglýstir kaupsamningar, heimild Fasteignamat ríkisisins.
0
50
100
150
200
250
300 FJÖLDI
11/3-17/3
218
18/3-24/3
239
25/3-31/3
124
8/4-14/4
229
15/4-21/4
190
22/4-28/4
229