Fréttablaðið - 05.05.2005, Blaðsíða 71
FIMMTUDAGUR 5. maí 2005 39
Athlete: Tourist
„Breska sveitin Athlete tekur við kyndlinum þar
sem Snow Patrol lagði hann frá sér. Sæmilegasta
hljómsveitarpopp eftir bresku hefðinni, sem virkar
svo auðvitað sérstaklega leiðingjarnt við ítrekaða
hlustun.“
BÖS
Out Hud: Let Us Never
Speak of it Again
„Þrír liðsmenn !!! (tjikk, tjikk, tjikk) starfa líka í
þessari sveit Out Hud sem var að gefa út aðra
breiðskífu. Elektróník fyrir þenkjandi fólk sem veit
ekkert betra í heiminum en að tapa sér í dansi.“
BÖS
Michael Bublé: It’s Time
„Bublé vill verða næsti Frank Sinatra. Hann er góð-
ur söngvari en of mikil eftirherma til að hægt sé
að setja hann á háan stall.“
FB
The Bravery: The Bravery
„The Bravery er líklegast hljómsveit sem þú átt
annaðhvort eftir að elska eða hata. Frumraun
þeirra er vandað sykurhúðað bílskúrsrokk sem
ætti að koma rokkáhugamönnum í gott skap,
a.m.k. að fá þá til að brosa.“
BÖS
Eric Clapton: Sessions
for Robert J.
„Erfitt er að taka út eitt lag á þessum tvöfalda grip
því víðast hvar fer Clapton á kostum, hvort sem
hann er einn að strjúka gítarinn eða með hljóm-
sveit sinni.“
FB
Trabant: Emotional
„Hirðsveit Bessastaða hefur alla tíð slegið á létta
strengi og slær hvergi slöku við. Tregablandið
gleðipoppið gengur fullkomlega upp enda um frá-
bærar lagasmíðar að ræða. Emotional er mögnuð
plata þar sem ástin, glimmer, gloss og gleði ráða
ríkjum.“
KH
Birgir Örn Steinarsson
Freyr Bjarnason
Kristján Hjálmarsson
[ SMS ]
UM NÝJUSTU PLÖTURNAR
Góð verslun
á góðum stað
Sumartilboð! Frí sólgler í þínum styrkleika þegar
keypt eru ný gleraugu. -6,00 / +4,00 cyl 2,00
Alex Kapranos, söngvari skosku
hljómsveitarinnar Franz Ferdin-
and sem spilar hér á landi 27. maí,
segir að á annarri plötu sveitar-
innar sé að finna tónlist sem stelp-
ur gráta yfir.
Ferdinand hefur verið í hljóð-
veri í Skotlandi að undanförnu að
vinna við plötuna. „Platan er farin
að taka á sig mynd,“ sagði
Kapranos á heimasíðu sveitarinn-
ar. „Ég sagði vini mínum að stelp-
ur gætu dansað við þessa plötu, en
þetta er frekar plata sem stelpur
gráta yfir. Að minnsta kosti geta
tár runnið niður kinnarnar á með-
an þær dansa.“ ■
FRANZ FERDINAND Skoska hljómsveitin
Franz Ferdinand er á leiðinni hingað til
lands í lok þessa mánaðar.
Hættir snemma
R&B söngvarinn Usher ætlar ekki
að ílengjast í tónlistarbransanum
vegna þess að hann segist ekki
geta haldið áfram á sama hraða á
fertugsaldri.
Usher, sem er þekktur fyrir
vinnusemi sína, er ánægður með
líf sitt eins og er en ætlar sér að
slaka á þegar hann eldist. „Ég
ætla ekki að vera þrítugur eða
fertugur listamaður sem fer í tón-
leikaferðir. Ég væri til að gera
það í frítíma mínum en ég vil ekki
vera 38 ára gamall, kófsveittur,
hlaupandi út um allt svið,“ sagði
hinn 26 ára Usher. ■
USHER Tónlistarmaðurinn Usher virðist
ekki eiga mörg ár eftir í bransanum ef
eitthvað er að marka orð hans.
Stelpur gráta yfir n‡rri plötu
OASIS Nýjasta plata sveitarinnar er komin
á netið. Platan verður gefin út 30. maí.
N‡ja platan
á netinu
Nýjasta plata hljómsveitarinnar
Oasis, Don’t Believe the Truth, er
komin í öllu sínu veldi á heima-
síðu iTunes í Þýskalandi. Þar er
hægt að hlaða inn hvert og eitt lag
plötunnar á löglegan hátt.
Platan, sem er sjötta hljóðvers-
plata Oasis, verður gefin út 30.
maí og koma þessi tíðindi liðs-
mönnum sveitarinnar því afar
illa. Ekki er vitað hvort Oasis mun
flýta útgáfu plötunnar, en hennar
hefur verið beðið með mikilli eft-
irvæntingu.
Síðasta plata Oasis, Heathen
Chemistry, kom út fyrir tæpum
þremur árum. Sveitin er þekktust
fyrir fyrstu tvær plötur sínar,
Definitely Maybe og (What’s the
Story) Morning Glory?, sem höfðu
að geyma slagara á borð við Live
Forever og Wonderwall.
70-71 (38-39) Tónlist 4.5.2005 20:08 Page 3