Fréttablaðið - 25.05.2005, Page 26

Björgvin Guðmundsson
skrifar
Greiningardeild KB banka telur
að Íbúðalánasjóður hafi mismun-
að þeim sem sýnt hafi skulda-
bréf sjóðsins áhuga með því að
taka einungis tilboðum Lands-
bankans og Íslandsbanka í lok-
uðu útboði. „Þetta fyrirkomulag
verður að teljast sérkennilegt í
ljósi þess að íbúðalánasjóður er
opinber sjóður sem gefur út
skuldabréf með ríkisábyrgð,
sem leggja grunn að vaxtarófi ís-
lensku krónunnar,“ segir í hálf-
fimm fréttum bankans.
Í útboðinu, sem haldið var 19.
maí, seldi sjóðurinn skuldabréf
að andvirði tíu milljarða króna að
nafnvirði.
Jóhann G. Jóhannsson, svið-
stjóri hjá Íbúðalánasjóði, segir að
ávöxtunarkrafan hafi verið búin
að vera svolítið há. Þegar hún
datt niður í 3,55 prósent um miðj-
an maí hafi Landsbankinn og Ís-
landsbanki komið og boðið Íbúða-
lánasjóði að fara í lokað útboð.
„Við þáðum það í þetta skipti. Það
er vegna þess að markaðurinn
var svo grunnur og við vissum
ekki hvert stefndi,“ segir hann.
Rangt sé að betri kjör hefðu
fengist í opnu útboði við þessar
aðstæður. Með þessu sé áfram
hægt að bjóða fólkinu í landinu
áfram góð kjör á sínum lánum.
Þetta hafi verið gert tvisvar áður.
Hann segist aðspurður hafa
orðið var við að KB banki kvarti
yfir þessu fyrirkomulagi. Þetta
fyrirkomulag hafi líka verið við-
haft vegna markaðsóvissu. Í út-
boði Íbúðalánasjóðs fyrir um
mánuði síðan hafi KB banki
dregið sig út úr útboði tveimur
mínútum fyrir útboðið. Það hafi
haft afgerandi áhrif á það útboð.
Í fréttabréfi greiningardeild-
ar KB banka segir að gera þurfi
þá kröfu til Íbúðalánasjóðs, sem
sé í eigu opinberra aðila, að hann
hugsi um almannahagsmuni með
því að reyna að ná fram sem hag-
stæðustum kjörum. Sjóðurinn
eigi að starfa á gagnsæjan hátt
og ekki mismuna markaðsaðil-
um. Það hafi hann gert með þess-
ari ákvörðun.
Vika Frá áramótum
Actavis 11,44˚% 16,04%
Atorka óbr. 7,64%
Bakkavör 2,69% 41,15%
Burðarás 5,07% 22,64%
Flaga -4,19% -17,54%
FL Group 3,14% 56,11%
Íslandsbanki -1,11% 21,97%
KB banki -0,18% 21,95%
Kögun -0,16% 34,67%
Landsbankinn 1,85% 38,78%
Marel 1,44% 13,82%
Og fjarskipti 0,72% 30,31%
Samherji óbr. 9,00%
Straumur 0,42% 27,86%
Össur -0,61% 5,22%
*Miðað við gengi í Kauphöll í gær
MIÐVIKUDAGUR 25. MAÍ 2005 MARKAÐURINN2
F R É T T I R
G E N G I S Þ R Ó U N
KB banki fékk ekki
að taka þátt í útboði
Íbúðalánasjóður tók boði Landsbanka og Íslandsbanka um
lokað útboð á skuldabréfum.
410 4000 | www.landsbanki.is
B2B | Banki til bókhalds
Betri þjónusta og upplýsingagjöf til viðskiptavina og lánardrottna
Fyrirtækjabanki
Gengisstyrking krónunnar á
stærstan þátt í því að Útrásar-
vísitala Markaðarins lækkaði úr
115,7 stigum í 110 í síðustu viku.
Aðeins þrjú félög af fjórtán í
vísitölunni skiluðu jákvæðri
ávöxtun fyrir íslenska fjárfesta.
Mest hækkaði breska verslun-
arkeðjan French Connection,
sem Baugur á hlut í. Bréfin
hækkuðu um 6,9 prósent á breska
markaðinum en ávöxtun að teknu
tilliti til lækkunar pundsins
gagnvart krónu var 2,6 prósent.
Decode heldur áfram að
hækka á bandarískum markaði
og stóðu bréfin í 7,44 á mánudag
og höfðu hækkað um 4,6 prósent.
Að teknu tilliti til breyttu gengi
Bandaríkjadals var ávöxtunin 1,9
prósent.
Gengi Finnair hækkaði nokk-
uð á markaði í Finnlandi en
breytingar á gengi átu nánast
alla þá hækkun upp fyrir ís-
lenska fjárfesta.
Útrásarvísitala Markaðarins
mælir gengi fjórtán félaga á
markaði erlendis sem Íslendin-
gar eiga umtalsverðan hlut í. - þk
Samskip hafa ráðið Danann
Michael F. Hassing, fyrrverandi
forstjóra Mærsk í Bretlandi, sem
nýjan forstjóra félagsins. Ás-
björn Gíslason forstjóri, sem
hefur leitt útrás Samskipa er-
lendis undanfarin ár, kemur til
Íslands og starfar við hlið
Michaels. Knútur Hauksson
lætur af starfi sem forstjóri
Samskipa á Íslandi og tekur við
starfi forstjóra Heklu. Bæði Ás-
björn og Michael gerast hluthaf-
ar í Samskipum.
Michael Hassing hefur starf-
að hjá AP Möller-Mærsk Group í
aldarfjórðung og starfaði í fjórt-
án ár sem forstjóri félagsins í
Austur-Asíu. Hann kynntist ís-
lenska markaðnum árið 1989 og
hefur unnið náið með íslensku
skipafélögunum.
Ólafur Ólafsson, stjórnarfor-
maður Samskipa, telur að félagið
muni styrkjast enn frekar með
þessum breytingum á yfirstjórn
og skýrari verkaskiptingu for-
stjóranna. „Það er gríðarlegur
ávinningur að fá í okkar raðir
jafn reynslumikinn mann í
alþjóðlegum siglingum og flutn-
ingastarfsemi og Michael Hass-
ing er.“
Félagið ætlar að draga úr
hefðbundinni skiptingu verkefna
á milli Íslands og erlendra starfs-
svæða og einbeita sér að fjórum
þjónustustigum, gámaflutning-
um, frystiflutningum, flutnings-
miðlun og almennri þjónustu.
„Við Michael verðum ábyrgir
fyrir starfsemi félagsins í heild.
Ég mun verða ábyrgur fyrir
eflingu starfseminnar á Íslandi
og uppbyggingu frystiflutning-
anna,“ segir Ásbjörn. - eþa
Skuldir heimilanna við innláns-
stofnanir námu 390 milljörðum
króna í lok apríl og hafa þær
aukist um 83 milljarða króna frá
áramótum. Þessi mikla aukning
er að mestu vegna skuldbreyt-
ingar heimilanna á íbúðalánum
hjá Íbúðalánasjóði. Ástæða auk-
innar skuldsetningar heimilanna
við innlánastofnanir er að mest-
um hluta vegna íbúðalána bank-
anna. Skuldirnar færast því frá
Íbúðalánasjóði til bankakerfis-
ins.
Skuldir fyrirtækja hjá inn-
lánsstofnunum námu 903 millj-
örðum króna í lok apríl og höfðu
þá aukist um ríflega 95 milljarða
frá áramótum.
Lán til erlendra aðila hafa
aukist mikið en lán innlánsstofn-
anna til þeirra stóðu í 285 millj-
örðum í lok apríl síðastliðins og
höfðu þá aukist um 90 milljarða
frá áramótum.
Þetta kemur fram í gögnum
frá Seðlabanka Íslands. - dh
Skuldir heimilanna aukast
Íbúðalán bankanna ástæða skuldaaukningar.
Útrásarvísitala Markaðarins:
Lækkar um 4,9 prósent
Nýr forstjóri Samskipa
Michael Hassing, fyrrverandi forstjóri hjá Mærsk
á Bretlandseyjum, ráðinn forstjóri Samskipa við
hlið Ásbjörns Gíslasonar.
Svipað fasteignaverð í
Kaliforníu og Reykjavík
Group enn gjaldgengt
Fasteignaverð í Kaliforníu hefur
hækkað upp úr öllu valdi síðan
1997. Viðskiptatímaritið Fortune
telur að meðalverð fyrir fast-
eign hafi verið um 186.000 dalir
árið 1997 en sé nú komið upp í
495.000. Það gerir um 32 milljón-
ir íslenskra króna. Til saman-
burðar var meðalupphæð hvers
þinglýsts kaupsamnings á höf-
uðborgarsvæðinu 29 milljónir
króna í síðustu viku. Það vantar
því ekki mikið upp á að fast-
eignaverð í Reykjavík jafni fast-
eignaverðið í hinni rómuðu Kali-
forníu. - eþa
JÓHANN G. JÓHANNSSON Vegna óvissu ákvað Íbúðalánasjóður að heimila einungis Ís-
landsbanka og Landsbanka að kaupa íbúðabréf að andvirði tíu milljarða króna. Jóhann
segir að sjóðurinn hafi þannig fengið betri kjör en ella.
Það er ekki rétt að fyrirtækja-
skrá hafi lagt bann við því að
fleiri fyrirtæki fengju að skrá sig
undir heitinu Group, eins og fram
kom fyrir helgi í fréttum Ríkisút-
varpsins, segir Skúli Jónsson, for-
stöðumaður fyrirtækjaskrár Ríkis-
skattstjóra. Svo lengi sem heitið sé í
samræmi við starfsemi fyrirtækisins
sé í lagi að taka það upp.
Fjölmörg íslensk fyrirtæki, sérstak-
lega þau sem stunda viðskipti erlendis,
hafa tekið upp orðið Group í heiti sínu. Til
dæmis stendur til að breyta
nafni Sölumiðstöðvar hrað-
frystihúsanna í Icelandic Group í
lok mánaðarins. - bg
NÝR FORSTJÓRI SAMSKIPA Michael Hassing hefur verið ráðinn forstjóri Samskipa við
hlið Ásbjörns Gíslasonar. Jafnframt verður áherslu fyrirtækisins breytt og horft á eflingu
þjónustustiga í stað þess að skipta verkefnum milli Íslands og útlanda.
Fr
ét
ta
bl
að
ið
/V
al
ga
rð
ur
Fr
ét
ta
bl
að
ið
/E
. Ó
l.
FLEIRI MEGA VERA
GROUP Nýlega skipti hið
gamalgróna fyrirtæki
Flugleiðir um nafn og
heitir nú FL Group.