Fréttablaðið - 04.06.2005, Page 26
Svartir bílar
Rannsóknir hafa leitt í ljós að svartir bílar lenda oftar í slysum og árekstr-
um heldur en bílar í öðrum litum. Silfurlitaðir bílar koma þar á eftir.[ ]
Súðavogur 6
Tjónaskoðun
• SUMARDEKK • HJÓLBARÐAÞJÓNUSTA
• HEILSÁRSDEKK • RAFGEYMAÞJÓNUSTA
• OLÍS SMURSTÖÐ • BREMSUKLOSSAR
• BÓN OG ÞVOTTUR • PÚSTÞJÓNUSTA
ALLT Á EINUM STAÐ
SMUR- BÓN OG DEKKJAÞJÓNUSTAN
SÆTÚNI 4, SÍMI 562 6066
Hemlarnir verða að vera í lagi
Sigurður segir mikilvægt að fylgja reglunum þegar ekið er með eftirvagn.
Tími ferðalaganna er runninn
upp og margir hafa tekið
fram tjaldvagna og fellihýsi
fyrir fríið. Að mörgu eru að
huga áður en tjaldvagn eða
fellihýsi er hengt aftan í bíl-
inn – ef búnaðurinn er ekki í
lagi getur farið illa.
Sigurður Helgason hjá Umferðar-
ráði segir að margt þurfi að at-
huga áður en lagt er af stað með
tjaldvagn eða fellihýsi í eftir-
dragi. „Í fyrsta lagi þarf að
tryggja að tengibúnaðurinn sé
skráður í skráningarskírteini bif-
reiðarinnar og tengibúnaðurinn
verður líka að vera í lagi. Eins
þarf að hafa í huga að eftirvagn-
inn má ekki vera þyngri en skráð
er í skráningarskírteini bílsins
sem dregur hann,“ segir Sigurður.
„Á skráningarskírteini er ann-
ars vegar gefið upp hve þungan
eftirvagn má draga með hemlum
og hins vegar án hemla. Í eldri bíl-
um eru þessar upplýsingar ekki
skráðar í skírteinið en þá er við-
miðunin sú að þyngd eftirvagns-
ins sé ekki meiri en helmings-
þyngd bílsins sem dregur hann.
Þ.e.a.s. ef vagninn er ekki búinn
hemlum,“ segir Sigurður en allir
vagnar sem eru þyngri en 750 kíló
eiga að vera búnir hemlum.
Þegar ekið er með tengivagn
má ekki aka á meira en 80 km
hraða. Sigurður segir að erfitt sé
að fylgjast með því að sá há-
markshraði sé virtur og stundum
skapist vissulega raðir og teppur
vegna tjaldvagna. „Ég held að lög-
reglan sjái dálítið í gegnum fingur
sér með þessa hraðatakmörkun
sérstaklega þegar umferð er mik-
il. Ef umferðin er á 80 þá kallar
það á meiri framúrakstur og það
er framúraksturinn sem er hættu-
legastur. Ökumenn með eftir-
vagna eiga samt að virða hraða-
takmörkin og verða að fylgjast
vel með umferðinni fyrir aftan sig
og hleypa framúr þegar því verð-
ur við komið.“
Til að sjá aftur fyrir sig getur
verið nauðsynlegt að framlengja
hliðarspegla bílsins og ef vagninn
er breiðari en bíllinn er skylda af
hafa slíka framlengingu.
Sigurður segir að eftirvagnar
geti vissulega valdið slysum og
því sé mikilvægt að huga vel að
búnaðinum áður en haldið er af
stað „Ef tengingin er ekki í lagi
getur vagninn losnað og eins er
töluverð hætta á ferðum ef vagn-
inn er of þungur fyrir bílinn því
þá getur vagninn tekið völdin af
bílnum. Í hvassviðri þarf líka að
vera vel á varðbergi því vagnarn-
ir taka á sig mikinn vind. Það eru
til dæmi um að eftirvagnar hafi
valdið slysum og því er mikilvægt
að fylgja þeim reglum sem gilda
um slíka vagna. Það er nefnilega
ástæða fyrir því að reglurnar eru
settar.“ ■
TÉKKLISTI FYRIR TJALDVAGNA
• Tengibúnaðurinn verður að vera skráður í skráningarskírteini bílsins.
• Vagninn má ekki vera þyngri en sagt er til um í skráningarskírteini.
• Ljósabúnaður á vagninum verður að virka.
• Athuga loft í dekkjum áður en lagt er af stað og muna að hafa varadekk með í för.
• Framlengja spegla ef þess þarf til að tryggja útsýni.
• Vagninn má aldrei vera meira en 60 cm breiðari en
bíllinn (30 cm hvoru megin)
• Hámarkshraði fyrir þá sem aka með eftirvagn er
80 km/klst.
Tjaldvögnum og fellihýsum fjölgar stöðugt
á vegum landsins.