Fréttablaðið - 27.05.2005, Qupperneq 2
2 27. maí 2005 FÖSTUDAGUR
Kröfum Iceland Seafood um lögbann á hendur fjórum fyrrverandi starfsmönnum hafnað:
Fyrirtæki› virti sjálft ekki samninga
DÓMSMÁL Fjórir menn voru í gær
sýknaðir fyrir Héraðsdómi
Reykjavíkur af kröfu fyrrver-
andi vinnuveitanda þeirra,
Iceland Seafood International,
sem fór fram á að dómurinn
staðfesti lögbann á að mennirnir
hæfu störf hjá samkeppnisaðila í
samræmi við upprunalegan
ráðningarsamning þeirra.
Var í þeim samningum kveðið
á um að mönnunum væri óheim-
ilt að hefja störf hjá samkeppnis-
aðila Iceland Seafood innan
ákveðins tímaramma eftir
starfslok en þeir sögðu allir upp
störfum í lok árs 2004. Hugðust
þeir ásamt fleirum standa að
stofnun nýs fyrirtækis, Seafood
Union, og taka til starfa þar að
uppsagnarfresti loknum.
Með lögbanni vildu forsvars-
menn ISI koma í veg fyrir að
mikilvæg þekking og reynsla
mannanna nýttist hinu nýja fyr-
irtæki og samþykkti Sýslumað-
urinn í Reykjavík beiðni ISI í
janúar 2005. Héraðsdómur féllst
ekki á sömu rök þar sem grund-
völlur lögbannsins væri ráðn-
ingasamningur við mennina
fjóra. Þeim samningi var rift af
hálfu Iceland Seafood þegar
mennirnir fengu ekki greidd
laun þann 15. janúar né heldur
síðar eins og fyrirtækinu bar að
gera og samkvæmt því bar
starfsmönnunum ekki að upp-
fylla sínar skyldur gagnvart
þessum sama samningi. - aöe
SKIPSSKAÐI Áhöfn íslenska togar-
ans Péturs Jónssonar RE bjarg-
aði öllum fimmtán í áhöfn lett-
neska skipsins Gideon þegar það
sökk á Flæmska hattinum um
kvöldmatarleytið í fyrrakvöld.
Neyðarkall frá skipinu barst
laust eftir klukkan fjögur og
höfðu allir skipverjar bjargast
rúmum þremur klukkustundum
síðar.
Skipstjóri Péturs RE, Eiríkur
Sigurðsson, sagði björgunina
hafa gengið vel í alla staði enda
hefði áhöfnin haft tvo tíma til
undirbúnings áður en þeir komu
að slysstaðnum. „Menn voru
björguninni fegnir en voru róleg-
ir yfir þessu og líklegast að áfall-
ið komi ekki fyrr en síðar.“
Áhöfnin var svo flutt frá Pétri
yfir í kanadískan togara sem var
á leið til St. Johns á Nýfundna-
landi og átti skipið að koma til
hafnar í morgun. Meðal skip-
brotsmanna eru þrír Íslendingar.
Útgerð skipsins var einnig ís-
lensk þótt það sigldi undir lett-
neskum fána. Ekki náðist í
Magnús Sigurðsson, útgerðar-
mann þess.
- aöe
Slasa›ir fri›argæslu-
li›ar fá loks bætur
Tryggingastofnun ríkisins hefur skipt um sko›un og segir nú a› fri›argæslu-
li›ar sem slösu›ust í Kabúl eigi rétt á bótum. Forstjóri Tryggingastofnunar
segir bá›ar ákvar›anir byggja á uppl‡singum frá utanríkisrá›uneytinu.
FRIÐARGÆSLUSTÖRF Tryggingastofn-
un ríkisins sem áður hafði synjað
friðargæsluliðunum þremur sem
slösuðust í sprengjuárás í Kabúl
síðasta haust um bætur hefur nú
breytt afstöðu sinni og samþykkir
nú að um bótaskylt slys hafi verið
að ræða. Að sögn Karls Steinars
Guðnasonar, forstjóra Trygginga-
stofnunar, er þessi ákvörðun
byggð á nýjum upplýsingum sem
stofnuninni bárust frá utanríkis-
ráðuneytinu.
Davíð Oddsson utanríkisráð-
herra gagnrýndi ákvörðun Trygg-
ingastofnunar á Alþingi 29. apríl
síðastliðinn þegar ljóst var að
stofnunin ætlaði að synja friðar-
gæsluliðunum um bætur og von-
aðist hann þá til að áfrýjuninni
yrði tekið af meiri sanngirni.
Sagði hann meðal annars að frið-
argæslumenn væru aldrei í fríi.
Aðspurður hvort sinnaskiptin
séu tilkomin vegna gagnrýni utan-
ríkisráðherra segir Karl Steinar
að fyrri ákvörðunin hafi verið
byggð á upplýsingum frá utanrík-
isráðuneytinu og það sem varð til
þess að ákvörðuninni var breytt
voru nýrri og betri upplýsingar
frá sama ráðuneyti.
Enn fremur segir hann að
Tryggingastofnun leggi til að 3.
kafla laga um almannatryggingar
verði breytt þannig að tryggt
verði í framtíðinni að friðar-
gæsluliðar séu tryggðir allan sól-
arhringinn.
„Það hefur mikla þýðingu fyrir
okkur að fá það viðurkennt að við
vorum að vinna en ekki bara að
túristast þarna líkt og halda mætti
af fyrri ákvörðun,“ segir Haukur
Grönli, einn af friðargæsluliðun-
um þremur sem slösuðust.
„Ég átti alltaf von á þessu,“
segir Steinar Örn Magnússon, en
hann slasaðist töluvert í spreng-
ingunni. Hann sagði að það hefði
aðeins verið misskilningur á milli
stofnana sem olli því að þeim var
fyrst synjað um bætur.
Steinar hefur ekki jafnað sig
eftir sprenginguna á Kjúklinga-
stræti í Kabúl og er ennþá með
átta sprengjubrot í sér. „Málmleit-
artækin flauta alltaf á mig þegar
ég fer í gegnum vopnaleit á flug-
völlum,“ segir hann kankvís.
Hann á enn eftir að gangast undir
rannsóknir vegna áverkanna sem
hann hlaut í sprengingunni.
jse@frettabladid.is
VIÐSKIPTASTOFNUN
NÝR YFIRMAÐUR VALINN Frakk-
inn Pascal Lamy hefur verið val-
inn næsti framkvæmdastjóri Al-
þjóðaviðskiptastofnunarinnar,
WTO. Lamy, sem var áður yfir-
maður viðskiptamála í fram-
kvæmdastjórn Evrópusambands-
ins, tekur við embættinu 31.
ágúst næstkomandi en þá lætur
Supachai Panitchpakdi, fráfar-
andi framkvæmdastjóri WTO, af
embætti.
Kjörstjórn:
Kosningar
lögmætar
SAMFYLKINGIN Kjörstjórn lands-
fundar Samfylkingarinnar segir
að kosningar í öll embætti á lands-
fundinum hafi verið lögmætar og
í samræmi við reglur flokksins. Í
yfirlýsingu frá kjörstjórninni í
gær segir meðal annars að fram-
kvæmdastjóri Samfylkingarinnar
hafi staðfest að afhending kjör-
gagna og kosningaeftirlit hafi
verið með eðlilegum hætti.
Kjör Ágústs Ólafs Ágústssonar
í varaformannsembætti hefur
vakið deilur og báru ýmsir Sam-
fylkingarmenn honum á brýn að
hann hefði stundað óeðlilega
smölun. - jh
HÆSTIRÉTTUR
ÁR FYRIR MÖK VIÐ 12 ÁRA
STÚLKU Rúmlega tvítugur maður
var í Hæstarétti dæmdur í eins
árs fangelsi fyrir að hafa haft
kynmök við tólf ára gamla stúlku
á heimili sínu á Akureyri árið
2002. Maðurinn hélt því fram að
hann hefði ekki átt kynmök við
stúlkuna sem aftur á móti sagði
að hann hefði nauðgað sér. Saga
stúlkunnar var studdur fram-
burðum vitna en þó þótti ekki
sannað að kynmökin hefðu verið
þvinguð. Engu að síður er ólög-
legt að hafa kynmök við börn
yngri en 14 ára og skiptir engum
sköpum hvort samþykki hafi
verið fyrir hendi.
HERMANNAVEIKI
ÓBREYTT LÍÐAN Líðan mannsins
sem greindist með hermanna-
veiki eftir heimkomu frá Ítalíu
fyrir nokkru er óbreytt, að sögn
vakthafandi læknis á gjörgæslu-
deild Landspítala – háskóla-
sjúkrahúss í Fossvogi. Maðurinn
er enn þungt haldinn og er haldið
sofandi í öndunarvél.
Góð sala mjólkurvara:
Vilja meiri
mjólk
MJÓLK Mjólkursamlögin hafa
ákveðið að hækka greiðslumark
næsta verðlagsárs verulega
vegna góðrar sölu mjólkurvara
síðustu mánuði. Þórólfur Sveins-
son, formaður Landssambands
kúabænda, tel-
ur skyrdrykki
vega lang-
þyngst í sölu-
a u k n i n g u
mjólkurvara.
Ekki hefur
verið ákveðið
um hve marga
lítra greiðslu-
markið verð-
ur aukið en
það var 106 milljónir lítra á síð-
asta verðlagsári. „Ég held að þetta
snúist um það að ná eins mikilli
mjólk og hægt er úr hverri ein-
ustu kú“, segir Þórólfur, sem telur
vöruþróunina í mjólkuriðnaðinum
hafa heppnast geysilega vel. - sgi
SPURNING DAGSINS
Gu›mundur, ætli› fli› a› bíta
á jaxlinn?
„Okkur vefst allavega ekki tunga um
tönn.“
Guðmundur Guðlaugsson er bæjar- og hafnar-
stjóri í Vesturbyggð, sem hefur ákveðið að hætta
að þjónusta strandflutningaskipið Jaxlinn vegna
vangoldinna hafnargjalda.
ÞÓRÓLFUR SVEINS-
SON Skyrdrykkir vega
langþyngst.
UNDIR LETTNESKUM FÁNA Gideon sem sökk í fyrradag var af svipaðri stærðargráðu og Arnar-
borg, sem hér sést í Reykjavíkurhöfn, en það skip var einnig gert út undir fána Lettlands.
Lettneska skipið Gideon sökk á Flæmska hattinum:
Skipi› gert út af Íslendingum
SÍF Forsvarsmenn Iceland Seafood geta kennt sjálfum sér um að hafa tapað lögsókn sinni
á hendur fjórum lykilstarfsmönnum sem sögðu upp störfum í lok síðasta árs. Þeir greiddu
mönnunum engin laun frá og með miðjum janúar og er litið svo á að með því hafi ráðn-
ingarsamningur við mennina fjóra verið brotinn.
LEMSTRAÐUR HEIM FRÁ KABÚL Steinar Örn Magnússon sést hér við komuna á Keflavíkur-
flugvöll 29. október síðastliðinn. Steinar segir að öll málmleitartæki flauti á hann á flug-
völlum enda er hann ennþá með átta sprengjubrot í sér.
HÆSTIRÉTTUR
KYNFERÐISBROTADÓMUR STAÐ-
FESTUR Hæstiréttur staðfesti í
gær dóm Héraðsdóms Reykjavík-
ur frá því í desember yfir karl-
manni á fertugsaldri sem dæmd-
ur var í eins árs fangelsi fyrir að
hafa áreitt þrettán ára strák kyn-
ferðislega í strætóskýli og fyrir
að hafa nýtt sér andlegt ástand
átján ára misþroska drengs til að
fá hann til kynmaka.