Fréttablaðið - 05.05.2005, Blaðsíða 61
FIMMTUDAGUR 5. maí 2005
Þegar ég geng inn í hótelherbergið til að hitta Or-
lando Bloom tek ég ekki strax eftir honum vegna
mannfjöldans í herberginu. Þegar ég svo sé hann
velti ég því fyrir mér hversu fíngerður maðurinn er.
Og hversu ótrúlega mikið hann minnir mig á leikar-
ann Errol Flynn, með síðu lokkana og sjóræningja-
skeggið. Síðar útskýrir hann að þessa dagana sé hann
að leika í tveimur framhaldsmyndum Pirates of the
Caribbean.
Orlando kemur fyrir sem frekar alvarlegur piltur.
Hann virðist vera örlítið taugastrekktur og leiklistin
hefur kennt honum að fela það ágætlega.
Það verður að segjast eins og er að hann er ekki
fyrsti maðurinn sem kemur upp í hugann þegar mað-
ur hugsar um riddara, sem heggur mann og annan í
von um að bjarga sál sinni.
„Mig langaði mikið til þess að stíga skrefið frá því að
vera strákur í það að verða maður með þessari
mynd,“ segir Orlando Bloom með kvenlegri röddu
sinni. „Hluti af því var að þyngja mig með
vöðvamassa. Það var líka mikilvægt fyrir persónuna.
Ég bætti á mig um tólf kílóum áður en tökur hófust,
en mest er núna farið af vegna þess að ég hef ekki
verið að lyfta jafn mikið eða borða eins.“
Þú ert eiginlega bara búinn að leika í svona hetju-
myndum frá því að þú braust upp á yfirborðið með
Lord of the Rings. Er á planinu að taka að sér annars
konar hlutverk bráðlega?
„Já, ég var reyndar að klára mynd með Cameron
Crowe sem heitir Elizabethtown og er rómantísk
gamanmynd. Ég fór beint í að gera hana eftir að ég
kláraði að skjóta Kingdom of Heaven. Það var alveg
gjörólíkt þessari reynslu.“
Ok, svona ein mynd fyrir stelpurnar?
„Já, kannski bara,“ segir Orlando, lítur undan, bros-
ir lítillega og roðnar.
Hvernig tilfinning er það eiginlega að enda stöðugt á
listum yfir kynþokkafyllstu menn veraldar?
„Æi, einn af mínum betri vinum benti mér á að það
verða alltaf til nýjar strákasveitir og alltaf nýr kyn-
þokkafullur ungur leikari. Það verður alltaf til ungt
fólk í heiminum fyrir fjölmiðla að hífa upp í hæstu
hæðir. Á þessu augnabliki virðist það vera ég en vin-
ir mínir hafa stutt mig í þessu, hjálpað mér að hafa
báða fætur á jörðinni. Og í raun og veru gefið mér
tækifæri til þess að gera það sem ég er að gera.“
Er það satt að þú sért lesblindur?
„Já, og það var mjög erfitt fyrir mig þegar ég var að
alast upp sem krakki.“
Er þá ekkert erfitt fyrir þig að læra textann að hand-
ritunum sem þú færð?
„Já og nei. Ég þarf bara að leggja mig meira fram en
aðrir, þetta hefur ekki verið mikið vandamál síðustu
árin.“
Þetta er fyrsta stóra aðalhlutverkið þitt, fannstu fyrir
pressu vegna þessa?
„Ég fór vel undirbúinn í áheyrnarprófið til Ridley
Scott. Og vegna þess að hann valdi mig og vegna þess
að ég hafði lagt mikla vinnu í þetta leið mér eins og
ég ætti þetta skilið. Ridley leggur mikið á sig til þess
að kreista það besta úr þeim sem hann vinnur með.
Hann var mjög skilningsríkur og studdi mig mikið.
Vegna þess fann ég ekki fyrir jafn mikilli pressu og
ég hefði getað gert.“
Breytti þessi mynd afstöðu þinni til trúarbragða, eða
stríðs?
„Já, við vissum að þetta viðfangsefni yrði viðkvæmt.
Það má rekja margar af deilum nútímans til þess
skaða sem varð á tímum krossferðanna. Mér finnst
fallegur boðskapur í myndinni og gott jafnvægi í
þessari sögu. Umburðarlyndið er mikið. Þeir sýna
báðar hliðar deilunnar mjög vel. Ég held á endanum
að himnaríki sé í huganum og hjartanu. Þangað
kemst maður ef maður tekur ábyrgð á sjálfum sér á
hverjum degi. Maður verður líka að vera vakandi
fyrir þeim sem eru í kringum sig. Þetta er mjög svip-
að heiðri riddaranna í myndinni.“
Heldurðu að svona kvikmyndir geti breytt hugarfari
almennings í garð trúarbragða?
„Já, ég held að ef myndir á borð við þessa hrinda af
stað umræðu, þá geti þær það. Til dæmis ef fólk átt-
ar sig á því að það sem er á seyði í þessari mynd hef-
ur í raun og veru verið í gangi í rúm þúsund ár.
Kristnir fóru til landsins helga til þess að drepa þá
sem þeir kölluðu „trúvillinga“. Þetta er búið að vera
eins og keppni í trúarbrögðum. Fyrir mér eru trúar-
brögð bara aðferð til þess að skilgreina trú margra
manna. Þetta snýst bara um hvernig maður kýs að
lifa lífi sínu,“ segir Orlando rétt áður en aðstoðarfólk
hans leiðir hann út, í næsta viðtal. ■
ORLANDO BLOOM „Mig langaði mikið til þess að stíga skrefið
frá því að vera strákur í það að verða maður með þessari mynd,“
segir Orlando Bloom.
Langar til a› ver›a a› manni
Orlando Bloom leikur í myndinni Kingdom of Heaven járnsmi› á 11. öld,
sem leggur af sta› til Jerúsalem í krossfer›. Birgir Örn Steinarsson hitti
leikarann í London.
60-61 (28-29) Helgar 4.5.2005 20:03 Page 3