Tíminn - 10.08.1975, Blaðsíða 7
Sunnudagur 10. ágúst 1975.
TÍMINN
7
TIMINN HEIMSÆKIR OLAFSFJORÐ
Texti og myndir: Áskell Þórisson
ÞAÐ ER EKKI TEKIÐ TILLIT TIL
RAUNVERULEGRA ÞARFA
SVEITARFÉLAGA VIÐ ÚTHLUTUN
ÚR JÖFNUNARSJÓÐNUM
segir Pétur M. Jónsson, bæjarstjóri
Um siöastliðin áramót tók Pét-
ur Már Jónsson við embætti
bæjarstjóra á Ólafsfirði af As-
grimi Hartmannssyni, er hafði_
gegnt þvi frá árinu 1946. Timinn
spurði Pétur fyrst um hitaveit-
una, en eins og kunnugt er þá
fannst — óvænt — heitt vatn á
Ólafsfirði fyrir skömmu.
Ekkert heitt vatn
hafði fundizt
í áratug
Siðan 1963 má segja að ekkert
heitt vatn hafi fundizt hér á Ólafs-
firði, en þá fannst það er við not-
um nú i dag, sagði Pétur. Vatns-
magnið nægði má segja til ársins
1971, en þá fór að bera á skorti,
enda einun&is um 29 sekúndulltra
að ræða. Siðan má segja að borað
hafi verið árlega án árangurs og
þá alltaf grynnri holur en boruð
var nú seinast. Jarðfræðingar
höfðu spáð þvi, að mest væri von-
in innan við 600 metra en útilokað
væri að holur á 1 kilómetra dýpi
gæfi nokkuð af sér. Það sýndi sig
hins vegar, að það hafði borgað
sig að taka áhættuna þvi núna i
dag streyma milli 25-30 sekúndu-
litrar af 65 gráðu heitu vatni úr
borholunni á Laugaengi. Þessi
fundur hefur svo aftur þá þýðingu
fyrir staði við Eyjafjörð eins og
Dalvik og Akureyri, þeir geta átt
von á að innan tiðar verði fram-
kvæmdir álika vel heppnaðar og
hér.
30 milljón króna
sparnaður
— Hafa einhverjir útreikningar
verið gerðir á þvi hve mikill
sparnaðurinn er I að nota hita-
veitu á Ólafsfirði?
— Það hafa verið gerðir laus-
legir útreikningar á þvi og þá
miðað við það rými er hitað var
upp með vatni en þaðvoru um 105
þúsund rúmmetrar. Reyndist það
vera um 30 milljónir sem annars
hefðu farið i oliukaup, en I þessu
dæmi var ekki tekið tillit til oliu-
styrks.
— Skortið mikið á að öll hús á
Ólafsfirði séu hituð upp með
vatni?
— Það munu vera 10-12 ibúðar-
hús sem eru i byggingu sem ekki
hafa hitaveitu og þá höfum við
ekki látið fyrirtæki hafa heitt
vatn. Eins hefur sundlaugin verið
afskipt, en það stendur til bóta og
verður nú hægt að hafa hana opna
yfir veturinn. í fyrrgreindar ibúð-
ir verður hitaveita kornin fyrir
veturinn, en fyrirtækin verða að
biöa enn um sinn.
Pétur M. Jónsson
Tekjur á siðastliðnu ári
6 milljónir, tap 5 millj
—- Hvernig er þá hagur hitaveit-
unnar?
— Hann er fremur bágborinn, á
siðastliðnu ári varð rekstrarhalli
5 milljónir en allar tekjur námu 6
milljónum, þannig að litt var eftir
aflögu til frekari framkvæmda.
Það er þvi fyrirsjáanlegt að
gjaldskrá hitaveitunnar þarf að
hækka ef hún á að veita þá þjón-
ustu sem fólk krefst, að visu hefur
hún verið hækkuð um rúmlega
þrjátiu prósent, en þegar ein hola
kostar milli 10-12 milljónir og
rekstrarhalli fyrirsjáanlegur á
þessu ári þá má ekki viö svo búið
standa. Áætlanir/Sem hafa verið
gerðar I þessu sambandi gera ráð
fyrir að greiðsluafgangur verði
uppúr 1980-81, þannig að bærinn
verður að axla nokkuð þungar
byrðar þangað til.
Nýja stálþilið
ónothæft vegna
skemmda
— Hvernig er ástand hafnar-
mála i Ólafsfirði?
— Þrengsli eru mikil i höfninni
og þrátt fyrir þær framkvæmdir
sem hér hafa átt sér stað er höfn-
in talin, af tryggingarfélögum,
óhæf fyrir vélvana báta. Á fram-
kvæmdaáætlun var að ganga frá
stálþilinu, þekja það og setja nið-
ur vatns- og rafmagnslagnir, en
væntanlega dregst það til næsta
árs vegna dýpkunarkostnaðar I
höfninni. Þetta stálþil er hins
vegar mikill höfuðverkur, það
hefur gliðnað sundur á fjölmörg-
um stöðum og jarðvegurinn runn-
ið I gegn svo þilið er ónothæft og
er það i hæsta máta grábölvað að
geta ekki notað framkvæmd sem
kostar tugi milljóna. Hins vegar
hefur sveitarfélag eins og Ólafs-
fjörður ekki fjárhagslegt bol-
magn til að gera við þó ekki væri
annað en stálþilið, en höfnin ein
sér stendur ekki undir rekstrar-
eða stofnkostnaði.
Njóta ekki sömu
fyrirgreiðslu og
stór-Reykjavik
— Hvað um aðrar fralnkvæmd-
ir á vegum ólafsfjarðarbæjar?
— Hér er unnið að innréttingum
við verknámsálmu Gagnfræða-
skóla Ólafsfjarðar, en sá skóli er
til þess að gera nýr og mjög vel úr
garði gerður. Þá er unnið við
iþróttavöll er kemst i gagnið á
næsta ári. Hins vegar eru leigu-
ibúðabyggingar bæjarins ef til
vill hvað mikilvægastar, en á sin-
um tima sótti bærinn um 15 ibúðir
á fjórum árum en lánsfjársloforð
eru fyrir tveim og er sú fram-
kvæmd komin i gang. Öhætt mun
að fullyrða að við erum óhressir
yfir þvi hvað ráðamenn hafa lit-
inn áhuga fyrir ibúðamálum
landsbyggðarinnar og i þeim efn-
um njótum við ekki sömu fyrir-
greiðslu og forgangs og til dæmis
Breiðholtsframkvæmdirnar.
Hérna er mjög mikil þörf á leigu-
húsnæði og má segja að nær von-
laust sé fyrir aðkomumann að fá
ibúð á leigu.
Heilsugæzlustöð —
sjúkraskýli —
Elliheimili —
— Hér á Ólafsfirði var byrjað
að byggja sjúkraskýli og elli-
heimili 1967, en þær framkvæmd-
ir lögðust niður um skeið og það
Hafnarsvæðið
Múlavegur út Ólafsfjörð og yfir til Dalvikur.
var ekki fyrr en 1973 að aftur var
farið i gang. Þá var búið að
breyta teikningum og bætt við
heilsugæzlustöð, en það mun vera
einsdæmi að allir þessir þrir
þættir séu undir einu og sama
þaki. Menn vona að framkvæmd-
ir fari i gang fyrir alvöru nú i ár
þvi bæði er mjög brýn nauðsyn að
fá þessa starfsemi hingað og eins
hefur fé sem safnazt hefur til
framkvæmdanna koðnað niður I
gengissigum undanfarinna ára.
Má þar nefna að gamall Ólafs-
firðingur Jónina Sæborg gaf á
sinum tima upphæð sem svaraði
5% byggingarkostn. en er i dag
um 1%. Annars mun vera til i
sjóðum um 2,2 milljónir sem er
mest gjafafé en það yrði fljótlega
mun meira, yrði fólk vart við að
skriður væri kominn á málin.
50% aflaaukning
miðað við sama
tima i fyrra.
— Hefur atvinnuástand verið
viðunandi á Ólafsfirði?
— Já, það hefur verið nokkuð
gott. Skuttogararnir tveir ólafur
Bekkur og Sólberg hafa fiskað
ágætlega og eðlilega stóraukið at-
vinnu frá þvi sem áður var.
Stöðug atvinna hefur verið i
frystihúsunum tveim og jókst
aflamagn úr rúmum þrjú þúsund
tonnum i tæp fimm þúsund tonn
miðaðviðsama tima i fyrra. Hins
vegar mun afli smærri báta hafa
verið tregur að undanförnu. En
það háir staðnum hve atvinnulif
er einhæft, það má litið útaf
bregða svo ekki blasi við atvinnu-
leysi.
Jöfnunarsjóður
sveitarfélaga starfar
ekki raunhæft i dag
— Þá vildi ég að lokum koma
aðeins inná störf jöfnunarsjóðs
sveitarfélaga, en úr honum fá þau
greitt eftir höfðatölu ibúa sveitar-
félagsins, við greiðslu er þvi ekki
tekið tillit til raunverulegrar jöfn-
unarþarfar. Þó svo til dæmis Dal-
vik hafi snöggtum hærri tekjur en
Ólafsfjörður þá fá Dalvikingar
nær sömu upphæð og Húsviking-
ar, sem eru enn betur settir hvað
varðar fjárhag, fá þeir greitt eftir
höfðatölu. Rekstursfjárþörfin er
svipuð á hverjum stað og þvi ætti
að breyta sjóðnum þannig að
hann jafni tekjur sveitarfélag-
anna. Að visu er til sjóður sem er
ætlað þetta hlutverk, en hann nær
hvergi nærri nógu langt. Það væri
til dæmis hægt að fara eftir
meðaltalstekjum á hvern ibúa
slikt mat væri mun raunhæfara,
sagði Pétur M. Jónsson, bæjar-
stjóri, að lokum.
Svona hefur jarðvegurinn skriðið f gegnum rifurnar á nýja stálþilinu
1 Ólafsfjarðarhöfn