Fréttablaðið - 05.05.2005, Blaðsíða 75
Svo virðist sem hætt hafi verið við
tónleika þungarokkssveitarinnar
Megadeth sem hún ætlaði að halda
hér á landi 27. júní næstkomandi.
Búið er að taka niður tilkynn-
ingu um tónleikana á heimasíðu
sveitarinnar og svo virðist sem
einhver snurða hafi hlaupið á
þráðinn varðandi skipulagningu
atburðarins. Þungarokksaðdáend-
ur þurfa því að öllum líkindum að
bíða eitthvað lengur eftir því að
sjá hina fornfrægu rokkara í
Megadeth á sviði. ■
Megadeth
hætt vi›?
MEGADETH Svo virðist sem hljómsveitin Megadeth sé ekki á leiðinni hingað til lands.
Geimgrínmyndin The Hitch-
hiker´s Guide to the Galaxy var
frumsýnd á Íslandi í gær en hún
hefur farið feikilega vel af stað í
Bandaríkjunum og Bretlandi.
Myndin fór til dæmis langt fram
úr hasarmyndinni XXX 2 í miða-
sölunni í Bandaríkjunum um síð-
ustu helgi og tók um 22 milljónir
dollara í miðasölunni.
Myndin fór af stað með álíka
látum í Bretlandi en hún byggir
á vinsælli skáldsögu Douglas
Adams sem kom fyrst út árið
1979. Bókina byggði Adams svo
aftur á útvarpsþáttum sem hann
gerði fyrir BBC sem síðar gerði
einnig sjónvarpsþætti eftir
þannig að rætur The Hitch-
hiker´s Guide to the Galaxy eru
sterkar í Bretlandi.
Velgengni myndarinnar hefur
þegar komið af stað umræðum
um gerð í það minnsta tveggja
framhaldsmynda en Adams
fylgdi aðalpersónu sinni, Arthur
Dent, eftir á kostulegu ferðalagi
hans um vetrarbrautina í bókun-
um The Restaurant at the End of
the Universe, Life, the Universe
and Everything og So Long, and
Thanks for All the Fish.
Það er leikarinn Martin
Freeman sem fer með hlutverk
hins værukæra Dent sem neyð-
ist til þess að leggjast í geim-
ferðalag með nágranna sínum,
sem er geimvera, eftir að jörð-
inni er tortímt vegna vegafram-
kvæmda úti í geimnum. Free-
man er íslenskum sjónvarps-
áhorfendum að góðu kunnur en
hann lék hinn geðþekka Tim í
gamanþáttunum The Office sem
Sjónvarpið sýndi ekki alls fyrir
löngu. ■
Gró›avænleg geimfer›
FARSÆLIR PUTTALINGAR Ævintýri geimferðalangana í The Hitchhiker’s Guide to the
Galaxy er að slá í gegn í kvikmyndahúsum enda byggir myndin á kostulegri og sívinsælli
skáldsögu Douglas Adams.
74-75 (42-43) Bíóhúsin 4.5.2005 21:35 Page 3