Fréttablaðið - 27.05.2005, Qupperneq 57
44 27. maí 2005 FÖSTUDAGUR
Söngleikurinn Múlan Rús verður
frumsýndur í Loftkastalanum í
kvöld. Þetta er að grunni til sama
sýningin og frumsýnd var í vetur
í hátíðarsal Fjölbrautaskólans í
Garðabæ, þar sem hún sló aldeilis
í gegn og varð ein vinsælasta sýn-
ing vetrarins.
Hún þótti jafnvel standast
samanburð við sýningar atvinnu-
fólks á fjölunum og var því ákveð-
ið að færa hana í enn glæsilegri
búning á sviði Loftkastalans, þar
sem hún hefur verið endursköpuð
fyrir stóra sviðið og skartar
glæsilegum og skemmtilegum
dans- og söngatriðum.
Söngleikurinn er byggður á
hinni vinsælu dans- og söngva-
mynd Moulin Rouge þar sem
Nicole Kidman og Ewan
McGregor fóru á kostum.
Alls taka um 50 manns þátt í
sýningunni, þar á meðal 15 dansar-
ar. Með aðalhlutverk fara Pétur
Rúnar Heimisson sem leikur
Kristján, Ingibjörg Elín Viðars-
dóttir sem leikur Satine, Jóhannes
Gauti Sigurðsson sem leikur vonda
hertogann og Hrefna Bóel Sigurð-
ardóttir sem leikur eiganda hóru-
hússins, frú Zidler. Danshöfundur
er Lovísa Ósk Gunnarsdóttir, tón-
listarstjóri er Hallur Ingólfsson og
höfundur leikgerðar og leikstjóri
er Björk Jakobsdóttir.
300 harmonikkur á landsmóti
KOMIN Í LOFTKASTALANN Uppfærsla Fjölbrautaskólans í Garðabæ á söngleiknum
Múlan Rús sló aldeilis í gegn í vetur og verður frumsýnd í Loftkastalanum í kvöld.
Múlan Rús í
Loftkastalanum
Heimildarmyndin 300 harmonikk-
ur verður frumsýnd á Reykjavik
Shorts & Docs í kvöld en hún sýn-
ir landsmót harmonikkuleikara á
Ísafirði árið 2002. Leikstjóri
myndarinnar er Spessi, sem hing-
að til hefur verið betur þekktur
sem ljósmyndari. Þetta er fyrsta
myndin hans þó svo að hann hafi
einu sinni áður gert mynd um her-
stöðina í Keflavík ásamt sænska
listamanninum Erik Pauser. Hann
kýs frekar að kalla þá mynd
vídeóinnsetningu. „Ég hef verið
að „doca“ með myndavélinni svo
að þetta er kannski eðlilegt fram-
hald,“ segir Spessi. „Ég vill alltaf
vera að reyna eitthvað nýtt,“
bætir hann við.
Spessi fylgdist með landsmót-
inu frá upphafi til enda og leyfði
aðstæðunum að stjórna ferðinni.
„Þetta er skrásetning á því sem
fór fram,“ segir hann en í mynd-
inni eru viðtöl við tónlistarfólk
sem spilaði á hátíðinni ásamt að-
standendum þess en allt í alls
voru 800 manns á þessu lands-
móti. „Mín upplifun var sú að
harmonikkuleikur er miklu meira
en bara hljóðfæri. Þetta er ástríða
sem er sinnt af ótrúlegri ein-
lægni,“ segir hann og nefnir til
dæmis viðtal sem er að finna í
myndinni við Gretti Björnsson,
einn fremsta harmonikkuleikara
okkar. „Hann klökknaði þegar
hann sagði frá sínum fyrstu kynn-
um af harmonikkunni.“
Mikilvægi þess að sýna þetta
verk sitt á hátíðinni segir Spessi
vera ótvírætt. „Það er nauðsyn-
legt að setja sig í samhengi við
aðra. Sjá hvar maður stendur og
leyfa öðrum að sjá hvað það er
sem maður er að gera.“
freyrgigja@frettabladid.is
300 HARMONIKKUR Myndin gerist á
landsmóti harmonikkuleikara á Ísafirði
árið 2002.
» FRÁBÆR SJÓNVARPSDAGSKRÁ ALLA DAGA
FÖ
ST
U
D
A
G
U
R
LA
U
G
A
R
D
A
G
U
R
SU
N
N
U
D
A
G
U
R
M
Á
N
U
D
A
G
U
R
ÞR
IÐ
JU
D
A
G
U
R
M
IÐ
VI
K
U
D
A
G
U
R
FI
M
M
TU
D
A
G
U
R
Danskar sveitir á Grandrokk
Dönsku hljómsveitirnar Maiden Aalborg og Mercenary halda tvenna
tónleika á Grandrokk um helgina. Fyrri tónleikarnir verða í kvöld
klukkan 23.00 en hinir síðari á sama tíma annað kvöld. Maiden Aalborg
spilar eingöngu lög eftir Iron Maiden, sem spilar hér á landi 7. júní í
Egilshöll. Mercenary er ein heitasta þungarokkssveit Dana og hefur
síðasta plata hennar, 11 Dreams, fengið feykigóða dóma víðsvegar um
heiminn. Sveitin spilar m.a. á Hróarskeldu í sumar. Miðar verða gefnir
á tónleika Iron Maiden á Grandrokk ásamt DVD-diskum og plötum með
hljómsveitinni. Miðaverð á tónleika sveitanna á Grandrokk er 1.500
krónur og er aldurstakmark 20 ár.
MERCENARY Danska þungarokkssveitin Mercenary spilar á Grandrokk í kvöld og annað
kvöld.