Fréttablaðið - 06.08.2005, Page 31

Ferðaskrifstofan GB ferðir býður
upp á þrettán tíu daga skíðaferðir
til skíðaparadísarinnar Aspen
næsta vetur. Sala er hafin á skíða-
pössunum og eins og fyrri ár
bjóða GB ferðir viðskiptavinum
sínum upp á verulegan afslátt á
skíðapössum, eða allt að fjörutíu
prósent. Flogið er á hverjum
mánudegi frá 19. desember til 16.
apríl en þá loka fjöllin í Aspen.
Gist er á glæsihótelinu Aspen
Meadows sem er fyrir löngu orðið
frægt þar í bæ.
Ferðavenjur Íslendinga eru að
breytast. Fólk notar nú allt árið til
ferðalaga og vetrarferðir í sólina
eru orðnar vinsælar. Ferðaskrif-
stofurnar hafa upp á margt að
bjóða og þótt internetið og lágfar-
gjaldaflugfélögin geri mönnum
kleift að skipuleggja sína eigin
ferð hafa ferðaskrifstofurnar
sjaldan orðið varar við jafn mikla
uppsveiflu og núna.
Sólarlandaferðir hafa alltaf
verið vinsælar meðal sólþyrstra
Íslendinga og margt er í boði fyrir
þá sem vilja fá sól á kroppinn yfir
veturinn. Sumarferðir einbeita
sér að ferðum til Kanaríeyja og
nýir áfangastaðir á eyjunum hafa
bæst við flóruna. Til dæmis Lanz-
arote og Tenerife. Þótt sólarlanda-
ferðirnar séu vinsælar hafa þær
breyst. Á árum áður voru þriggja
vikna sólarlandaferðir algengar
en nú fara flestir í viku eða hálfan
mánuð. Þá er einnig algengt að
fólk geymi viku af sumarfríinu
sínu og skelli sér í sólina um
miðjan vetur, til dæmis í nóvem-
ber eða desember.
Hjá Úrval-Útsýn hefur sala á
Kanaríferðum aukist um 50 pró-
sent síðastliðið ár og þar á bæ
segja menn að gríðarleg sprengja
hafi orðið í ferðalögum. Fólk fari
mikið í vikuferðir í sólina og þær
ferðir séu oft bókaðar með
stuttum fyrirvara.
Þótt afslöppun í sólinni sé
alltaf vinsæl eru alltaf einhverjir
sem vilja meiri ævintýri. Ferða-
skrifstofan Prima Embla hefur
um árabil boðið upp á vinsælar
ævintýraferðir til framandi
landa. Nú er nær uppselt í allar
ferðir vetrarins en áætlað er að
fara til Kína, Ástralíu, Ekvador og
Galapagos-eyja svo fátt eitt sé
nefnt. Meðalaldurinn í þessum
ferðum fer lækkandi og ungt fólk
virðist í auknum mæli leyfa sér
þann lúxus að fara til framandi
landa án þess að þurfa að skipu-
leggja allt sjálft. Þemaferðir eru
einnig vinsælar hjá Prima Emblu
og það er eitthvað sem farið er að
bera meira á í ferðabransanum. Í
haust verður til dæmis farið til
Feneyja á grímudansleik með
Stuðmönnum og orðið er nær upp-
selt í ferð til Normandí þar sem
saga seinni heimsstyrjaldarinnar
verður rakin með fyrsta flokks
leiðsögumönnum.
Heimsferðir bjóða upp á ýmsar
nýjungar í vetur enda keyptu þær
á dögunum tvær norrænar ferða-
skrifstofur. Meðal nýjunga hjá
Heimsferðum má nefna vikulegar
ferðir til Kúbu í mars og apríl.
Kúba er vinsæll áfangastaður um
þessar mundir og ætlar ferða-
skrifstofan Úrval-Útsýn einnig að
bjóða upp á ferðir til Kúbu.
Borgarferðirnar standa alltaf
fyrir sínu og þótt London og
Kaupmannahöfn séu alltaf vin-
sælar hafa nýir áfangastaðir bæst
við. Ljubljana í Slóveníu er til
dæmis vinsæl og sömu sögu er að
segja af Kraká, Prag og Búdapest.
Það er því ljóst að ferðaglaðir Ís-
lendingar hafa um margt að velja
ef þeir vilja leggjast í ferðalög í
vetur. Verðið er líka betra en oft
áður sem er mikill kostur.
Kort Þegar komið er á nýjan áfangastað er alltaf góð regla að byrja á því
að fá sér kort af svæðinu. Með því að skoða kortið og leggja kennileiti á
minnið á maður auðveldara með að átta sig á umhverfinu og sjá hvernig
landið liggur.[ ]
FRIENDS
VIRKA DAGA KL. 20:30
Kúba er skemmtilegur áfangastaður með iðandi mannlífi, heillandi menningu og stór-
brotnu landslagi. Heimsferðir og Úrval-Útsýn bjóða í vetur upp á vikulegt flug til Kúbu
sem er nýjung hér á landi.
Breyttar ferðavenjur
og nýir áfangastaðir
Íslendingar fara oftar til útlanda en áður en ferðirnar eru
styttri. Áfangastöðum fjölgar og ævintýraferðir til framandi
slóða verða líka sífellt vinsælli.
Lanzarote er nýr áfangastaður Sumarferða
á Kanaríeyjum. Sólarlandaferðirnar eru
alltaf vinsælar og það verður algengara að
fólk geymi eina viku af sumarfríinu og
skelli sér í sólina að vetri til.
Það færist í aukana að Íslendingar bregði sér til framandi landa. Ferðaskrifstofan Prima Embla býður upp á spennandi ævintýraferðir
með íslenskri fararstjórn.
Afsláttur á skíðapössum í Aspen
GB ferðir bjóða upp á skíðaferðir til Aspen allan næsta vetur.
Það er alls ekki slæmt að skíða í Aspen á
veturna.
Sögusetrið á Hvolsfelli hefur upp
á margt að bjóða fyrir gesti og
gangandi. Njálusýningin stendur
alltaf fyrir sínu og nú er Kaupfé-
lagssafnið einnig til húsa á sama
stað en þar má skoða sögu versl-
unar á Suðurlandi á síðustu öld.
Alla sunnudaga í sumar hefur
reiðskólinn Þyrill staðið fyrir
skemmtilegum hestaferðum á
Njáluslóðir í samstarfi við Sögu-
setrið á Hvolsvelli. Í þessum ferð-
um er boðið upp á morgunverðar-
hlaðborð og farið í léttan reiðtúr
um Njáluslóðir sem endar með
grillveislu. Að lokum er haldið á
sögusetrið og hlýtt á fyrirlestur
um Njálu. Fyrir þá sem ekki
treysta sér á bak þá eru fyrir-
lestrarnir á sögusetrinu öllum
opnir og tilvalið að skreppa á
Hvolsvöll og hlýða á skemmtileg-
an fyrirlestur með sunnudags-
kaffinu. Fyrirlestrarnir fara fram
í söguskálanum sem er innréttað-
ur í anda þjóðveldisaldarinnar og
þar skapast skemmtileg stemn-
ing.
Næstkomandi sunnudag ætlar
Kristján Jóhann Jónsson að tala
um óþverra og illmenni í Njálu.
Guðni Ágústsson og Sverrir Her-
mannsson láta svo í sér heyra
næstu sunnudaga þar á eftir.
Á sunnudögum geta gestir Sögusetursins á Hvolsvelli hlýtt á skemmtilega fyrirlestra um
Njálu.
Njála með kaffinu
Á Sögusetrinu á Hvolsvelli kennir ýmissa grasa. Þar er bæði
Njálusýning og kaupfélagssýning og á sunnudögum geta gestir
hlýtt á fyrirlestra um Njálu.