Fréttablaðið - 21.05.2005, Blaðsíða 12

21. maí 2005 LAUGARDAGUR
Nýting orkunnar:
Neitar orkuflutningi
STÓRIÐJA Orkulindir á Norðurlandi
eru lykillinn af því að horft er
þangað með uppbyggingu álvers í
huga. Það hefur verið talsvert
deiluefni á Norðurlandi hvernig
stórfelldum orkuflutningi tengdum
álveri skuli háttað.
Skýrt er í skipulagslögum að
sveitarfélög hafa ákvörðunarvald
um landnotkun í þeirra landi og því
þarf að vera víðtæk sátt um það
hvernig orkuflutningnum skuli
háttað.
Jóhann Guðni Reynisson,
sveitastjóri í Þingeyjarsveit, segir
flutning á orku um sveitina til stór-
iðju á Eyjafjarðarsvæðinu ekki
koma til greina. „Við erum alfarið á
móti því að flytja orkuna um okkar
sveit þar sem um stór og mikil
mannvirki er að ræða sem ekki
fara vel saman við ferðþjónustuna,
sem alltaf er að aukast,“ segir Jó-
hann. Hann nefnir einnig að ferða-
þjónusta sé orðin stór atvinnugrein
í héraðinu og fari uppsetning flutn-
ingsmannvirkjanna ekki vel saman
við þá grein.
Magnús Ásgeirsson, fram-
kvæmdarstjóri Atvinnuþróunarfé-
lags Eyjafjarðar, segir þetta við-
horf ekki til þess fallið að efla sátt
um málið á Norðurlandi. „Þetta
sjónarmið Jóhanns Guðna veldur
mér vonbrigðum og er ekki til þess
fallið að efla nauðsynlega sam-
stöðu um málið í landshlutanum,“
segir Magnús. - mh
JÓHANN GUÐNI REYNISSON Sveitastjórinn
í Þingeyjarsveit segir það ekki koma til
greina að standa í stórfelldum orkuflutn-
ingi um Þingeyjarsveit til Eyjafjarðarsvæðis-
ins, þar sem slíkt þjóni ekki hagsmunum
svæðisins.
NÝJU-DELÍ, AP Efnahagsundrið í
Kína hefur gert það að verkum að
tígrisdýrum á Indlandi hefur
fækkað umtalsvert á síðustu
árum, en tígrisfeldur þykir til
marks um ríkidæmi og völd. Klær
og tennur dýranna eru eftir sem
áður vinsælar í náttúrulyf.
Yfirvöld á Indlandi segja að í
landinu séu um það bil 3.500-3.700
tígrisdýr en náttúruverndarsinn-
ar staðhæfa að talan sé talsvert
lægri. Fyrr í vikunni voru birtar
niðurstöður rannsóknar á tígrun-
um og þar kemur fram að 411 dýr
hurfu á árunum 1999-2003. Nátt-
úrufræðingarnir sem unnu rann-
sóknina telja að 173 hafi drepist af
eðlilegum orsökum en 238 hafi
orðið veiðiþjófum að bráð.
Í síðasta mánuði setti Manmo-
han Singh, forsætisráðherra Ind-
lands, á fót vinnuhóp sem á að
gera tillögur til úrbóta í þessum
efnum. Hópurinn hefur þegar
bent á að aðeins eitt prósent veiði-
þjófa sé sakfellt fyrir brot sín,
jafnvel þótt þeir séu oft gripnir
glóðvolgir. Þessu verði að breyta.
Tígrisdýraveiðar eru alls stað-
ar bannaðar, svo og viðskipti með
afurðir dýranna. ■
LÚIN BEIN HVÍLD Indversk yfirvöld telja að
ríflega 3.500 tígrisdýr séu enn til í Indlandi.
Náttúruverndarsinnar segja að dýrin séu
mun færri.
Kínverska hagsveiflan hefur sína ókosti:
Vei›ifljófar fljarma
a› tígrisd‡rum