Fréttablaðið - 27.05.2005, Blaðsíða 56
Kvikmyndin House of Wax verður
frumsýnd um helgina. Hún segir
frá hópi ungmenna sem neyðast
til þess að leita skjóls í yfirgefnu
vaxmyndasafni. Eina vandamálið
er að vaxmyndirnar eru ekkert
venjulegar því þær eru vöxuð lík
fórnarlamba geðsjúks sadista.
Hópurinn verður því að leita allra
leiða til þess að bjarga sér til að
enda ekki í hópi vaxmyndanna.
House of Wax er endurgerð
samnefndrar kvikmyndar frá ár-
inu 1953 þar sem sjálfur hryll-
ingskóngurinn Vincent Price fór
með aðalhlutverkið. Það eru hins
vegar sjónvarpsstjörnurnar El-
isha Cuthbert úr sjónvarpsþátt-
unum 24, Chad Micheal Murray
úr One Tree Hill og sjálf Paris
Hilton sem leika aðalhlutverkin í
þessari mynd.
Hilton er sennilega eitt
þekktasta andlit 21. aldarinnar.
Hún stökk fram á sjónarsviðið
sem fyrirsæta og varð fljótlega
þekkt fyrir hrátt og hratt líferni.
Hún fetaði óvænt í fótspor
Pamelu Anderson þegar kynlífs-
myndband hennar og Rick
Solomon komst í hendur almenn-
ings. Það varð enn fremur uppi
fótur og fit meðal fræga fólksins
þegar GSM-símanum hennar var
stolið og númerin láku út til al-
múgans.
Þó svo að Hilton spili sig frek-
ar einfalda verður ekki hjá því
komist að henni hefur tekist að
markaðssetja nafnið sitt ansi vel.
Hún er bæði með vinsælt ilmvatn
á markaðinum sem og fatalínu. Þá
má ekki gleyma því að hún fékk
framleiðendur myndarinnar til
þess að samþykkja bol sem hún
gerði þar sem á stóð „Þann sjötta
maí getur þú séð París deyja“. ■
PARIS SKÖMMU FYRIR DAUÐA SINN
Paris Hilton leikur eitt aðalhlutverkið í kvik-
myndinni House of Wax og sýnir á sér
„nýja“ hlið.
FÖSTUDAGUR 27. maí 2005 43
Sjá›u Paris deyja
CARPE DIEM Meðal mynda sem verða
frumsýndar er Carpe Diem eftir Dögg
Mósesdóttur.
Leikstjórar
sitja fyrir
svörum
Reykjavik Shorts & Docs ætlar
að standa fyrir spurt og svarað-
sýningu með leikstjórum sex
nýrra stuttmynda í kvöld klukk-
an sex. Fer atburðurinn fram í
Tjarnarbíói en myndirnar sem
eru frumsýndar eru Jón Bóndi
eftir Unu Lorenzen, Töframað-
urinn eftir Reyni Lyngdal,
Granny Kickers eftir Lost,
Carpe Diem eftir Dögg Móses-
dóttur, Ég missti næstum vitið
eftir Bjargeyju Ólafsdóttur og
Slavek the Shit eftir Grím Há-
konarson. Munu þau öll mæta og
sitja fyrir svörum. ■
House of Wax
Internet Movie Database 4,7 / 10
Rottentomatoes.com 22% / rotin
Metacritic.com 4,5 / 10
Monster in Law
Internet Movie Database 5,1 / 10
Rottentomatoes.com 16% / rotin
Metacritic.com 5,3 / 10
Layer Cake
Internet Movie Database 7,1 / 10
Rottentomatoes.com 79 % / fresh
Metacritic.com 8,3 / 10
FRUMSÝNDAR UM HELGINA
(DÓMAR Í ERLENDUM MIÐLUM)
■ FÓLK