Fréttablaðið - 18.08.2005, Blaðsíða 55

FIMMTUDAGUR 18. ágúst 2005 39
Kvikmyndin Deck Dogz fjallar um
þrjá unga drengi í Ástralíu sem
dreymir um að komast frá úthverfi
sínu og hafa atvinnu af því að
standa á hjólabretti. Vandinn er sá
að enginn hefur trú á þeim eða fólk
álítur hreinan barnaskap að vilja
gerast atvinnuhjólabrettakappar.
Einn daginn virðist þó birta til í
lífi þeirra þegar sjálfur Tony Hawk
kemur til Ástralíu og heldur úrtöku-
mót fyrir unga kappa. Eini vandinn
er sá að mótið er haldið í mikilli
fjarlægð frá heimili þeirra. Þeir
vita líka sem er að hvorki kennarar
né foreldrar eiga eftir að hjálpa
þeim. Þeir verða því að grípa til eig-
in ráða svo þeir geti uppfyllt lang-
þráðan draum sinn.
Það eru óþekktir leikarar sem
fara með helstu hlutverkin í mynd-
inni og þetta er fyrsta mynd leik-
stjórans Steve Pasvolsky í fullri
lengd. Þekktasta andlitið í myndinni
er sjálfsagt Tony Hawk sem leikur
sjálfan sig en hann er eitt stærsta
nafnið í heimi hjólabrettanna og
hafa tölvuleikir með nafni hans
selst í bílförmum. ■
Kvikmyndin Höfuðkúpulykillinn
eða The Skeleton Key segir frá
ungri hjúkrunarkonu, Caroline Ell-
is, sem tekur að sér að hjúkra Ben
Devereaux. Sá hefur fengið slag og
getur hvorki talað né hreyft legg
eða lið eftir áfallið. Hann býr á
gamalli plantekru ásamt Violet,
eiginkonu sinni. Þar hefur verið
reimt undanfarnar aldir en
Caroline neitar að trúa slíkum
hindurvitnum. Það renna hins
vegar á hana tvær grímur eftir að
hún opnar dyr að gamalli Vúdú
kompu með Höfuðkúpulyklinum.
Þá fara nefnilega að gerast hlutir
sem neyða hana til þess að velja
milli þess að trúa eða trúa ekki.
Það er Kate Hudson sem fer
með aðalhlutverkið í þessari
hrollvekju eftir leikstjórann Iain
Softley. Kate vakti fyrst athygli í
kvikmyndinni Almoust Famous
þegar hún fór með hlutverk
grúppíunnar Penny Lane. Iain
Softley vakti athygli þegar hann
gerði mjög svo dramatíska mynd
um samband Stuart Sutcliffe og
John Lennon í myndinni Backbeat
en Sutcliffe var fyrsti bassaleik-
arinn í Bítlunum og besti vinur
Lennon. Auk Kate fer John Hurt
með hlutverk hins mjög svo þjáða
Ben Devereaux. ■
Lykillinn a› hryllingnum Vonir og væntingar
CAROLINE ÁSAMT DEVEREAUX-HJÓNUNUM Þegar Ellis opnar fyrir tilviljun herbergi
sem notað var fyrir vúdúgaldra fara undarlegir hlutir að gerast.
TONY OG STRÁKARNIR Strákarnir þurfa
að hafa sig alla við til þess að komast í
tæri við sjálfan Tony Hawk.
[ SMS ]
UM MYNDIRNAR Í BÍÓ
FANTASTIC FOUR Fjórmenningarnir frá-
bæru þykja góðir fyrir sinn hatt en skilja
ekki mikið eftir sig.
Fantastic Four
„Fantastic Four líður fyrir hversu vel hefur tekist
að útfæra hetjur hasarblaðanna að undanförnu.
Hún er dæmigerð sumarskemmtun, góð meðan
á henni stendur en skilur ekkert eftir.“
FGG
Wedding Chrashers
„Aðdáendur Wilson og Vaughn ættu að drífa sig
á Wedding Crashers. Þeir þurfa bara að passa
sig á að drekka ekki of mikið gos fyrir sýning-
una. Það gæti skilað sér þegar síst skyldi.“
FGG
The Island
„The Island er fyrirtaks afþreying. Ekta popp og
kók sumarsmellur og kærkomin tilbreyting frá
risastórum framhaldsmyndum og tækniundrum
sem hafa drottnað yfir bíósölunum frá því í maí.“
ÞÞ
Madagaskar
„Madagaskar fer ekki í hópi bestu teiknimynda
sögunnar. Hún er þó góð skemmtun fyrir börnin
sem ættu að skemmta sér vel yfir mörgæsunum
og lemúakonunginum.“
FGG
The Longest Yard
„The Longest Yard er ein stór bandarísk klisja
með fimm aura bröndurum. Hún er yfirdrifin
kvikmynd sem tekst ekki það sem hún ætlaði
sér, að skemmta fólki.“
FGG
Deck Dogz
Internet Movie Database: 5,9 / 10
Skeleton Key
Internet Movie Database: 6,1/ 10
Rottentomatoes: 39% / Rotten
Metacritic: 6,4 / 10
FRUMSÝNDAR UM HELGINA
(DÓMAR Í ERLENDUM MIÐLUM)