Atuagagdliutit - 20.11.1980, Blaðsíða 20
AG
kapitalit qulingat
Umiarsuup
tlkinngilaattaani
oqaluttualiaq nangeqattaartoq
Hans A nthon Lynge-m it
titartaasoq
Frederik Holm
Tuumarsi Ottorsuarlu ingiaqati-
giillutik qiteqqunniarlutik anger-
larput.
— Silangissuaq taamaangin-
narniarunarpoq. Otto uunnungu
aalisariarnianngilatit?
— Pilerisumisaaraluarpunga,
kisianni qanoq pissanerpunga. U-
miarsuarmi qaangiuttuussaner-
sungut apeqqutaangami.
— Arfinermut soraassajunnar-
sivungut. Uanga pilerisukkaluar-
punga immaqami Niisi ilaseriin-
narukku ukua ernikka tamarmik
aallareersimassangamik.
— Uanga orsussaaruttoorama
pisiniarnissannullu periarfissakil-
lunga Naalangaasamaasit unillat-
siaqqunavianngimmanga.
— Pingasunoorutta orsussarsi-
niarniarna imaluunniit orsussaa-
sivitit nassaannarlungit Juunar-
simut immertikkiartuinnassuatit
aallariartuleruit aqqusaanginna-
rumaarpatit.
— Aammami kisianni umiatsi-
annut aaqqaarlungit.
— Angumerisinnaassuatit.
Ingerlangaatsiareerlutik siu-
nerminni Paneeraq naapikkiartu-
lerpaat. Tuumarsi soorlu aatsaat
suup qiimanartorsuup tikikkaa, i-
ngiaqanni sanimut qiviarpaa qu-
ersornerunngitsumillu querso-
riarluni. Ottorsuup sianiutini ta-
maasa silammut nivinngareersi-
magamigit paasereerpaa Tuumar-
sip asasani kinaanersoq nalujun-
naareersimagaa qinngasaarniar-
lunilu querasaartoq.
— Ottoaa inequnanaarsimavat.
Ottorsuaq akinngilaq. Nipaqa-
ratik ingerlaqqipput, Ottorsuaq
tunummut qiviarpoq, takuaalu
Andariarsi imminerminnit ki-
ngulliulluni aamma qiteqqukkiar-
torluni angerlartoq.
Paneeraq qanilliartorpoq. Aa-
sarsiutinik atisisimavoq, atisa-
nik saattunik, qaqortunik qarle-
qarluni aappaluttumillu tujuulo-
qarluni nerutuumik issunngitsu-
mik. Ottorsuup uummataa kas-
suummerpoq, inuit marluk im-
minnut pingaaruteqartut akor-
nanniilerpoq, aappaa asanninner-
mik misigiffigisani kingunermi-
niittorlu uumiginningaarnermik
qaratsap kissaallattutut misigi-
sitsitsiartarnerani — imminik eq-
qissiunnaartitsisumik.
Asasaa qanilliartorpoq uumigin-
nittaata tunuanit soorlu amoo-
raa, sanianiippoq Tuumarsi su-
mik isumaqarani kaasimaarluni i-
ngiaqatiginnittoq.
Asasaa qanilliartuinnarpoq tu-
nuanilli uumiginnittaata malip-
paa.
Ottorsuaq isumaliupallappoq
qanoq iliussalluni aaliangernia-
pallalluni. Asasani qanillivissoq
talini siaarpai asasaatalu inuaasi-
gut tiguaa, Tuumarsi nilliallalaar-
luni ingerlaqqippoq. Andariarsi
qanilliartuinnarsinnarpoq, Ottor-
suaq piffissamik takinaarsguat-
sianngorpoq, soorlu piffissaq pi-
aaraluni arriisaartoq, piffissaq
Andariarsip saneqquffissaa. Tu-
nummut qiviarnaveersaarpoq.
Paneerarlu imminnut nakkullu-
tik oqaaseqanngillat oqaasissaa-
ruttutut, soorlu qangarsuarli im-
minnut takusimallutik takoqqeq-
qaarnerminni oqaasissaaruttut.
— Unnungu suniarpit? Ottor-
suaq aperivoq.
— IUimmi aneerniarpit?
— Aneerniaruit aniissuunga,
kisianni...
— Kisianni suna...?
— Immaqa aalisaria.. .
Ottorsuaq akunnattuuallappoq
oqaatsini Andariarsimit tusarne-
qassasoralugu.
— Aalisariarniaruit utaqqiu-
marpakkit.. .
— Ruuliutikka nassarlungit pu-
laassuakkit.
— Pulaarniarna.
Taamalu oqarluni Ottorsuup
kiina qalliimivaa Ottorsuullu sig-
guisigut kunippaa: Andariarsi sa-
neqquppoq. Annoqaaq Paneeq-
qallu kiinaa kisiat isiginiarsaralu-
gu, Ottorsuaq malunnaarsaarpoq
kunissinermini. Andariarsi isu-
malioraluarpoq uneriarluni Ottor-
suaq saassunniarlugu, unatarni-
arlugu, sequminniarlugu. Immi-
nulli nangapalaarpoq. Isumalior-
poq ulloqeqqaannarsuani aamma
arnalerngusaatissaguniuk inga-
sappallaassasoq. Saneqquppai i-
nuarannguatut tullaarisaasutut
nanertugaasutullu misigisimallu-
ni. Soorlu inuit tamarmik isigi-
gaanni illaruaatigaluni igalaallu
tamarmik isersuusut tappiutitik
alliseruloorlugit nakkussisut.
Eqqarsaatai tamarmik taartip-
put silarsuullu alianaannera nu-
annaarutigiunnaarpaa, kaperlaap
naligigaluarpagu Ottorsuaq pi-
sassaanik tuneqqajarpaa.
Qaangiummat Ottorsuaq oqa-
loqqilerpoq.
— Andariarsip ullaarli malersu-
lerpaanga.
— Soqutingeqinangu, taanna
nuanarinngilara.
— Kina asaviuk?
— Oqassanng. . .
— Unnungu aniilerutta oqarfi-
ngiumaarpakkit.
Andariarsi imminut naalakker-
luni tunummut qiviarpoq. Taku-
sani isumaliumminut naammaa-
tissatut ativaa, Paneeqqap Ottor-
suaq tulaffigeriarlugu kuneqqik-
kaa.
— Asuaat taama ingerlaannas-
sanngillat!
Ajoqip nulia igalaakkut isaan-
nisaarluni Paneeqqap Ottossuar-
mik kunissinera takugamiuk im-
minut nipitumik appiuppoq:
— Uuma kanna, Aaliikkormi-
ummi kannguttaapput!
Ottorsuaq soorlu nunamiik-
kunnaarluni, timaa tamarmi soor-
lu kissartumik nuannersumik aq-
qusaarneqartoq, Paneeqqallu ipe-
rarluni paajeereerluni qimakkiar-
tulermani inimini nikorfaannarlu-
ni isigitsiarpaa.
— Unnungu takoqqissuungut!
Paneeraq tunummut qiviarpoq
akillunilu:
— Uatsinni utaqqissuakkit.
Ottorsuaq angerlamut saap-
poq. Ajugaasimasutut oqilluarpa-
luppoq, soorlu nalornisoorutigisi-
masai tamarmik tassanngaannaq
niaquanit sakiaanillu anillattut,
soorlu peruiagaalluni suna tamar-
mik oqilisoq. Nalujunnaarpaa Pa-
neeqqap nuannarigaani.
Tuumarsi illuminnut iserpoq.
— Unnummut Niisikkut erni-
kassaalu tamusseriartoqqungak-
kit umiarsuaqarniarmat ingasus-
saqanngimmata.
— Aa, ajunngilaq imaallaammi
qaqitsissuunga.
— Na, seeqqora annilaarpoq,
pujoq!
— Alianaalikassammat aamma
tassa putsernialerpoq.
— Aallartortangut suli tikin-
ngillat?
— Ilaana suli tikinngillat.
Nuliata puugutarsuaq eqqup-
paa, ippassaq nerisamik sinneri.
Puugutaasamik aalliukkamiuk
saavanut ilivaa.
— Naamik seeqqora ajortumik
annilaartarpoq aqangu ningeq.
Ullaap tungaa malunnartoqan-
ngeriarluni.
Nulia akianut ingippoq.
— Ullaarli annilaartarpunga. I-
tumanga ungilleruni isera eqisa-
runi, susoqarniarpamita.
— Soormitaava.
— Immaqa allangarsinialeqaa-
ngut, tusarluarluta takulluarluta-
lu.
Uiata illaatigaa.
— Atanguli upperisapalaatit u-
nitsilaarallakkit.
— Illimmi soorlu seeqqut sila-
siutingingit.
— Taannami allaavoq.
— Ullaatungaa Andariarsip ar-
naa pulaarami erni eqqumiinne-
rarpaa, sunerporooq kiisangooq
oqassaarpoq.
— Inuusuttuungami isumaa er-
niinnaq allanngussooq.
— Aamma oqarpoq annuttoru-
jussuulluni nerrivik tilluttaraa
sunalu pineraangooq nalunarluni.
Naamik malungisinnaavxra ajor-
toqarniarpoq, pisoqarniarpoq.
— Suna ajortussaa, arnanaasi-
nuku immaqa pingai.
— Arnaa oqarpoq taamaanngi-
saannaraluartoq. Issatsianngor-
porooq Paneeraq pulaartereerlu-
ngulu taamaalingami.
— Qaangiutissooraasit.
— Imertarallaramingooq qii-
manerungaluarpoq annoqqajaan-
nginnerullunilu, massakkununa i-
missaarami inuunera allanngor-
toq.
— Tassa tamakku tusangami-
ninnguatit katiteriarakkit piso-
qarnissaa ilimangilereerpat.
— Inuunermi nalunaqaaq.
Tuumarsi nerilluavippoq ilaati-
gut seeqquni eqqartortarnian-
nguarlugu. Nerereerami kaffimik
qinuvoq nalaasaarfimmullu ingil-
luni.
— Paajannguanik ammarpata
pisilaarina unnungu iggisissatsin-
nik.
Kaffisoreerami nalaasaarfim-
mut nallarpoq.
— Qinnutikka immaqa tikin-
nialeqaat, itumanga ungillertar-
pallaaqaaq. Aaliip kavaajartaava
kusanaqateqanngilaq Daalimi-
ngooq qinnutaa. Taannami qinno-
rippoq assissaqanngilaq. Panni ti-
kinnissaanut qarlissaanik qinnus-
simallungu immaqaaku taakku
atorai samunnartoq takuara qa-
qortunik qarlilluni. Paneerarmi
kusanarpoq qanorlu inerluaruni,
immaqa assingissuaa taan-
namaannaa filmertittartoq amee-
rikkarmioq sorsunnerup nalaani
takusarput kusanartorujuk tun-
ngangajattunik nujalik.
— Suna filmi?
— Nulia vi nuluiungunarpoq...
— Aa taanna, taassuminnga
qasseriarluni qasseriarluni kusa-
narnerussua.
— Arnaata unnersiutinginngit-
torsuuaa ajornaqaarooq ullaak-
kut sinnartunermik.
Tuumarsi aanngaalaalerpoq.
Nulia erruiniarluni iggavimmut a-
nillappoq.
Ottorsuaq angerlarluni iserami
kamillarpoq sullisinilu atallaat
tungujortut qaamasut saavisigut
singissartui singikkamigit peeri-
arlugit iserpoq.
— Tassa qiteqqutereerpisi?
— Umiarsuaruna tikinniarmat
angerlajaartungut, ataatsip qeq-
qanut ateqqinniarpungut.
— Suna umiarsuaq, pajuttooq?
— Linda Dani, tusareerpammi
pajuttumik tikittoqarniartoq.
— Qujanarmi naatsiiat aseror-
luinnartullu tikilermat. Unnungu
qaangiuttoorniarpisi?
— Asuki, iluamik paasinngilar-
put, immaqa arfinernut so-
raassuungut.
— Qimmikassaatit nerisasseri-
salerput.
— Immaqa unnungu nerisas-
sarsiussuakka.
— Qaami nerisassarsiorniari-
ngit aamma uangut nutaartor-
niassuungut.
20