Fréttablaðið - 18.05.2005, Blaðsíða 56
18. maí 2005 MIÐVIKUDAGUR 16
Vissir þú ...
...að hæsti maður í sögu læknis-
fræðinnar, sem til eru óyggjandi
sannanir fyrir, er Robert Wadlow
frá Bandaríkjunum sem var mæld-
ur síðast í júní árið 1940 og var þá
2,72 metrar.
...að Pentagon í Arlington, Virginíu-
ríki Bandaríkjanna, er stærsta skrif-
stofubygging heims. Lokið var við
bygginguna árið 1943 en hún var
reist til að hýsa skrifstofur varnar-
málaráðuneytis Bandaríkjanna.
Gangar Pentagon eru 28 kílómetr-
ar samanlagt og í húsinu eru 7.754
gluggar. Ríflega 26 þúsund manns
vinna í Pentagon.
...að hæsta verð sem greitt hefur
verið fyrir fótboltamann er um sjö
milljarðar íslenskra króna. Real
Madrid pungaði út þessum millj-
örðum þegar liðið keypti franska
leikmanninn, Zinedine Zidane, af
ítalska félaginu Juventus.
...að yngsti þátttakandi í HM í
knattspyrnu var Souleymane
Mamam, sem lék með landsliði
Togo gegn Sambíu þegar hann var
13 ára og 310 daga. Leikurinn var í
undankeppni HM og fór fram í
maí 2001.
...að Francisco Peinado Toledo frá
Spáni hefur haldið á flestum tenn-
isboltum. Toledo tókst að halda á
18 tennisboltum með vinstri hendi
í alls 18 sekúndur. Metið var slegið
í Valencia árið 2002.
...að metið í fleyttum kerlingum er
40. Það var hinn bandaríski Kurt
Steiner sem fleygði grjótinu í
Riverfront Park í Pennsylvaniu árið
2002 í undankeppni í kerlinga-
fleytingu ríkisins.
...að hinni kólumbíski Walfer Guer-
rero hefur sippað oftast allra á
línu. Guerreo stóð á línu sem var í
9,6 metra hæð og náði að sippa
1.250 sinnum áður en hann missti
jafnvægið. Metið var slegið í
Hollandi árið 1995.
Smæð mannsins gagnvart náttúrunni er mikil. Hér blasa Hrútfjallstindar í Öræfajökli við sjónum ferðalangs í Freysnesi/Ljósmynd: Vilhelm.
SJÓNARHORN
550 5600
Nýtt símanúmer
hjá dreifingu: