Fréttablaðið - 18.05.2005, Blaðsíða 30

MIÐVIKUDAGUR 18. MAÍ 2005 MARKAÐURINN6
Ú T L Ö N D
Khodorkovskí dæmdur sekur
Örlög Yukos eru endanlega ráðin. Líklegt að ríkið eignast olíurisann.
Þórlindur Kjartansson
skrifar
Bandaríski auðkýfingurinn
Malcolm Glazer hefur nú tryggt
sér nægilega stóran hlut í knatt-
spyrnuliðinu Manchester United
til þess að geta einn síns liðs
breytt samþykktum félagsins og
notað eignir þess sem tryggingu
fyrir skuldum sínum.
Stuðningsmenn félagsins eru
æfir yfir þessari þróun mála og
nú stendur yfir undirbúningur að
stofnun nýs félags, FC United,
enda telja hörðustu stuðnings-
menn Manchester United að yfir-
taka Glazer marki endalok fé-
lagsins. Þeir segja að Glazer fjár-
magni kaupin að öllu leyti með
lántökum, þótt hann segist setja
33 milljarða af eigin fé í kaupin,
en félagið kostar í heild um hund-
rað milljarða króna.
Gunnar Gunnarsson situr í rit-
og vefnefndum Manchester
United-klúbbsins á Íslandi og
hefur verið í forsvari fyrir ís-
lenska aðdáendur félagsins
vegna yfirtöku Malcolms Glazer.
Hann segir að þótt íslenska félag-
ið hafi ekki gefið út formlega
ályktun vegna yfirtökunnar hafi
stjórnarmenn hér á Íslandi tekið
virkan þátt í mótmælum og fjár-
fest í Shareholders United, félag-
inu sem safnar hlutabréfum í
klúbbnum til að verjast ágangi
Bandaríkjamannsins. Markmið
Shareholders United er að trygg-
ja að Glazer geti ekki náð svo
stórum hlut í félaginu að hann
geti neytt alla aðra hluthafa til að
selja sér hlutabréfin sín.
Stuðningsmenn United telja
að Glazer muni þurfa að taka of
mikla áhættu í rekstrinum til
þess að standa skil á vaxta-
greiðslum af lánum. Gunnar
bendir á að offjárfesting í Lazio á
Ítalíu hafi skilað félaginu einum
meistaratitli en í kjölfarið hafi
félagið verið nálægt gjaldþroti.
Hið sama átti sér stað í Leeds en
félagið féll um deild nokkrum
árum eftir að hafa unnið meist-
aratitil og komist langt í Evrópu-
keppnum.
„Það sem menn óttast er hrun
félagsins. Hann þarf að koma fé-
laginu í stöðuga titla og það má
ekkert út af bregða. Glazer þarf
að tvöfalda eða jafnvel fjórfalda
hagnaðinn og við sjáum ekki
hvernig hann ætlar að fara að
því,“ segir Gunnar. Hann segir að
Manchester United hafi verið
stöðugasta stórlið Evrópu á síð-
ustu árum og hið eina sem alltaf
hafi komist áfram í Meistara-
deildinni. Slíkur árangur sé hins
vegar ekki tryggður og óttast
stuðningsmenn að undir stjórn
Glazers geti félagið orðið gjald-
þrota ef eitthvað smávægilegt
bregður út af.
Stuðningsmenn United telja
að Glazer muni selja Old Traf-
ford og hækka miðaverð upp úr
öllu valdi. Þeir benda á reynsluna
í Bandaríkjunum þar sem Tampa
Bay Buccaneers, amerískt fót-
boltalið í eigu Glazers, hefur rek-
ið lestina í sínum riðli eftir að
hafa unnið einn titil fyrir
nokkrum árum. Þar hefur miða-
verð hækkað og aðstaða til iðkun-
ar og áhorfs verið í niðurníðslu.
Bæði Landsbankinn og KB
banki hafa tekið þátt í kaupum
Glazers á hlutabréfum í United.
Gunnar segist vita til þess að
nokkrir íslenskir stuðningsmenn
íhugi að hætta í viðskiptum hjá
þessum bönkum í mótmæla-
skyni. Í Manchester er lagt að
stuðningsmönnum að hætta við-
skiptum við Vodafone, Audi, Nike
og Budweiser sem styðja United.
Með því vonast þeir til að fæla
fjárfesta frá Glazer.
EFNALAUG Í GÓÐUM REKSTRI
Efnalaug, lítil efnalaug í eigin húsnæði, góð
kaup fyrir samhent hjón eða sem viðbót við
aðra efnalaug.
Stuðningsmenn Rauðu djöflanna eru æfir yfir yfirtöku
Malcolms Glazer. Þeir óttast að hann muni steypa félaginu
í glötun. Íslenskir stuðningsmenn hafa stutt baráttuna gegn
bandaríska auðmanninum.
Glazer þarf að tvöfalda eða jafnvel fjórfalda hagnaðinn og við sjáum ekki
hvernig hann ætlar að fara að því,“ segir Gunnar.
GÆTTU ÞÍN GLAZER Það væri ekki góð
hugmynd hjá Glazer að fara á pöbbarölt í
Manchester þessa dagana. Stuðningsmenn
liðsins myndu hafa ýmislegt við hann að tala
og ekki allt á jákvæðu og rólegu nótunum.
Allt brjálað
í Manchester
Fr
ét
ta
bl
að
ið
/A
P
Mikhaíl Khodorkovskí hefur
verið dæmdur sekur um flest
ákæruatriði í réttarhöldum um
meint skattsvik þessa fyrrver-
andi forstjóra olíufyrirtækisins
Yukos.
Dómarinn í málinu mun deila
út refsingu á næstu dögum og
gert er ráð fyrir að forstjórinn
þurfi að sitja allt að tíu ár í við-
bót í fangelsi en hann hefur
verið eitt og hálft ár bak við lás
og slá.
Saksóknari í Rússlandi hefur
enn fremur í hyggju að fjölga
ákæruliðum og heldur fram að
tugum milljarða króna verð-
mætum hafi verið skotið undan
skatti til viðbótar við það sem
áður var talið.
Skattskuldir Yukos eru
stjarnfræðilegar en stjórnvöld
vilja rukka fyrirtækið um allt
að tvö þúsund milljarða króna.
Flestir telja að örlög Yukos séu
þegar ráðin og að eignir félags-
ins muni flytjast yfir til hins
ríkisrekna Rosneft olíufyrir-
tækis.
Verðmæti fyrirtækisins á
markaði hefur lækkað um 95
prósent á undanförnum árum
eftir að rannsóknin hófst. – þk
ÁFRAM BAK VIÐ RIMLA Khodorkovskí
er búinn að venjast þessu útsýni í rúmt ár.
Það gæti komið sér vel næstu tíu árin.
S Ö G U H O R N I Ð
Stórborgin Las Vegas, höfuðborg
fjárhættuspils í Bandaríkjunum,
var stofnuð í miðri eyðimörk 15.
maí 1905 og fagna íbúarnir þvi
nú hundrað ára afmæli.
Las Vegas er í miðri eyði-
mörkinni í Nevada-fylki í Banda-
ríkjunum en svæðið í kringum
borgina býr að vatnsuppsprett-
um og því varð staðurinn þar
sem Las Vegas stendur nú við-
komustaður fyrir hesta- og
lestarferðir til Vesturstrandar-
innar á nítjándu öld.
Nevada heyrði til Mexíkó og
er nafn borgarinnar spænskt,
Las Vegas, þýðir „engi“ enda er
borgarstæðið fremur gróður-
sælt, sérstaklega í samanburði
við eyðimörkina í kring.
Bandaríkjamenn náðu yfir-
ráðum á svæðinu árið 1855 og
fimmtíu árum síðar var borgin
stofnuð og var hún þá fyrst og
fremst þjónustumiðstöð fyrir
ferðamenn. Árið 1911 voru lög
sem bönnuðu fjárhættuspil felld
úr gildi í Las Vegas en það var
ekki fyrr en árið 1941 sem sigur-
ganga borgarinnar hófst. Þá tóku
sig til nokkrir sterkefnaðir
mafíósar og hófu uppbyggingu á
risastórum lúxushótelum þar
sem boðið var upp á allar lífsins
forboðnu nautnir. Glæpaforingj-
arnir „Bugsy“ Siegel og Meyer
Lansky voru meðal helstu fjár-
festa í borginni og eru þeir tald-
ir hafa verið helstu hvatamenn
að gríðarlegri uppbyggingu á
áratugunum eftir síðari heims-
styrjöld.
Segja má að Las Vegas hafi í
nokkra áratugi eftir heimsstyrj-
öldina verið hálfgert fríríki í
Bandaríkjunum. Næstum allar
tekjur yfirvalda komu frá spila-
vítunum sem gerði það að verk-
um að aldrei hefur verið rukkað-
ur tekjuskattur í borginni.
Stemmningin í borginni hefur
því löngum verið sérstök og það
þótti til siðs að skilja eftir allar
hömlur við borgarmörkin. „Það
sem gerist í Vegas, verður eftir í
Vegas (What happens in Vegas,
stays in Vegas),“ er óopinbert
mottó borgarinnar og gefur til
kynna að innan borgarinnar geti
menn látið eftir öllum sínum
frumstæðustu löngunum án þess
að þurfa að takast á við afleið-
ingarnar.
Á síðustu árum hefur hins
vegar yfirbragð borgarinnar
verið að breytast. Í stað þess að
ungt, frægt, ríkt og fallegt fólk
sé þar á hverju strái og lifi villtu
og hömlulausu partílífi fram
undir morgun er mun algengara
að hitta sólbrún gamalmenni frá
Flórída sem standa dægrin löng
við spilakassa og rúlla sér svo
upp á herbergi í göngugrindinni
og eru komin í háttinn fyrir mið-
nætti.
Las Vegas – 100 ára
Fyrirtæki Land Gengi Gjald- (Gengi Breyting
miðill gjaldmiðils)
BTC Búlgaría 443,14 Lev 43,11 14,87%
Carnegie Svíþjóð 72,75 SEK 9,18 -0,17%
deCode Bandaríkin 7,11 USD 66,77 4,24%
EasyJet Bretland 2,45 Pund 123,89 4,25%
Finnair Finnland 6,66 EUR 84,34 5,84%
French Connection Bretland 2,48 Pund 123,89 0,99%
Intrum Justitia Svíþjóð 51,75 SEK 9,18 3,55%
Low & Bonar Bretland 1,175 Pund 123,89 4,02%
NWF Bretland 5,65 Pund 123,89 5,54%
Scribona Svíþjóð 14,2 SEK 9,18 5,64%
Singer & Friedlander Bretland 3,1225 Pund 123,89 2,13%
Skandia Svíþjóð 40,9 SEK 9,18 17,66%
Somerfield Bretland 1,965 Pund 123,89 -0,35%
Miðað við gengi bréfa og gjaldmiða 16. maí 2005
Ú T R Á S A R V Í S I T A L A 1 1 5 , 6 6 + 9 , 2 %
Morgan Stanley ekki ráðhollur
Fjárfestir vann mál gegn fjárfestingarbankanum og fær greiddar háar bætur.
Verðbréfafyrirtækið Morgan
Stanley þarf að greiða fjárfesti ríf-
lega sex hundruð milljónir Banda-
ríkjadala – um 39 milljarða króna –
vegna lélegra ráða í tengslum við
fjárfestingar fyrir sjö árum.
Ronald Perelman seldi fyrir-
tæki árið 1998 og fékk að hluta til
greitt með hlutabréfum í öðru fyr-
irtæki, Sunbeam. Í aðdraganda
kaupanna hafði Perelman fengið
Morgan Stanley til að leggja mat á
fjárhagslegan styrk Sunbeam og
fengið þær upplýsingar að þar
væri allt í stakasta lagi. Skömmu
síðar fór Sunbeam í gjaldþrot og
Perelman tapaði öllu fénu.
Kviðdómur í málinu hafði feng-
ið fyrirmæli frá dómaranum í mál-
inu um að líta bæri svo á að Morg-
an Stanley hefði viljandi afvega-
leitt fjárfestinn. Perelman ætlar að
halda áfram málaferlum og vill fá
allt að þremur milljörðum dala –
tæplega tvö hundruð milljarða
króna – í miskabætur vegna atviks-
ins. Morgan Stanley hefur átt und-
ir högg að sækja undanfarið vegna
hneykslismála og deilna innan
stjórnar fyrirtækisins. Jafnvel er
talið að Philip Purcell forstjóri
muni innan skamms þurfa að taka
pokann sinn. - þk