Fréttablaðið - 31.05.2005, Blaðsíða 36

31. maí 2005 ÞRIÐJUDAGUR
> Við erum hræddir um ...
... að fimmtán ára vera Eyjamanna í efstu
deild gæti verið á enda
haldi áfram sem horfir.
Eyjaliðið er stigalaust eftir
fjóra fyrstu leikina í fyrsta
sinn í sögu félagsins í tíu
liða deild og það er ljótt að
brottfallið úr liðinu hafi verið
of mikið. Vörnin er hriplek og
sóknarleikurinn bitlaus og margt
þarf að breytast til svo fari ekki.
Heyrst hefur ...
... að HSÍ leiti hugsanlega réttar síns hjá
evrópska handknattleikssambandinu í
baráttu sinni við að fá Ólaf Stefánsson
lausan frá Ciudad Real svo hann geti
tekið þátt í undirbúningi landsliðsins fyrir
undankeppni Evrópumótsins. Ciudad vill
ekki hleypa Ólafi heim fyrr en að loknum
kveðjuleik Talant Dujshebaev en hann
leggur nú skóna á hillinuna og tekur við
þjálfun spænska liðsins.
sport@frettabladid.is
20
> Við hrósum ...
.... Fylkismönnum fyrir að spila frábæran
fótbolta á Akranesi í gær.
Það mæta ekki öll lið
upp á Skipaskaga og
kenna heimamönnum að
spila fótbolta. Fylkismenn
sýndu í gær örugglega
það besta sem sést hefur
til þessa í sumar.
fia› var ótrúlegur styrkleikamunur á ÍA og Fylki á Akranesi í gær. Heimamenn
máttu flakka fyrir a› hafa „a›eins“ tapa› 3-0.
Leikur kattarins að músinni
FÓTBOLTI Þetta var svo sannarlega
leikur kattarins að músinni og var
engu líkara á köflum en leikmenn
Fylkis trúðu ekki hversu lítil mót-
spyrna Skagamanna var í leiknum.
Heimamenn voru átakanlega slak-
ir í fyrri hálfleik og voru spilaðir
hvað eftir annað upp úr skónum af
sprækum Fylkismönnum. Hrafn-
kell skoraði með góðu skoti og
gestunum óx ásmegin í kjölfarið.
Sóknarlotur þeirra þyngdust með
hverri mínútunni og meðvitundar-
lausir heimamenn vissu vart sitt
rjúkandi ráð.
Blessunarlega fyrir heima-
menn voru miðverðirnir Gunn-
laugur Jónsson og Reynir Leósson
vel vakandi og þeir sáu til þess að
Fylkir leiddi aðeins með einu
marki í leikhléi. Hálfleiksræða
Ólafs Þórðarsonar virðist hafa
farið inn um annað eyrað og út um
hitt því Skagamenn voru í sama
tjóninu í síðari hálfleik. Fylkis-
menn gerðu síðan út um leikinn á
þriggja mínútna kafla í síðari hálf-
leik með tveim verðskulduðum
mörkum.
Það var frábært að fylgjast með
Fylkisliðinu í gær. Liðið er mjög
léttleikandi, sækir hratt og leik-
menn eru ekki að eyða of mörgum
snertingum á boltann. Helgi Valur
var sem kóngur í ríki sínu og
Björgólfur var verulega sprækur í
fremstu víglínu.
„Þetta var frábært hjá okkur og
ekki alltaf sem okkur hefur gengið
svona vel uppi á Skaga,“ sagði
Helgi Valur Daníelsson, leikmaður
Fylkis. „Sérstaklega gekk þetta vel
í fyrri hálfleik þar sem við lékum
okkar besta bolta. Svo komu tvö
mörk snemma í seinni hálfleik og
óþarfi að halda áfram að pressa
jafn mikið eftir það. Þótt það hafi
vantað fastamenn í liðið í dag
eigum við mjög sterka menn sem
eru klárir í að koma inn. Hópurinn
er því gífurlega sterkur.“
Um Skagaliðið er lítið annað að
segja en að það var arfaslakt og
olli gríðarlegum vonbrigðum.
Liðið getur þakkað miðvörðunum
og markverðinum Páli Gísla fyrir
að ekki fór verr.
„Þetta var bara rassskelling í
orðsins fyllstu merkingu,“ sagði
Ólafur Þórðarson, þjálfari ÍA,
skiljanlega óánægður með sína
menn. „Við höfðum tekið sex stig á
heimavelli fyrir leikinn og svo
koma Fylkismenn og hreinlega
kenna okkur að spila fótbolta. Ég
bara vona að við höfum lært eitt-
hvað af þessu.“ -hbg, -esá
LEIKIR GÆRDAGSINS
Landsbankadeild karla:
FH 4 4 0 0 12–1 12
VALUR 3 3 0 0 7–2 9
FRAM 3 2 0 1 6–1 6
FYLKIR 4 2 0 2 7–5 6
KR 4 2 0 2 4–4 6
KEFLAVÍK 3 2 0 1 5–6 6
ÍA 4 2 0 2 4–7 6
GRINDAVÍK 4 1 0 3 6–12 3
ÞRÓTTUR 3 0 0 3 1–6 0
ÍBV 4 0 0 4 3–11 0
Umspil í ensku 1. deildinni:
WEST HAM–PRESTON 1–0
1–0 Bobby Zamora /(57.). West Ham spilar í
ensku úrvalsdeildinni næsta vetur og markið sem
Bobby Zamora skoraði í leiknum er talið vera
um 35 milljón punda virði.
Norska úrvalsdeildin:
VÅLERENGA–START 1–1
Árni Gautur Arason lék allan leikinn í marki
Vålerenga og Jóhannes Harðarson var allan
tímann á miðjunni hjá Start. Báðir stóðu sig vel.
Sænska úrvalsdeildin:
HAMMARBY–HÄCKEN 3–1
Pétur Marteinsson lék allan leikinn með
Hammarby, sem er í 4. sæti eftir sigurinn.
LANDSKRONA–HELSINGBORG 4–3
IFK GÖTEBORG–ELFSBORG 1–1
Hjálmar Jónsson lék fyrri hálfleikinn með IFK.
Eyjamenn töpuðu fjórða leiknum í röð í gær:
FÓTBOLTI Grindvíkingar hrepttu
sín fyrstu stig og skildu
Eyjamenn eftir stigalausa á
botninum þegar þeir unnu leik
liðanna 2–1 í Grindavík í gær. Öll
mörk leiksins komu á fjörugum
fimm mínútna kafla í fyrri
hálfleik. ÍBV gerði sitt besta til að
jafna metin í síðari hálfleik og
færðu Grindvíkingar sig aftar á
völlinn með hverri mínútunni
sem leið – og einum of aftarlega
undir það síðasta. En vörn liðsins,
með Óla Stefán Flóventsson sem
langbesta mann, stóðst allar at-
lögur ÍBV án teljandi vandræða
og uppskar liðið þannig sinn
fyrsta sigur, býsna verðskuldað-
an sem slíkan.
Það er ótrúlegt á köflum að sjá
áhrifin sem Kekic hefur á lið
Grindavíkur. Hann er þessi afger-
andi leikmaður sem allir þjálfar-
ar vilja hafa í sínu liði – sá sem
gerir samherja sína betri.
„Það skiptir öllu máli að fara
með sigur á bakinu í þetta frí sem
er fram undan. Mér fannst við
spila vel í fyrri hálfleik en duttum
aðeins niður í þeim síðari en löng-
unin í sigur skipti sköpum hér í
dag,“ sagði Kekic eftir leik. Um
eigin frammistöðu sagði Kekic
hana aukaatriði, honum sé alveg
sama hvar á vellinum hann spili.
„Bara að við vinnum, þá er ég
ánægður,“ sagði Kekic.
Öðruvísi horfir við hjá ÍBV,
sem enn á eftir að finna stöðug-
leikann. Það sem liðið vantar sár-
lega er hinn eiginlegi leikstjórn-
andi og leikmaður sem getur
bundið enda á sóknir.
Á meðan þjálfarinn Guðlaugur
Baldursson finnur ekki þessa
menn verður ÍBV í vandræðum
með sóknina og ef mark er tekið
af varnarleiknum verður ekki
annað séð en að liðið muni aðeins
auka á þau vandræði, því ekki er
hann sannfærandi. Liðið er stiga-
laust á botni deildarinnar og ef
áfram heldur sem horfir mun sú
staða ekki breytast. - vig
Fyrstu stig Grindvíkinga
Magnús Gylfason, þjálfari KR, reiddist
mjög þegar hann skoðaði myndbands-
upptöku af ákveðnu atviki úr leik liðsins
gegn FH. Umrætt atvik var að brotið
var á sóknarmanninum Grétari Hjart-
arsyni í seinni hálfleik og Ólafur
Ragnarsson dómari dæmdi víta-
spyrnu. Einar Örn Daníelsson aðstoð-
ardómari flaggaði þá óvænt rang-
stöðu og því hætti Ólafur við víta-
spyrnuna. Staðan var 1-0 fyrir FH þegar
þetta gerðist og þannig var staðan er
leiknum lauk.
,,Þetta er alveg ótrúlegt. Ég skil
ekki hvernig maðurinn getur
dæmt rangstöðu, Grétar var
dekkaður af tveimur leik-
mönnum þegar sendingin
kom og hann stakk sér milli
þeirra. Ég varð rosalega reiður þegar ég
sá þetta svart á hvítu á upptöku strax
eftir leik. Meðan leikurinn var
í gangi var ég ekkert reiður
þar sem maður verður að
treysta þessum línuvörð-
um og ég taldi hann hafa
gert rétt. Þarna voru þó
skelfileg mistök á ferð-
inni.“ sagði Magnús.
Þegar Magnús kom
heim eftir leikinn
skellti hann
mynd-
bandsupptöku af honum í tækið og
ákvað að rýna nánar í hann. ,,Þegar ég
sá þetta síðan þá trúði ég þessu ekki í
einlægni minni. Dómarinn var tíu metra
frá þessu en línuvörðurinn lengst úti í
horni en tekur samt vítið af honum!
Svona á maður ekki að gera nema
maður sé alveg 100% viss. Það segir
mjög skýrt í reglunum að sóknarmaður
eigi að njóta vafans sé einhver vafi fyrir
hendi.“
Magnús vill meina að KR hafi einnig átt
að fá víti þegar Auðun Helgason klifraði
upp á bak Garðars Jóhannssonar. ,,Ég
vil ekki láta það hljóma eins og ég sé
að væla en það er enginn vafi á að það
var líka víti. Við fengum á okkur vafa-
samt víti í Keflavík en þetta atvik var
mun verra.“
MAGNÚS GYLFASON ÞJÁLFARI KR: EKKI SÁTTUR VIÐ DÓMGÆSLUNA Í TAPLEIKNUM GEGN FH
Magnús var› rosalega rei›ur eftir leik
LA
ND
SB
AN
KA
DE
IL
DI
N
HVAÐ? HVENÆR? HVAR?
28 29 30 31 1 2 3
Þriðjudagur
MAÍ
■ ■ LEIKIR

19.15 Valur og Fram mætast að
Hlíðarenda í Landsbankadeild karla.

19.15 Þróttur og Keflavík mætast
á Laugardalsvelli í Landsbankadeild
karla.

20.00 Keflavík og Valur mætast á
Keflavíkurv. í Landsbankad. kvenna.

20.00 Stjarnan og ÍA mætast á
Stjörnuvelli í Landsbankad. kvenna.

20.00 KR og FH mætast á KR-velli
í Landsbankadeild kvenna.

20.00 ÍBV og Breiðablik mætast á
Hásteinsvelli í Landsbankad. kvenna.
■ ■ SJÓNVARP

7.00 Olíssport á Sýn endursýnt
fjórum sinnum frá kvöldinu áður.

15.35 Landsbankadeildin á Sýn.
Grindavíkur-ÍBV frá því í gær.

16.45 Fótboltakvöld á RÚV. (e)

22.00 Olíssport á Sýn.

22.20 Smáþjóðaleikarnir á RÚV.
(1:5)
0-3
Akranesv., áhorf: 1412 Kristinn Jakobsson (7)
TÖLFRÆÐIN
Skot (á mark) 6–15 (1–8)
Varin skot Páll Gísli 4 – Bjarni Þórður 1
Horn 5–3
Aukaspyrnur fengnar 9–16
Rangstöður 5–0
0-1 Hrafnkell Helgason (23.)
0-2 Björgólfur Takefusa, víti (54.)
0–3 Erik Gustafsson (57.)
ÍA Fylkir
2-1
Grindavík, áhorf: 718 Jóhannes Valgeirsson (5)
TÖLFRÆÐIN
Skot (á mark) 11–8 (6–6)
Varin skot Savic 4 – Birkir 5
Horn 3–0
Aukaspyrnur fengnar 21–14
Rangstöður 1–1
1–0 Sinisa Valdimar Kekic (11.)
1–1 Matthew Platt (12.)
2–1 Óli Stefán Flóventsson, víti (16.)
Grindavík ÍBV
*MAÐUR LEIKSINS
ÍA 4–3–3
Páll Gísli 7
Finnbogi 4
Reynir 7
Gunnlaugur 7
Guðjón Heiðar 4
Helgi Pétur 3
Jón Vilhelm 3
(59. Andri 5)
Pálmi 4
Martin 3
(59. Kári Steinn 4)
Hjörtur 3
(59. Sigurður R. 6)
Hafþór 4
FYLKIR 4–3–3
Bjarni Þórður 7
Kristján 6
Ragnar 8
Valur Fannar 7
Gunnar Þór 7
Finnur –
(15., Eyjólfur 7)
Hrafnkell 6
(66. Björn Viðar 5)
*Helgi Valur 9
Björgólfur 8
Gustafsson 7
(81. Arnar Þór –)
Viktor Bjarki 7
*MAÐUR LEIKSINS
GRINDAVÍK4–4–2
Savic 6
Óðinn 5
Jack 6
Óli Stefán 8
Eyþór Atli 5
McShane 6
(90. Páll G. –)
Niestroj 6
Eysteinn Húni 6
Magnús Þ. 6
(60. Óskar Örn 6)
Ahandour 7
(87. Andri Hjörvar –)
*Kekic 8
ÍBV 4–5–1
Birkir 7
Pétur 5
Páll Hjarðar 5
Bjarni Hólm 5
Bjarni Geir 5
(83. Sæþór –)
Platt 5
Andri 5
Jeffs 6
Magnús Már 6
Atli 4
(72. Bjarni Rúnar –)
Steingrímur 4
(46. Dodds 6)
BESTUR Á VELLINUM Sinisa Kekic spilaði
vel fyrir Grindavík gegn ÍBV í gær og er
ekkert að gefa eftir. FRÉTTABLAÐIÐ/SIGURJÓN
SVONA ÓLI MINN, ÞAÐ GENGUR BARA
BETUR NÆST Þetta gæti þessi ágæti stuðn-
ingsmaður ÍA verið að segja við Ólaf
Þórðarson, þjálfara liðsins, sem var
ráðalaus. FRÉTTABLAÐIÐ/EIRÍKUR